Joel 1:10 - Bible in Tzotzil de Chenalhó with Deuterocanon

¹⁰ Te ta osil banamile ch-ul scotol li c'usitic ts'unbile; solel me'on chcom o li banamile. Yu'un ch-ul o ta j'ech'el li trigoe; chtaquijan o li ts'usubtique, xchi'uc chlaj sc'oplal o ti oy aceitee.

Bible in Tzotzil de Chamula

¹⁰ Ti osil banomile, jeche' sac mesan com; com ta me'inal ti banomile. Ti trigoe ch'abal xa bu ta tael; laj xa taquijuc ti yaq'uiltac uvaetique, laj xa nucultajuc ti olivo te'etique.

Joel 1:10 Iomraidhean Croise

Génesis 4:12

Ac'o me cha'abtej ta banamil, pero mu'yuc ta xac' sat li c'usitic chats'une. Jech noxtoc jcotcovil chabat o. Mu'yuc bu chata ti xu' chacux avo'ntone —x'utat.

Isaías 15:6

Li vo'etic ta Nimrime i'ulan xa, li ts'i'laletique itaquijan xa; ichaman xa li sc'obc'ob te'etique; scotol li c'usitic yoxique imats'an xa scotol.

Isaías 24:11

Oy oq'uel avanel ta xoraltic ta scoj ti mu'yuc xa li ya'lel ts'usube; chlaj sc'oplal o li tse'ej lo'ile; chich' loq'uesel o li' ta banamil li xcuxetel o'ntonale.

Isaías 24:7

Ilaj o li ya'lel ts'usube yu'un itsacat ta xchamel li ts'usubaltique; li boch'o xcuxet to'ox yo'ntonique puru at-o'nton xa cha'yic.

Jeremías 12:11

Solel jeche' xch'ijan icom o; xco'laj xchi'uc xocol banamil laj quil. Sjunul banamil soquem icom o; mu'yuc to boch'o abul sba chil ti c'u x'elan icome.

Jeremías 12:4

¿C'u to sjalil jech comen ta xocol banamil li cosilalcutique, ti taquijem scotol li vomol a'maletique? Li chonbolometic xchi'uc mutetique ichamic xa ta scoj smulic li boch'o li' nacalique, ja' ti mu xavil scuyojic li c'usi tspasique.

Jeremías 48:33

Ta xich' lajesbel sc'oplal ti xcuxet no'ox yo'ntonic, ti tse'ej lo'ilic no'ox te ta ts'unubaltic ta Moabe. Li yavil spits'ubil ya'lel ts'usube jeche' taquich'ojan chcom. Mu'yuc xa ya'lel ts'usub te, mu'yuc xa boch'o tspits' ya'lel sts'usub; mu'yuc xa boch'o chq'uejin ta sventa ti xcuxet no'ox yo'ntone.

Oseas 4:3

Ja' yu'un ta xlic yat yo'nton li banamile; ta xyavinicajic li boch'otic te nacalique. Li chonbolometic ta te'tique, li mutetic ta vinajele, xchi'uc li choyetic ta nabe ta xchamic.

Oseas 9:2

Mu'yuc chloc' atrigoic xchi'uc ya'lel ats'usubic; mu'yuc chabalinic li ya'lel ats'usubique.

Joel 1:12

Ta xtaquijan o li ts'usubtique; ta xchaman o li higotique. Jech noxtoc li caranatoetic, li xanetic, xchi'uc mantsanoetique ta xtaquijan o. Scotol li te'etique ta xchaman o; chlaj sc'oplal ti xcuxet no'ox yo'nton li cristianoetique.

Joel 1:5

¡Jyacubeletic, cuxo avo'ntonic! ¡J'uch'poxetic, juetanic ta oq'uel, yu'un tsta yorail chapojbat ta aveic li pasem ya'lel ts'usube!

Joel 2:19

Li Muc'ul Diose ta stac'be sc'opic li steclumale, jech ta xalbe: “A'yo ava'yic, ta jtac tal trigo, ya'lel ts'usub, xchi'uc aceite, jech lec chnoj ach'utic. Mu'yuc xa chcac'oxuc ta labanel yan velta yu'un li yanlum cristianoetique.

Levítico 26:20

Jeche' chavac' avocolic ta abtel, yu'un mu'yuc xa c'usi chch'i ta avosilic, xchi'uc mu xa xac' sat li te'etic ta banamile.

Habacuc 3:17

Ac'o me mu xnichin li higoe, ac'o me mu xa xac' sat li ts'usubtique, ac'o me mu xa xac' sat li olivatique, ac'o me mu xa xloc' jve'elcutic o ti c'alal ta jloc cosilcutique, ac'o me ch-ul ta scoralil li chijetique, ac'o me ch-ul ta scoralil li vacaxetique,

Hageo 1:11

Vu'un laj cac' taluc li q'uepelaltic li' ta banamil, ta vitsetic, ta trigoaltic, ta ts'usubaltic, ta olivatic, xchi'uc ta scotol li c'usitic chch'i ta banamile, xchi'uc ta stojol cristianoetic, ta stojol chonbolometic, xchi'uc ta scotol li yabtel avoc ac'obique”, xi li Diose.

Malaquías 2:3

“A'yo ava'yic, ta xcac'boxuc atojic xchi'uc li amomnich'nabique. Ta jipboxuc ta asatic li stso' xchi'uc li scomelal jmoton chavac'bicun ta q'uine; co'ol chajipoxuc loq'uel achi'uquic.