Jeremías 9:6 - Bible in Tzotzil de Chenalhó with Deuterocanon

⁶ Ja' yu'un jech chal li Muc'ul Diose: “Ja' te tiq'uilic o ta lo'lavanej. Ta sventa ti ja' bats'i jlo'lavanejetique jech muc sc'an xiyotquinicun o.

Bible in Tzotzil de Chamula

⁶ Yu'un xi ta xal ta jamal ti Diose: “Naca lo'lavanej me'inem xa'iic, nopem xa'iic ti lo'lavaneje. Laj sc'oplal ti xiyojtiquinic ti jteclumale.

Jeremías 9:6 Iomraidhean Croise

Proverbios 1:24

Laj xa quic'oxuc pero mu xach'unic; la jbech li jc'obe, pero muc xavich'ic ta muc'.

Proverbios 1:29

yu'un laj abajic li chanubtasele; muc xac'an xavich'ic ta muc' li Muc'ul Diose.

Isaías 1:25

Li vo'ote, Jerusalén, ta xcac' jc'ob ta atojol; ta jmes loq'uel scotol li ac'a'epale; ta jpoc loq'uel scotol li achopolile.

Isaías 1:3

Li vacaxe xotquin li yajvale; li buroe sna' bu yavil sve'el ac'bil yu'un li yajvale, pero li Israele mu sna'be smelol; li jteclum cu'une mu'yuc sbijilic o”, xi.

Isaías 4:4

Yu'un chlic mesbaticuc loq'uel yu'un Muc'ul Dios xchopolilic li antsetic ta Sione; chpocbatic loq'uel li ch'ich' ti sbonoj sbaic oe; tsmes loq'uel scotol ta yic'al ye, ta svu'el stsatsal li Muc'ul Diose.

Jeremías 11:10

Ja' xa bat xcha'tambeic xchopolil li smoltot syame'ic ta vo'one ti muc xch'unic c'usi laj calbeique; ja' bat yich'ic ta muc' li yantic diosetique, ja' itunic yu'un. Li smomnich'nabtac Israel xchi'uc Judae la soquesic li c'usi chapanbil cu'un ta sventa smoltot syame'ique.

Jeremías 11:19

Li vu'une ja' jechun jech chac c'u cha'al jcot ch'ium chij ti mu'yuc smul ti ch-ic'at batel ta milele, yu'un muc la jna' me oy c'usi chopol tsc'an tspasbicun, jech chalic: “Jts'etic loq'uel xchi'uc sat li jpets te' li'i; jiptic o loq'uel li' ta cosilaltic ti bu nacalutique, yu'un jech mu'yuc xa boch'o tst'ab ta alel o”, xiic.

Jeremías 13:10

Li chopol cristianoetic li'i, ti mu sc'an xa'ibicun jc'ope, ti ja' lec cha'yic o spasel li c'usi lec cha'ay stuquique, ti ja' bat yich'ic o ta muc', bat tunicuc yu'un, bat squejan sbaic ta stojol li yantic diosetique, ja' jech ta xc'otic jech chac c'u cha'al li achuc li'i ti mu'yuc xa c'usi stu oe.

Jeremías 18:18

Jech lic yalic li cristianoetique: “La'ic, la' jchapantic c'usi chcut ta jmiltic li Jeremiase, yu'un ta smantal Diose mu'yuc chal me oy ta xlaj sc'oplal ti oy paleetic chixchanubtasutique; mu'yuc ono'ox chlaj sc'oplal ti oy boch'o bijic sventa chisbijubtasutique, xchi'uc mu'yuc ono'ox chlaj sc'oplal ti oy j'alc'opetic chiyalbutic c'usi chal Diose. La', jnopbetic smul li Jeremiase; jyayijestic ta sventa jc'optic. Mu jtuc'ulanbetic li c'usi chale”, xiic.

Jeremías 20:10

Yu'un chca'ay ti puru mucul lo'il tspasique: “Puru xi'el xa no'ox ya'yel”, xiic. Jech chalic noxtoc: “La'ic, la jtic'betic smul”, xiic. Li boch'otic co'ol co'nton jchi'uque jech chalic ec: “Oyuc c'uxi lajuc ta lo'laele, jech xu' ta jtsaltic, jech xu' ta jpacbetic”, xiic.

Jeremías 5:27

Li snaique noj ta yeleq'uic, jech chac c'u cha'al noj ta snail li mutetique, jech itoyic o, ipasic o ta jc'ulej.

Jeremías 8:5

Pero vo'oxuc ti li' nacaloxuc ta Jerusalene, ¿c'u yu'un ti j'ech'el atoyoj abaic o ta jtojole? ¿C'u yu'un ti chajipilanicun comel ta avo'ntonique? Ja' laj ach'unic o li c'usi mu meleluque; ja' mu xa xac'an xasutic tal o ta jtojol.

Oseas 11:8

“¿C'u x'elan xu' ta jcomtsanot, Efraín? ¿C'u x'elan xu' ta xquictaot, Israel? ¿Me xu' ta xculesot jech chac c'u cha'al laj cules li Admae? ¿Me xu' ta jinesot jech chac c'u cha'al la jines li Zeboime? Toj yan sba co'nton avu'unic, yu'un toj ep jc'anojoxuc.

Oseas 4:6

Li jteclumale laj yich'ic ulesel, yu'un muc sna'ic spasel c'usi lec. Ta sventa ti laj ajip comel li abijile, jech ta jipot loq'uel ta paleal ec. Ta sventa ti lach'ay ta avo'nton mantaletic cu'un, vu'un li Diosun avu'une, jech ta jch'ay ta co'nton ec li amomnich'nabtaque.

Zacarías 13:9

Li boch'o cuxul to chcomique ta jtic' ta c'oc'. Ta xcunijes jech chac c'u cha'al saquil taq'uin; ta jchic'be loq'uel yic'ubal ta c'oc' jech chac c'u cha'al chich' lecubtasel c'anal taq'uin. Ta xlic sc'anbicun vocol ta jtojol, jech ta xca'ibe sc'opic ec. Jech chcalbeic: ‘Vo'oxuc jteclumaloxuc’, xcut. Jech chiyalbicun ec: ‘Vo'ot Muc'ul Diosot cu'uncutic’, xiic”, xi li Diose.

Romanos 1:28

Ta sventa ti muc xich'ic ta muc' c'u x'elan xu' chcotquintic o li Diose, jech i'ac'bat snopic o yu'un Dios li c'usitic mu'yuc stue, yu'un jech ac'o spasic o li c'usi mu jechuc sc'oplal ta pasele.

1 Corintios 15:34

Jech tsc'an chaq'uel abaic lec; mu me xasa' amulic ta stojol Dios. Yu'un oy to jayibuc avu'unic ti mu xotquinic Diose, jech chacalboxuc yu'un ac'o q'uexovanic.

1 Samuel 2:12

Li xnich'nabtac Elie puru chopol viniquetic; muc xich'ic ta muc' li Muc'ul Diose,