Jeremías 9:16 - Bible in Tzotzil de Chenalhó with Deuterocanon

¹⁶ Ta jpuquic batel ta yantic banamil ti mu xotquinique, ti muc ono'ox xotquinic ec li stot sme'ique. Ta xcac' lajicuc ta milel ta espada, ja' to me mu xa junuc cuxul icomique”, xi li Diose.

Bible in Tzotzil de Chamula

¹⁶ Yu'un ta xa jtaniic batel ta yan muc'tiquil lumetic ti mu ja'uc xojtiquinique, ti mu ja'uc laj yojtiquinic ti stot sme'ique. Yu'un tsacbil yespadailic ti nutsbil ta xloq'uique, ja' to ti c'uxi mi junuc xa ta xcome.”

Jeremías 9:16 Iomraidhean Croise

Nehemías 1:8

Pero na'o me ti jech ono'ox laj avalbe li avajtunel Moisese: ‘Me laj ata amulique, ta jpucoxuc batel ta yantic lumetic.

Salmos 106:27

ti j'ech'el tsbic'tajesbe o sc'oplalic ta stojol li yan lumetique, ti tspuc batel ta yantic banamile.

Eclesiastés 12:5

Xi'bal xa sba chquiltic li c'usi toyolique, xchi'uc xi'bal xa no'ox sba chca'itic ta bebetic. Ta xlic sacubuc joltic jech chac c'u cha'al xnich almendro. Jquiloj xa no'ox jbatic chijxanov jech chac c'u cha'al xc'ajben ti yayijeme; mu'yuc xa c'usi xchi chca'itic o. Yu'un li cristianoe ta xbat o ta yavil sbatel osil, te x'oc'oletic ta xoraltic li boch'otic oy boch'o chcham yu'unique.

Jeremías 13:24

Ja' yu'un ta jpucoxuc batel ta ic' ti chtal ta xocol banamile, jech chac c'u cha'al chcuchat batel ta ic' li solil trigoe.

Jeremías 24:10

Xchi'uc ta jtacbe tal ta stojolic milel, vi'nal, xchi'uc chamel, ja' to me itu'p scotolic li' ta banamil ti bu cac'ojbeic xchi'uc li smoltotic ta vo'onee”, xi li Muc'ul Diose.

Jeremías 25:27

Ts'acal jech laj yalbun li Muc'ul Diose: “Jech xavalbe ya'yic: Li Muc'ul Dios ti tspas ta mantal scotol te ta vinajele, ja' li Dios yu'un Israele, jech chal: ‘Persa chavuch'ic ec, yacubanic, xenanic, yalanic ta lum; mu'yuc xa chatotsic o ta scoj li milel ta jtac tal ta atojolique’, uto.

Jeremías 29:17

‘Jech chal li Muc'ul Dios ti tspas ta mantal scotol te ta vinajele: Ta jtacbeic tal muc'ta c'op, vi'nal, xchi'uc tsatsal chamel. Ja' jech ta jcomtsanic jech chac c'u cha'al higo ti c'a'em, ti mu stac' lo'el oe.

Jeremías 44:27

Yu'un ta ono'ox xcac' tal tsots avocolic; muc alequilalicuc ta xcac' tal. Vo'oxuc ti te nacaloxuc ta Egiptoe chalajic ta milel, chalajic ta vi'nal, ja' to me la'ul acotolique.

Jeremías 7:29

¡Jerusalén, seto loq'uel li stsotsil ajole, jipo batel! ¡Bat oc'tao aba ta toyol vitsetic, yu'un li Muc'ul Diose laj xa sbaj, laj xa sjip li jnaclumetic avu'une; ilinem xa o ta stojolic!

Jeremías 8:19

A'yo ava'ay, xvinaj to x'avetic tal ta oq'uel li jchi'iltac te ta namal banamile: “¿Me yu'un mu'yuc xa te oy ta Sión li Muc'ul Diose? ¿Me yu'un mu'yuc te oy li ajvalil yu'une?”, xiic. Li Muc'ul Diose jech chal: “¿C'u yu'un ti la sa'bicun sc'ac'al co'nton ta sventa ti ja' la yich'ic ta muc' li yan diosetic ti mu'yuc stue?”, xi.

Ezequiel 11:17

Jech xavalbe noxtoc: ‘Jech chal li Muc'ul Diose: Vu'un ta xlic quiq'uic sutel tal ta yantic lum ti bu la jpuquic batele; ta jtsobic sutel tal scotol; ta xvul cac'beic yan velta li yosilal Israele.

Ezequiel 12:15

C'alal ta xlic jpuquic batel ta yantic lum, ta yantic banamile, jech chlic sna'ic ti vu'un Muc'ul Diosune.

Ezequiel 14:17

“Jech noxtoc me ta jtac batel muc'ta pleito ta banamil le'e, me ta xcal mantal ti ac'o yich'ic milel scotol li jnaclumetique xchi'uc li chonbolometique,

Ezequiel 20:23

Jech te la jtoy jc'ob ta xocol banamil; laj calbeic ta jamal ti ta jpuquic batel ta yantic lume, ti ta jtaniic batel ta yantic banamile.

Ezequiel 27:2

“Vo'ot xnich'on cristiano, q'uejintao q'ueoj sventa at-o'nton ta sventa li lum Tiroe,

Ezequiel 5:12

Li jnaclumetic avu'une jvoc' ta xchamic ta tsatsal chamel xchi'uc ta vi'nal te ta atojol. Li yan jvoq'ue ta xich'ic milel ta espada te ta apat axocon. Li yoxvoc'ale ta jpuquic batel ta xchanjotal xchiquin banamil. Ta jnutsic batel ta espada ta sva'lupatic.

Ezequiel 5:2

Jvoc' xachic' ta c'oc' te ta o'lol lum c'alal tsts'aqui jayib c'ac'al setubil li lume. Li yan jvoq'ue lilino ta sebel ta espada te ta spat xocon li lume. Li yan jvoq'ue ac'o cuchatuc batel ta ic'. Yu'un vu'un ta jnutsic batel ta espada li jnaclumetic ta lume.

Levítico 26:33

Ta jpucoxuc batel ta yantic lumetic. Ta jloq'ues espada ta atojolic; ja' ta jnutsoxuc o batel. Li avosilalique ja' jech chcom jech chac c'u cha'al xocol banamil. Li alumalique ta xyavnaij o ta j'ech'el.

Amós 5:16

Ja' yu'un jech chal li Cajvaltique, ja' li Muc'ul Dios ti tspas ta mantal scotol te ta vinajele: “Ta scotol ch'ivit ta to xlic oq'uel; ta scotol xoraltic oy avanel. Li boch'o ch-abtejic ta te'tique ta x'ic'atic tal yu'un ac'o oq'uicuc ta scoj vocol ec; li boch'o ja' yabtelic ch-oc' ch-avanic ta sventa animaetique ch-ic'atic yu'un ac'o tal oq'uicuc.

Miqueas 2:4

C'alal me la sta li sc'ac'alil le'e, ta to xaq'uejintaic q'ueoj ta sventa oq'uel, jech chavalic: ‘Jcotoltic lijlajutic o; li Diose laj xa sjelbe o yajval li jlumaltique. ¡C'uxi bat spojbutic li cosilaltique! Ja' xa laj yac'be, la svoc'be sbaic li cajcontratique’, xachiic to”, xi li Diose.

Zacarías 7:14

Jech la jpuquic batel ta sutub ic' ta yantic banamil ti bu mu ono'ox xotquinique. Jech iyavnaij o ti bu to'ox nacalique; mu'yuc boch'o xu' te chnaqui o. Jech ic'ataj o ta xocol banamil ta scojic li lequil banamile”, xi li Diose.

Deuteronomio 28:25

Xchi'uc chac' j'ech'el chaxpech'oxuc o ta teq'uel li avajcontraique. C'alal ja' to cha'ochic batel yu'un chbat apasic pleito achi'uquique, lec chapaloxuc; lec acholoj abaic ochel. Pero chajatovic sutel tal ta ora yu'unic. Solel tanpuc chajatovic batel ta anil acotolic. Ta xavaq'uic xi'icuc yantic ajvaliletic li' ta banamil.

Deuteronomio 28:36

“Li Muc'ul Diose chac' ti ac'o avich'ic chuquel batel c'alal ta ajvalil avu'unic ta yantic banamil ti bu mu xavotquinic oe, me ja'uc li amoltot ayame'ic ta vo'onee muc xotquinic ec. Te chavich'ic sujel ti ac'o tunanic yu'un li c'usitic cuybilic ta dios ti pasbilic ta te' xchi'uc ta tone.

Deuteronomio 28:64

Li Muc'ul Diose chaspucoxuc batel acotolic ta yantic banamiletic; ta jot sti', c'alal to ta yan to jot sti' chaspucoxuc batel. Te chc'ot avich'ic ta muc' li c'usitic muc ja'uc Diose, ja' ti pasbilic ta te' xchi'uc ta tone, ti muc xotquinic li amoltot ayame'ic ta vo'onee.

Deuteronomio 32:26

La jnop ox ti ta jpuquic batel ta buyuc no'oxe, xchi'uc ta jtu'pbe ox sc'oplalic ta banamil.

Deuteronomio 4:27

Li Muc'ul Diose chaspucoxuc batel ta yantic lum. Jutuc xa no'ox cuxul chacomic te ta stojolic.

Santiago 1:1

Vu'un Santiagoun,, vu'un yajtunelun Dios xchi'uc li Cajvaltic Jesucristoe. Chabanuc chacalboxuc tal vo'oxuc li lajcha'chop sts'unubaloxuc Israel ti butic puquemoxuc batel ta yantic banamile.