Joel 1:13 - Bible in Tzotzil de Chenalhó with Deuterocanon

¹³ Paleetic, lapic ch'ixlajan c'u'il sventa at-o'nton; j'abteletic ta scajleb matanal, juetanic ta oq'uel, yu'un chlaj xa sc'oplal ti chavaq'uic matanal, ti chavaq'uic ya'lel ts'usub te ta xch'ulna Dios avu'unique.

Bible in Tzotzil de Chamula

¹³ Jech ti vo'oxuque, paleetic ti abainojic ta sq'uelel ti altare, lapic ti lajemal c'u'iletique, oq'uitao abaic yu'un yipal ti avocolique, yu'un ta xch'ulna ti Dios avu'unique, ch'abal xa jutebuc ti sat ts'unubaletique, ch'abal ti vino ti ta xich' aq'uel ta matanale.

Joel 1:13 Iomraidhean Croise

2 Samuel 12:16

Li Davide la sc'opanbe ep Dios li xnich'one. Laj yicta ixim; sjunul ac'ubal te mochol ta banamil xchi'uc.

1 Reyes 21:27

C'alal laj ya'ay li Acabe, la sli' sc'u', lic slap c'u'il sventa at-o'nton ti ch'ixlajan ta lapele; laj yicta yixim noxtoc. Ja' jech slapoj o ivay; bats'i toj biq'uit laj yac' sba.

Isaías 22:12

Ja' jech sc'ac'alil chac' oc'anic li Muc'ul Dios ti ech'em svu'ele, chac' avat avo'ntonic, chac' ajux stsotsil ajolic, xchi'uc chac' alapic c'u'il ti ch'ixlajan ta lapele.

Isaías 61:6

Li vo'oxuque cha'albat ac'oplalic ti vo'oxuc paleoxuc yu'un Muc'ul Diose; ja' yajtuneltac Dios cu'untic, xi ac'oplalic. Ta to xac'upinbeic sc'ulejal li yantic banamiletique; ta to xac'ac'umtas lec aba achi'uquic li sc'ulejalique.

Jeremías 4:8

Ja' lec lapic c'u'il sventa at-o'nton; ato avo'ntonic, oc'tao abaic, yu'un te me oy o ta atojolic li sc'ac'al co'ntone.”

Jeremías 9:10

Ta xlic coc'ta jba ta sventa li vitsetique, ta xcat co'nton ta sventa li stenlejaltique, yu'un solel ta xyavnaijic o, me junuc mu'yuc xa boch'o te chjelov o. Mu'yuc xa chvinaj chbac' ts'unub-ovoliletic; c'alal ta mutetic, c'alal ta chonbolometic ta xi'ic, ta xjatovic o batel.

Ezequiel 21:12

Xnich'on cristiano, oc'an, avanan, yu'un chapal xa chich' milel scotol li jteclumale; chich' milel scotol c'alal ta banquilaletic te ta Israel. Scotolic co'ol chlajic ta milel ta espada xchi'uc li jteclumale. Ja' yu'un, majilano sna avo'nton ta scoj li vocole,

Ezequiel 27:31

Ta xjux sbejlijil sjolic ta aventa; ta slapic c'u'il ti ch'ixlajan ta lapele. Ep ta x'oq'uic, ep ta xat yo'ntonic; toj bats'i yan sba yo'nton cha'yic.

Ezequiel 7:18

Ta xlic slapic c'u'il sventa vocol ti c'ux ta lapele. Ta xlic niquicuc ta tsots xi'el. Ta xchacpochtajic o ta q'uexlal, chich'ic juxbel scotol li stsotsil sjolique.

Oseas 9:5

¿C'usi chapasic ti c'alal tsta yorail muc'ta q'uin yu'un li Muc'ul Diose, xchi'uc ti c'alal tsta sc'ac'alil chapasic li yan q'uine?

Joel 2:12

Ja' yu'un jech chal li Muc'ul Diose: “Sutanic tal ta jtojol ta scotol avo'ntonic; ictaic ixim, oc'anic, ato avo'ntonic.”

Joel 2:14

Oy yic'al mu xayac'boxuc atoj li amulique; xu' ja' chlic stacboxuc tal li bendicione, ja' li ya'lel ts'usub xchi'uc li yantic matanal chavaq'uic ta stojol Muc'ul Dios avu'unique.

Joel 2:17

Ac'o oq'uicuc te ta yochebal ch'ulna li paleetique; ac'o oq'uicuc te ta sts'el scajleb matanal li yajtuneltac Diose. Jech ac'o yalic: “Muc'ul Dios, pasbo perdón li ateclumale, mu me xavac' lajicuc ta labanel li ateclumale; mu me xavac' lajicuc ta tsalel yu'un li yantic banamile. Mu me xavac' jech chalic li yanlum cristianoetique: ‘¿Bu oy li Dios yu'unique?’, mu me xiuc jc'oplalcutic yu'unic”, ac'o xiicuc.

Números 28:14

Li ya'lel ts'usub chavac'bicun jmotonin sventa chavac'beic tal xchi'ilin li vacaxe ja' chib litro ta jujucot vacax. Ja' o'lol xchibal litro ta sventa li jcot chije. Ja' jun litro ta sventa li jujucot ch'ium chije. Ja' jech x'elan li jmoton tsc'an chachic'bicun ta jujun u ta sjunul jabile.

Números 28:4

jcot chich' milel ta sob, jcot ta bat c'ac'al.

Números 28:7

Li ya'lel ts'usub sventa chiyac'bicun ta jmotone ja' jun litro ac'o yaq'uic ta sventa jujucot chij. Li ya'lel ts'usube ac'o smaltaic o li yut ch'ulna pasbil ta nucul sventa chavich'icun ta muq'ue.

Números 29:6

Pero te ono'ox me xavaq'uilanic o li jmoton chachiq'uic ta jujun ue, xchi'uc li trigo, xchi'uc ya'lel ts'usub ti chavac'beic ono'ox xchi'ilin, jech chac c'u cha'al calojboxuc ono'oxe. Le'e ja' li jmoton chavac'bicun ti lec mu yiq'ue, ti chachiq'uic sventa chavich'icun ta muq'ue.

1 Corintios 4:1

Ja' yu'un c'otuc ta avo'ntonic ti yajtuneluncutic Cristo no'oxe, ti ja' no'ox jventainojcutic yalel li c'usi snopoj Dios ti mu'yuc to'ox vinajeme.

1 Corintios 9:13

¿Me mu xana'ic ti te la sta sve'elic li paleetic ti i'abtejic ta ch'ulna yu'un Diose? Jech noxtoc li boch'otic la xchic'beic smoton Dios ta scajlebe, ¿me mu xana'ic ti ja' te ive'ic o ta sventa li smoton Diose?

2 Corintios 11:23

Ja' yajtuneltac Cristo scuyoj sbaic, pero li vu'une mero yajtunelun Cristo, yu'un vu'un ech'em tsots abtejemun. Li'i ja' jech chic'opoj jech chac c'u cha'al li boch'o bolique. Yu'un li vu'une ep ta velta quich'oj nucul, ep ta velta ochemun ta chuquel. Ep ta velta chapal sc'oplal chquich' milel.

2 Corintios 3:6

Ja' laj yac'bun jbijilcutic noxtoc sventa chituncutic yu'un li c'usi ach' chapanbil sventa chijcolutic oe. Ma'uc ta sventa li smantal Dios ts'ibabile; ja' ta sventa yabtel Espíritu ta co'ntontic. Yu'un li c'usi ts'ibabil no'ox ta vune ja' chac' chijchamutic. Pero li Ch'ul Espiritue ja' chac' cuxicutic.

2 Corintios 6:4

Ja' no'ox oy ta co'nton chcac'cutic ta ilel ti ta melel vu'uncutic oy cabtelcutic ta stojol Diose. Ja' yu'un te jts'icojcutic scotol: uts'intael, vocol ta sventa mu'yuc c'usi oy cu'uncutic, at-o'nton,

Apocalipsis 11:3

Pero ta jtac batel chib testigo cu'un; chbat xcholic jc'op o'lol xchanibal jabil. Ja' tslapic li c'u'il ti c'ux ta lapele”, xiyutun.