Jeremías 9:3 - Bible in Tzotzil de Chenalhó with Deuterocanon

³ Li yoq'uique puru epalc'op tsjip loq'uel jech chac c'u cha'al st'ilesubil flecha. Muc ja'uc laj yac'beic yipal spasel li c'usi melel li' ta cosilaltique; solel isoquic o ta j'ech'el. Ja' yu'un jech chal li Muc'ul Diose: “Solel mu sc'an xiyotquinicun o”, xi.

Bible in Tzotzil de Chamula

³ Yu'un chapalic ta ye ta sti'ic ti jutbil c'ope, jech c'u cha'al chapalic ta xach'el sni' syolobic ta yalcuale. Me'inem xa ma' ti jut c'op li' ta jteclume. Laj to sc'oplal ma' ti melel ta xalique. Soquel soquel sq'ueloj batel ma' ti bu stamojique. Xi ta xal stuc ti Diose: “Laj to sc'oplal ma' ti ta sc'an xiyojtiquinique.”

Jeremías 9:3 Iomraidhean Croise

Génesis 39:16

Li antse la snac'be sc'u' li Josee, ja' to ti c'alal ivul tal li smalale.

Proverbios 12:5

Li boch'o tuc' yo'ntonique puru lec c'usi tsnopic; yan li boch'o chopolique puru lo'lavanej no'ox oy ta yo'ntonic.

Isaías 1:3

Li vacaxe xotquin li yajvale; li buroe sna' bu yavil sve'el ac'bil yu'un li yajvale, pero li Israele mu sna'be smelol; li jteclum cu'une mu'yuc sbijilic o”, xi.

Isaías 3:5

Li cristianoetic ta jujun lume chliquic ta sa' c'op, ac'o me lec sc'opan sbaic, chlic scontrain sbaic; li queremetique chlic scontrainic li moletique, li boch'o bajbilique chlic scontrainic li boch'o ich'bilic ta muq'ue.

Isaías 6:5

Jech la jnop: “¡Ay, toj abul jba; ta xa xicham! Yu'un laj xa quil ta jsat li Muc'ul Ajvalile, ja' li Muc'ul Dios ti ech'em svu'ele, vu'un ti ep sbolil quee xchi'uc ti li' nacalun ta stojol li cristianoetic ti puru chopol c'usi chloc' ta yeique”, xichi.

Isaías 9:18

Yu'un li xchopolilique ja' jech chac c'u cha'al c'oc' ti chchic' scotol ch'ixtic xchi'uc yantic chopol ch'ixetique, ti xc'ulet no'ox batel ta toyolaltique, ti sts'otet no'ox muyel xch'ayilal jech chac c'u cha'al sutub iq'ue.

Jeremías 12:6

Yu'un c'alal ta avuts' avalaltac xchi'uc achi'iltac ta voq'uel chascontrainicot; solel viquil ch'avalic no'ox, chayaptaicot tal ta apat. Me lec chasc'opanoxuc chavile, mu me xapat avo'nton yu'un”, x'utat li Jeremiase.

Jeremías 22:16

Lec la xchapan li boch'o uts'intabilique; lec la scolta li me'onetique, jech lec ibat yu'un. ¿Me mu ja'uc jech tspas li boch'o xiyotquinune?”, xi li Muc'ul Diose.

Jeremías 31:34

Jech mu'yuc xa boch'o jech chalbe xchi'ilic, mu'yuc xa boch'o jech chalbe yuts' yalalic: ‘Tsc'an chavotquin lec li Muc'ul Diose’, mu'yuc xa boch'o xut. Yu'un scotolic chlic yotquinicun c'alal ta muc', ta biq'uit. Yu'un j'ech'el ta jch'aybe o ta co'nton li xchopolilique; mu'yuc xa ta jt'abbe o ta co'nton li smulique”, xi li Muc'ul Diose.

Jeremías 4:22

Jech chal li Muc'ul Diose: “Li jteclumale toj bolic ta jyalel, mu xiyotquinicun. Li calab jnich'nabe jeche' oyic ta banamil, mu'yuc sbijilic; mu xa'ibeic o smelol. Ja' no'ox bijic ta spasel li c'usi chopole, yan li c'usi leque ja' mu sna'ic spasel”, xi li Diose.

Jeremías 5:4

Li vu'une jech la jnop: “Ja' no'ox van boch'o mu'yuc sbijilic ti mu xa'ibeic smelol, ti mu sna'ic c'usi tsc'an li Muc'ul Diose, ti mu xc'ot ta yo'ntonic li mantaletic yu'une.

Jeremías 5:5

Ja' ta xibat quic ta stojol li boch'otic lec bijique. Ja' van cha'ibeic smelol c'usi tsc'an li Muc'ul Diose; ja' van chc'ot ta yo'ntonic smantal li Dios yu'unique”, xichi. Pero scotolic la sbajbeic smantal li Diose; muc sc'an xich'ic o ta muc'.

Jeremías 6:28

Ja' mero jbajmantal scotolic, ven jlo'iltavanejetic; toj ven tsots yo'ntonic, solel ja' xchi'ilic bronce taq'uin xchi'uc tsatsal taq'uin.

Jeremías 7:26

Pero muc xavich'ic ta muc', muc xach'unbeic li c'usi laj yalboxuque. Solel laj atsatsubtas avo'ntonic; ech'em to labatic jech chac c'u cha'al li amoltotaquique.

Jeremías 9:5

Puru slo'lael xchi'ilic tspasic jujunic; mu'yuc boch'o melel c'usi chal. Solel nopen xa xa'yic li puru epalc'ope; ja' xa yac'oj yo'ntonic o spasel li c'usi chopole.

Jeremías 9:8

Li yoq'uique ja' jech chac c'u cha'al flecha ti lec ts'ubts'ub sni'e, yu'un tojtoj tuch'el chijc'ot yu'un ti c'alal chlo'lavanique. Lec xa sc'opanic yilel li xchi'ilique, pero ta yut yo'ntonique te tsnop c'usi chopol tspasbeic.

Ezequiel 8:13

Malao avil, ta to xavil c'usitic yan toj ech'em chopol jech chac le'e”, xi.

Daniel 11:27

Li chib ajvaliletic le'e ja' no'ox puru chopol c'usi tsc'an tspasic. Chotolic ta jun mexa chchapanic puru epalc'op, pero mu'yuc c'usi stu o, yu'un muc to ja'uc yorail jech chc'ot ta pasel.

Levítico 19:11

“Mu me xa'elc'ajic. Mu me xa'epalc'opojic; mu me xalo'la abaic.

Marcos 8:38

Li boch'otic ta xq'uexov cu'un, xchi'uc ta xq'uexov ta xch'unel jc'op ta stojol li cristianoetic li' ta ora ti mu junuc yo'ntonic ta stojol Diose, xchi'uc ti chopol c'usitic tspasique, ja' no'ox jech vu'un ti Xnich'on cristiano lic'ote ta xiq'uexov yu'unic ec ti c'alal chital xchi'uc xojobal Jtot, xchi'uc li ch'ul j'almantaletic yu'une —xut.

San Juan 17:3

Ti jech ta xcuxiic sbatel osile, yu'un xayotquinicot ti atuc no'ox bats'i cuxul Diosote, xchi'uc xotquinic noxtoc li Jesucristo laj atac tale.

Hechos 24:9

Li judioetic te oyique laj yalic ti ja' melel scotol c'usi laj yal li Tertuloe.

Romanos 1:16

Yu'un mu xiq'uexov ta xcholel li Lequil A'yeje, yu'un ja' stsatsal Dios. Ja' sventa chcol scotol li boch'ouc no'ox ta xch'unique. Ba'yuc ivul ta stojol li israeletique; ja'o ic'ot ta atojolic ec vo'oxuc li yanlum cristianooxuque.

Romanos 1:28

Ta sventa ti muc xich'ic ta muc' c'u x'elan xu' chcotquintic o li Diose, jech i'ac'bat snopic o yu'un Dios li c'usitic mu'yuc stue, yu'un jech ac'o spasic o li c'usi mu jechuc sc'oplal ta pasele.

Romanos 3:13

Li snuq'uique xco'laj xchi'uc muquinaltic ti jamal sti'e. Li yoq'uique ja' chtun yu'unic sventa chlo'lavanic. Oy veneno ta yeic jech chac c'u cha'al orachon.

1 Corintios 15:34

Jech tsc'an chaq'uel abaic lec; mu me xasa' amulic ta stojol Dios. Yu'un oy to jayibuc avu'unic ti mu xotquinic Diose, jech chacalboxuc yu'un ac'o q'uexovanic.

Filipenses 1:28

xchi'uc ti mu xaxi'ic yu'un li boch'otic chascontrainoxuque. Yu'un jech ac'o yilic ti ch'ayel chbat li stuquique, xchi'uc ti chacolic li vo'oxuque. Le'e ja' Dios tspas scotol.

2 Timoteo 3:13

Yan li boch'otic toj chopolique xchi'uc li jlo'lavanejetique, yo'to ech'em ta soquic o batel. Ta xlo'lavanic, pero jech lo'labil stuquic ec.

Judas 1:3

Vo'oxuc ti lec jc'anojoxuque, solel oy ox ta co'nton ta jts'ibaboxuc tal sc'oplal li coltael oy ta jtojoltique. Pero laj quil ti ja' toj tsots sc'oplal ta jts'ibaboxuc tal ti mu me xavaq'uic yanijuc li sc'op Dios jch'unojtique, ti j'ech'el ac'bilic o li boch'otic voc'bilic xa yu'un Diose.

Apocalipsis 12:11

Pero tstsal yu'unic ta sventa xch'ich'al li Ch'ium Chije, xchi'uc ta sventa ti jamal chalic ti xch'unojique. Yu'un mu'yuc sc'oplal cha'yic me chmilatic; mu'yuc chi'ic, chapalic o sventa chac' sbaic ta milel.

Jueces 14:17

Li vucub c'ac'al la spasic q'uine te choc'ta sba o ta stojol smalal li tsebe. Ta sventa ti isujilanat yu'un yajnil li Sansone, jech ta svucubal c'ac'al lic yalbe c'usi smelol. C'alal laj ya'ay li tsebe, bat yalbe li xchi'iltaque.

Jueces 2:10

Scotol li israeletic ti cuxulic ta yorail Josuee ichamic ec. C'alal ilic yan jc'ol alab nich'nabetique, muc xotquinic li Muc'ul Diose xchi'uc mu'yuc xilic c'usitic la spas Muc'ul Dios ta stojol li stot sme'ique.

1 Samuel 2:12

Li xnich'nabtac Elie puru chopol viniquetic; muc xich'ic ta muc' li Muc'ul Diose,