Joel 1:12 - Bible in Tzotzil de Chenalhó with Deuterocanon

¹² Ta xtaquijan o li ts'usubtique; ta xchaman o li higotique. Jech noxtoc li caranatoetic, li xanetic, xchi'uc mantsanoetique ta xtaquijan o. Scotol li te'etique ta xchaman o; chlaj sc'oplal ti xcuxet no'ox yo'nton li cristianoetique.

Bible in Tzotzil de Chamula

¹² Tsuts xa ta taquijel ti uvaetique, tub xa sc'oplal ti icuxetique. Taquij xa ta j'ech'el xtoc ti granada te'e, ti satinom xane, ti ste'el mantsanaetique, xchi'uc scotol ti te'etic ti oy ta osil banomile. Ja' jech c'ot ta ch'ayel ti xmuyubajic no'ox scotol ti jnaclejetique.

Joel 1:12 Iomraidhean Croise

Salmos 4:7

Pero li vo'ote laj xa avac'bun ep xcuxetel co'nton; xjelov to jech chac c'u cha'al li boch'o oy ep strigo xchi'uc ya'lel sts'usube.

Salmos 92:12

Li boch'o tuc' yo'ntonique lec chnichinic jech chac c'u cha'al xan; lec chch'iic jech chac c'u cha'al ch'ut te'etic ta Líbano.

Cantares 2:3

Li jc'upil vinique ja' jech c'otem ta stojol yantic viniquetic jech chac c'u cha'al jpets mantsano ch'iem ta o'lol te'tic. Toj jun no'ox yutsil chca'ay ti c'alal te chichoti ta xyaxinale; li sate toj chi' ta lo'el chca'ay.

Cantares 4:13

Ja' jechot jech chac c'u cha'al ts'unubaltic ti bu chloc' lequil caranatoe; ja' jechot jech chac c'u cha'al lequil alhenya nichimetic,

Isaías 16:10

Li tse'ej lo'il te ta lequil banamile ilaj sc'oplal o; mu'yuc xa q'ueoj, mu'yuc xa boch'o xcuxet yo'nton te ta ts'usubaltic; mu'yuc xa tspits'ic loq'uel ya'lel ts'usub ta yavil spits'ubil; mu'yuc xa boch'o ch-avan ta xcuxetel yo'nton.

Isaías 24:11

Oy oq'uel avanel ta xoraltic ta scoj ti mu'yuc xa li ya'lel ts'usube; chlaj sc'oplal o li tse'ej lo'ile; chich' loq'uesel o li' ta banamil li xcuxetel o'ntonale.

Isaías 24:7

Ilaj o li ya'lel ts'usube yu'un itsacat ta xchamel li ts'usubaltique; li boch'o xcuxet to'ox yo'ntonique puru at-o'nton xa cha'yic.

Isaías 9:3

Muc'ul Dios, laj avac' muc'ta patub o'ntonal, laj avac' ep xcuxetel o'ntonal; toj xcuxet no'ox yo'ntonic ta atojol, jech chac c'u cha'al toj xcuxet yo'ntonic ta yorail tuch' trigoaltic, jech chac c'u cha'al toj xcuxet yo'ntonic c'alal tsvoc'be sbaic li c'usitic la spojbeic yajcontraique.

Jeremías 48:3

Ta xvinaj tsots oq'uel te ta Horonaim: ‘Lijyavnaij xa, lij'ul xa o’, xiic.

Jeremías 48:33

Ta xich' lajesbel sc'oplal ti xcuxet no'ox yo'ntonic, ti tse'ej lo'ilic no'ox te ta ts'unubaltic ta Moabe. Li yavil spits'ubil ya'lel ts'usube jeche' taquich'ojan chcom. Mu'yuc xa ya'lel ts'usub te, mu'yuc xa boch'o tspits' ya'lel sts'usub; mu'yuc xa boch'o chq'uejin ta sventa ti xcuxet no'ox yo'ntone.

Joel 1:10

Te ta osil banamile ch-ul scotol li c'usitic ts'unbile; solel me'on chcom o li banamile. Yu'un ch-ul o ta j'ech'el li trigoe; chtaquijan o li ts'usubtique, xchi'uc chlaj sc'oplal o ti oy aceitee.

Joel 1:16

Ta jsatic chtal yich' pojel li ve'liletic cu'untique; chlaj sc'oplal ti xcuxet no'ox co'ntontique ti tse'ej lo'ilutic no'ox ta xch'ulna Diose.

Jonás 4:7

Pero c'alal isacub osil ta yoc'omale, li Diose la spas ta mantal jcot c'onon, ja' la xc'uxbe yibel li vomole jech itaquij.

Hageo 2:19

Q'uelo me lec avilic, li' tana xchi'uc le' to batele mu'yuc chavilic chc'ot ta pasel ti jeche' pojol li snail atrigoique. Ac'o me mu'yuc to chac' sat li ts'usubtic, li higotic, li caranatoetic avu'unique, xchi'uc ac'o me mu'yuc to chnichin li olivatique, pero ta xlic xa cac'boxuc bendición’, xi li Diose”, xi li Hageoe.

Malaquías 3:11

Ta jtij batel scotol c'usitic tslajesic li ts'unubaltic avu'unique, jech mu xixtanic li c'usitic chloc' avu'unic ta banamile. Li ts'usubtic ta avosilique lec chac' sat.

Números 13:23

Te ic'otic c'alal to ta biq'uit uc'um Escol. Te laj yich'ic tal jec sc'ob ts'usub oy jchoj sat. La xojic tal ta te'; chib yajval la xq'uechic tal. Xchi'uc la stulic tal caranatoetic xchi'uc higoetic noxtoc.