Joel 1:7 - Bible in Tzotzil de Chenalhó with Deuterocanon

⁷ Ta xulesic comel scotol li ts'usubtic cu'une, ta slilinic comel scotol li higoetic cu'une; solel jeche' chijajtic ta scomtsanic. Ta xcho'beic c'alal ta spat; jeche' xa sac yalanic chcom yu'unic li sc'obc'obe.

Bible in Tzotzil de Chamula

⁷ Laj xa slilin ta stsutsesel ti j'uvatique, laj xa soquesic ta j'ech'el ti j'icuxtique. Stuc svach'il com yu'unic ta j'ech'el, ja' to ti c'uxi taquichivan com yu'un ti sc'ob-c'obtaque.

Joel 1:7 Iomraidhean Croise

Salmos 105:33

Ilaj scotol li ts'usubtic xchi'uc li higoetic yu'unique; ic'asan li te'etic te ta yosilalique.

Éxodo 10:14

Te ic'ot scotol ta Egipto banamil. Bats'i ep li c'ulubetique. Mu'yuc ono'ox jech xc'ot ta pasel ta vo'one, me ja'uc ta to xc'ot ta pasel jech ta ts'acal.

Éxodo 10:15

Li c'ulubetique solel la snojesic li banamile. Ic'uben icom yu'unic. La slo'ic scotol li vomoletique xchi'uc li sat te'etic icomelaj ta bote. Mu'yuc xa c'usi yox chvinaj ta scotol li Egipto banamile: me ja'uc jobeltic me ja'uc muc'tic te'etic, solel mu c'usi xvinaj o.

Isaías 24:7

Ilaj o li ya'lel ts'usube yu'un itsacat ta xchamel li ts'usubaltique; li boch'o xcuxet to'ox yo'ntonique puru at-o'nton xa cha'yic.

Isaías 32:12

Majilano sna avo'ntonic ta scoj ti toj abul sba chava'yic li avosilic ti toj lequique, xchi'uc ta sventa li lequil ts'usubtic avu'unique.

Isaías 5:6

J'ech'el ta xquicta o comel. Mu'yuc xa bu ta jq'uel ta jtuc'ulan; mu'yuc xa bu ta xcaq'uinta o; te ac'o nojuc ta ch'ixtic, ac'o ch'iuc chopol ts'i'laletic. Ta xcalbe mantal ti mu xa me xac' ya'lelic li toquetique.

Jeremías 8:13

Jech chal li Muc'ul Diose: “Ta jtuch'ic loq'uel scotolic. Mu xa jbejuc sat sts'usub chcom ta ts'usubtic; mu xa jbejuc sat higo chcom ta higoaltic, xchi'uc chlilij scotol li yanale. Jelovel no'ox chjelov li c'usi laj cac'beic oxe”, xi.

Oseas 2:12

Ta xculesbe o li ts'usubtic, xchi'uc li higotic yu'un ti jech laj yal ta sventae: ‘Li'i ja' laj yac'bicun li jc'upil vinictaque’, ti xie. Ta jc'atajesbe ta ch'ixtic, ja' chtal slo'ic li chonbolometic ta te'tique.

Joel 1:12

Ta xtaquijan o li ts'usubtique; ta xchaman o li higotique. Jech noxtoc li caranatoetic, li xanetic, xchi'uc mantsanoetique ta xtaquijan o. Scotol li te'etique ta xchaman o; chlaj sc'oplal ti xcuxet no'ox yo'nton li cristianoetique.

Amós 4:9

“Jech noxtoc laj cac' tsots avocolic ta scoj muc'ta q'uixin ic' ital ta sloq'ueb c'ac'al, xchi'uc ta scoj ti ital xchanul li c'usitic ats'unojique. Jech ilaj ta c'ulubetic scotol li ts'unubaltic avu'unique, ja' li ts'usubtique, li higotique, li olivatique. Pero muc ono'ox xasutic o tal ta jtojol”, xi li Muc'ul Diose.

Habacuc 3:17

Ac'o me mu xnichin li higoe, ac'o me mu xa xac' sat li ts'usubtique, ac'o me mu xa xac' sat li olivatique, ac'o me mu xa xloc' jve'elcutic o ti c'alal ta jloc cosilcutique, ac'o me ch-ul ta scoralil li chijetique, ac'o me ch-ul ta scoralil li vacaxetique,

Malaquías 3:11

Ta jtij batel scotol c'usitic tslajesic li ts'unubaltic avu'unique, jech mu xixtanic li c'usitic chloc' avu'unic ta banamile. Li ts'usubtic ta avosilique lec chac' sat.