Jeremías 9:2 - Bible in Tzotzil de Chenalhó with Deuterocanon

² ¡Oyuc boch'o yac'bun cavil te ta xocol banamil, yu'un te chbat naquicun, yu'un jech xu' ta jvoc' jba batel ta stojol li jchi'iltaque! Yu'un scotolic puru jmulaviletic; yu'un puru chopol stalelic o.

Bible in Tzotzil de Chamula

² Oc no'ox la ta alel oyucun ta sbajtical banomil yo' xu' ta xinaquie, yo' nom ta xquicta comel ti jlumale. Yu'un scotolic mu'yuc stuq'uil ti yo'ntonique. Scotolic naca j'ac'vanejetic ta milel.

Jeremías 9:2 Iomraidhean Croise

Isaías 59:3

Yu'un li ac'obique bonol ta ch'ich'; li sbic'tal ac'obique pixil ta mulil. Li aveique noj ta puru lo'lavanej; li avoq'uique pixil ta puru chopol c'op.

Jeremías 12:1

Muc'ul Dios, mu smeloluc ti ta jtsaquilanot ta lo'ile, yu'un tuc' scotol li c'usi chapase, pero oy c'usi ta jc'an ta jac'bot. ¿C'u yu'un ti ja' toj lec c'usi tstaic li boch'otic chopolique? ¿C'u yu'un ti lec chbat yu'unic scotol li jlo'lavanejetique?

Jeremías 12:6

Yu'un c'alal ta avuts' avalaltac xchi'uc achi'iltac ta voq'uel chascontrainicot; solel viquil ch'avalic no'ox, chayaptaicot tal ta apat. Me lec chasc'opanoxuc chavile, mu me xapat avo'nton yu'un”, x'utat li Jeremiase.

Jeremías 13:22

Me ts'acal jech chanop ta avo'ntone: ¿C'u yu'un jech ic'ot ta pasel ta jtojol?, me xachie, tsc'an chana' ti ta scoj ti i'ech' ta bis avu'un li amule; ja' yu'un ti laj avich' t'ananele, ti laj avich' uts'intabel abec'tale.

Jeremías 23:10

Yu'un li banamile inoj ta jmulavil cristianoetic, ja' ta scoj ti puru mulil batem ta yo'nton li cristianoetique; solel ja' laj yac'beic yipal spasel li c'usi muc tuc'uque. Jech isoc o li banamile; itaquij scotol li ts'i'laltique.

Jeremías 4:22

Jech chal li Muc'ul Diose: “Li jteclumale toj bolic ta jyalel, mu xiyotquinicun. Li calab jnich'nabe jeche' oyic ta banamil, mu'yuc sbijilic; mu xa'ibeic o smelol. Ja' no'ox bijic ta spasel li c'usi chopole, yan li c'usi leque ja' mu sna'ic spasel”, xi li Diose.

Jeremías 5:1

“Xanic scotol xoraltic ta Jerusalén, batanic ta scotol cuxub o'ntonaletic ta yut lum; bat sa'ic, q'uelic lec me oy chataic junuc li boch'o tuc' c'usi tspase ti ja' tsa' c'usi melele, yu'un jech xu' ta jpasbe perdón li Jerusalene.

Jeremías 5:11

Yu'un ta scotol yo'ntonic la sva'lupatinicun o li smomnich'nab Israel xchi'uc smomnich'nab Judae, xichi vu'un li Muc'ul Diosune”, xi.

Jeremías 5:2

Oy boch'otic chalic ta jamal ta jbi ti chiyich'icun ta muc' vu'un li Muc'ul Diosune, pero altic chalic”, xi li Diose.

Oseas 4:2

Ja' no'ox epajem li epalc'ope, li lo'lavaneje, li milvaneje, li eleq'ue, li mulivajele, xchi'uc li sa' c'ope. Isoc xa o ta j'ech'el, puru milbail xa no'ox.

Oseas 5:7

Yu'un mu junuc yo'ntonic ta stojol li Muc'ul Diose; i'ayin xnich'onic, pero yan o boch'o la stotin yu'unic. Ta sventa ti jech la spasique, ta anil no'ox chlajic; jech chbat o ta yan li yosil sbanamilique.

Oseas 6:7

“Li cu'untaque ja' co'olic jech chac c'u cha'al li Adane; la soquesic li c'usi jchapanoje jech la sta smulic ta jtojol.

Oseas 7:4

Scotolic puru jpasmuliletic; ja' jechic jech chac c'u cha'al horno ti te tsanal o sc'ac'al ti muc persauc chchuch li jpaspan c'alal chlic svots' arinae xchi'uc ti c'alal to chpajube.

Miqueas 6:12

Li jc'ulejetic li' ta lume ja' puru j'uts'intavanejetic; li jnaclumetic li'i puru epalc'op chalic, ja' no'ox chtun ta sventa lo'lavanej li yoq'uique.

Sofonías 3:4

Li j'alc'opetic avu'une mu'yuc stu li c'usi chalilanique, puru jlo'lavanejetic. Li paleetic avu'une ja' tsbolibtasic li ch'ulna cu'une, ja' la soquesic li mantaletic cu'une.

Malaquías 2:11

Li Judae muc ono'ox tuc'uc yo'nton ta stojol li Diose, yu'un la spas c'usi toj chopol ta pasel ta Israel xchi'uc ta Jerusalén. La soquesbe sc'oplal li ch'ulna ti toj lec sc'anoj li Muc'ul Diose. Yu'un li judaetique laj yic' yajnilinic li antsetic ti yich'ojic ta muc' yan diosetique.

Malaquías 2:14

Pero li vo'oxuque jech chavalic: “¿C'u yu'un?”, xachiic. Yu'un li Muc'ul Diose ja' testigo stuc avu'unic achi'uc li avajnil ta aqueremalic ti laj amacbe satique, yu'un muc xc'ot ta pasel avu'unic ti laj avalic ta stojol ti ja' mero avajnilic oe.

Santiago 4:4

¡Jmulaviloxuc ta stojol Dios! ¿Me mu xana'ic ti yajcontra Dios chijc'ot me ja' ta jc'antic c'usi sventa banamile? Li boch'o ja' lec chil sba xchi'uc li c'usitic sventa banamile, ja' yajcontra Dios chc'ot.

Jueces 2:10

Scotol li israeletic ti cuxulic ta yorail Josuee ichamic ec. C'alal ilic yan jc'ol alab nich'nabetique, muc xotquinic li Muc'ul Diose xchi'uc mu'yuc xilic c'usitic la spas Muc'ul Dios ta stojol li stot sme'ique.