Joel 1:18 - Bible in Tzotzil de Chenalhó with Deuterocanon

¹⁸ Liquemic ta oq'uel li ts'unub ovolile; jeche' xjotet ta sa'el sve'elic li me' vacaxetique yu'un mu'yuc bu tstaic ts'i'laltic. Jech noxtoc li chijetique ta xa xchamic.

Bible in Tzotzil de Chamula

¹⁸ Yan no'ox sba jeltos snuq'uic ta x'oq'uic ti chon bolometique. Jeche' ta x'ech' svocolic ti bu xcotetic ta sa'el yaxal ti vacaxe. Ti chije yacal ta xchamic ta j'ech'el.

Joel 1:18 Iomraidhean Croise

1 Reyes 18:5

Li Acabe jech laj yalbe li Abdiase: —Bat xano scotol li cosilaltique. Jt'untic ta scotol nio'etic, xchi'uc ta uc'umetic me oy to bu jtabetic sve'el li ca'etic xchi'uc li mulaetique yu'un mu lecuc me mu'yuc jts'unub covoltic chijcome —xut.

1 Reyes 8:5

Li Salomón xchi'uc scotol li jaychop israeletique te stsoboj sbaic ta stuq'uil li caxae. Te la smilic chijetic xchi'uc vacaxetic. Bats'i ep ta jyalel li smoton Dios la smilique, mu xa stac' atel.

Jeremías 12:4

¿C'u to sjalil jech comen ta xocol banamil li cosilalcutique, ti taquijem scotol li vomol a'maletique? Li chonbolometic xchi'uc mutetique ichamic xa ta scoj smulic li boch'o li' nacalique, ja' ti mu xavil scuyojic li c'usi tspasique.

Oseas 4:3

Ja' yu'un ta xlic yat yo'nton li banamile; ta xyavinicajic li boch'otic te nacalique. Li chonbolometic ta te'tique, li mutetic ta vinajele, xchi'uc li choyetic ta nabe ta xchamic.

Joel 1:20

Li te'tical chonbolometique ta x'avanic ta atojol, yu'un itaquijan li bevo'tique, xchi'uc ic'ac' ta c'oc' li ts'i'laltique.

Amós 1:2

Jech laj yal: Li Muc'ul Diose tsots chlic avanuc tal ta Sión; tsots chc'opoj tal ta Jerusalén. Ta xlic taquijanuc li jobeltic ta sve'ub xchij jchabichijetique, xchi'uc ta xtaquij noxtoc li jol vits Carmeloe.

Habacuc 3:17

Ac'o me mu xnichin li higoe, ac'o me mu xa xac' sat li ts'usubtique, ac'o me mu xa xac' sat li olivatique, ac'o me mu xa xloc' jve'elcutic o ti c'alal ta jloc cosilcutique, ac'o me ch-ul ta scoralil li chijetique, ac'o me ch-ul ta scoralil li vacaxetique,

Hageo 1:10

Ja' yu'un, mu'yuc ta xcac' tal vo' ta atojolic, xchi'uc mu'yuc chac' sat li c'usi chats'unic ta banamile.

Romanos 8:22

Yu'un scotol li jujuchop c'usitic spasoj Diose ta jna'tic ti toj c'ux svocol cha'yic c'alal to tanae. Ja' jech x'ayetic ta svocolic o batel jech chac c'u cha'al jun ants ti x'ayet ta xc'uxul xch'ut c'alal yu'un xa ta xcuxe.