Jeremías 9:5 - Bible in Tzotzil de Chenalhó with Deuterocanon

⁵ Puru slo'lael xchi'ilic tspasic jujunic; mu'yuc boch'o melel c'usi chal. Solel nopen xa xa'yic li puru epalc'ope; ja' xa yac'oj yo'ntonic o spasel li c'usi chopole.

Bible in Tzotzil de Chamula

⁵ Laj sc'oplal ta yalel yu'unic ma' ti melele, jujunic ta slabanic ti yane, nopem xa'iic ta sjutel ti c'ope. Mu albajuc xchopolal ti c'usi ta spasique, mu'yuc xa c'usi xut sjel ti sjolilal yu'unique.

Jeremías 9:5 Iomraidhean Croise

Génesis 19:11

Scotol li viniquetic te tsobolic ta ti'nae, ja' li queremetic xchi'uc li moletique, ipasic ta ma'sat yu'un li j'almantaletique; te ilubtsajic sa'ilanel li ti'nae.

Job 11:3

¿Me chanop ti chipajcutic o ta lo'il ti ep c'usi chavovil ale? ¿Me chanop ti mu'yuc boch'o xu' chastsalot ta sventa li na'leel chavaq'ue?

Job 15:5

Yu'un li avee tsvinajes xa ti chopolote, yu'un ja' laj atunes li c'op ti ja' no'ox chlo'lavane.

Salmos 140:3

Jayuben xa lec yoc' xchi'uquic jech chac c'u cha'al jti'val chonetic; oy veneno ta yeic jech chac c'u cha'al orachon.

Salmos 50:19

Li c'usitic chopole xchi'uc li epalc'ope muc vocoluc chloc' ta ave, c'un ta alel chava'ay stuque.

Salmos 52:3

Ja' laj ac'an o li c'usi chopole xchi'uc li c'usi mu meleluque; ja' muc xac'an li c'usi leque xchi'uc li c'usi melele.

Salmos 64:3

Xjuxojbeic xa lec yeilal jech chac c'u cha'al espada; tst'ilesic xa tal ta jtojol flechaetic ya'yel, yu'un toj ep li c'usi chopol chalic ti oy svenenoal ya'yele.

Salmos 7:14

Q'uelavilic, li boch'o chopol yo'ntonique ina'p xa xch'utic; chch'i xa xch'utic yu'un li c'usi chopol oy ta yo'ntonique, jech puru epalc'op tsvoq'uesic.

Proverbios 12:5

Li boch'o tuc' yo'ntonique puru lec c'usi tsnopic; yan li boch'o chopolique puru lo'lavanej no'ox oy ta yo'ntonic.

Proverbios 4:16

Yu'un li stuquique mu x'och svayelic ti me mu'yuc spasic c'usi chopole; mu'yuc vayel ta yo'ntonic ti me mu xyal ta lum junuc yu'unique.

Isaías 5:18

Toj abul abaic vo'oxuc ti achucoj abaic ta spasel c'usi chopol ta sventa epalc'ope, ti atsinojbeic yipal spasel mulil jech chac c'u cha'al vacax ti c'alal chjoch caretae.

Isaías 57:10

Solel lalubtsajic ta epal xanubal; muc xana'ic ti solel mu'yuc stue. Ja' apatoj avo'ntonic yu'un ti te oy ta ac'obic li c'usitic chave'ique, ja' yu'un tsots no'ox avo'nton laj ava'yic.

Jeremías 12:13

Laj to sts'un strigoic, pero puru ch'ix la staic; altic i'ech' o scotol li yabtelique. Toj q'uexlal sba cha'yic ti mu'yuc c'usi lec iloc' yu'unic ta scoj ti tsots ilinemun ta stojolique”, xi li Muc'ul Diose.

Jeremías 12:6

Yu'un c'alal ta avuts' avalaltac xchi'uc achi'iltac ta voq'uel chascontrainicot; solel viquil ch'avalic no'ox, chayaptaicot tal ta apat. Me lec chasc'opanoxuc chavile, mu me xapat avo'nton yu'un”, x'utat li Jeremiase.

Jeremías 13:23

¿Me xu' yu'un ta sacubtas snuculil li ic'al vinique? ¿Me xu' yu'un ta xch'ayes spintoal li jti'val bolome? Ja' no'ox jechoxuc ec li vo'oxuque, ¿me xu' avu'unic spasel c'usi lec ti c'alal ja' nopen xava'yic o spasel c'usitic chopole?

Jeremías 4:22

Jech chal li Muc'ul Diose: “Li jteclumale toj bolic ta jyalel, mu xiyotquinicun. Li calab jnich'nabe jeche' oyic ta banamil, mu'yuc sbijilic; mu xa'ibeic o smelol. Ja' no'ox bijic ta spasel li c'usi chopole, yan li c'usi leque ja' mu sna'ic spasel”, xi li Diose.

Jeremías 51:58

Jech chal noxtoc li Muc'ul Dios ti tspas ta mantal scotol te ta vinajele: “Li pimil coralton yu'un Babiloniae j'ech'el ta xjin o scotol; li epal ti'naetic toj muc'tique ta xc'ac' ta c'oc'. Altic laj yac' svocolic ta abtel li cristianoetique; ja' no'ox la slubtsan sbaic sventa chich' chiq'uel ta c'oc'”, xi li Muc'ul Diose.

Jeremías 51:64

jech xaval noxtoc: ‘Ja' jech ta xch'ay o batel li Babiloniae; mu'yuc xa ta xlic o yan velta ta scoj li vocol ta x'ac'bat yu'un Muc'ul Diose’, chian”, xut batel. Ja' no'ox li' c'alal ipaj ya'yej li Jeremiase.

Jeremías 7:28

Jech xaval: ‘Li jun banamil li'i mu sc'an xich'beic ta muc' sc'op li Muc'ul Dios yu'unique; muc sc'anic o tojobtasel yu'un. Solel ich'ay o ta yeic li c'usitic leque, li c'usitic melele’, chian”, xiyutun li Muc'ul Diose.

Jeremías 9:3

Li yoq'uique puru epalc'op tsjip loq'uel jech chac c'u cha'al st'ilesubil flecha. Muc ja'uc laj yac'beic yipal spasel li c'usi melel li' ta cosilaltique; solel isoquic o ta j'ech'el. Ja' yu'un jech chal li Muc'ul Diose: “Solel mu sc'an xiyotquinicun o”, xi.

Jeremías 9:8

Li yoq'uique ja' jech chac c'u cha'al flecha ti lec ts'ubts'ub sni'e, yu'un tojtoj tuch'el chijc'ot yu'un ti c'alal chlo'lavanique. Lec xa sc'opanic yilel li xchi'ilique, pero ta yut yo'ntonique te tsnop c'usi chopol tspasbeic.

Ezequiel 24:12

Pero muc ono'ox xu' o, yu'un toj pim li yic'ubale; muc ono'ox xloc' o ta c'oc'.

Miqueas 6:12

Li jc'ulejetic li' ta lume ja' puru j'uts'intavanejetic; li jnaclumetic li'i puru epalc'op chalic, ja' no'ox chtun ta sventa lo'lavanej li yoq'uique.

Miqueas 6:3

Jech chal li Muc'ul Diose: “Jteclumal, ¿c'usi chopol laj calbot? ¿C'usi chopol la jpasbot? Tac'bicun tal ca'tic.

Habacuc 2:13

Li Muc'ul Dios ti tspas ta mantal scotol te ta vinajele xu' chac' ti ja' no'ox sventa c'oc' chc'ot li yabtel jun lume, xchi'uc ti mu'yuc stu chc'ot li yabtel jujun banamile.

Malaquías 2:10

¿Me mu junuc no'ox jtotic jcotoltic? ¿Me mu junuc no'ox Dios la spasutic? ¿C'u yu'un ti ta jlo'laan jbatic, ti ta jmacbe jba jsatic yu'un jech ta jsoquestic o c'usi la xchapanic xchi'uc Dios li jtot jme'tic ta vo'onee?

Efesios 4:25

Ja' yu'un comtsanic li epalc'ope; meleluc scotol li c'usitic chavalbe abaique. Yu'un jun no'ox c'otemoxuc, jmoj atsacoj abaic ta acotolic.

1 Timoteo 4:2

Ja' no'ox yabtel ta smaquic satil, ta x'epalc'opojic. Ja' xa jech oy sjol yo'ntonic jech chac c'u cha'al yav sc'aq'uemal li boch'o ac'bil smarcail ta c'ac'al taq'uine.

Jueces 2:10

Scotol li israeletic ti cuxulic ta yorail Josuee ichamic ec. C'alal ilic yan jc'ol alab nich'nabetique, muc xotquinic li Muc'ul Diose xchi'uc mu'yuc xilic c'usitic la spas Muc'ul Dios ta stojol li stot sme'ique.