Jeremías 9:12 - Bible in Tzotzil de Chenalhó with Deuterocanon

¹² ¿Boch'o lec bij ti xa'ibe lec smelol le'e? ¿Me oy boch'o xu' ch-ac'bat sna' yu'un Muc'ul Dios, yu'un jech chalbe lec smelol ca'itic? ¿C'u yu'un xch'ijan icom li banamile? ¿C'u yu'un ti xco'laj xchi'uc xocol banamil icom ti mu xa junuc boch'o te chjelove?

Bible in Tzotzil de Chamula

¹² ¿Buch'u xa ono'ox la ti jelavem sbijil ta ya'yibel smelol ti va'i s'elan taje? ¿Mi yu'un oy buch'u ac'bat sna' yu'un Dios ti va'i s'elan taje yo' jech xu ta xalbe ya'i smelol ti yane? ¿C'u cha'al c'ot ta lilijel ti jteclume? ¿C'u cha'al ti c'ot ta taqui banomil ta j'ech'el jech c'u cha'al junuc sbajtical banomil ti mu ja'uc xa oy buch'u ta x'ech' teye?

Jeremías 9:12 Iomraidhean Croise

Salmos 107:34

Xu' yu'un tspaq'ues yaxal banamil ta scoj smulic li boch'otic te nacajtique.

Salmos 107:43

Li boch'otic oy sbijilique ac'o ya'ibe lec smelol li'i, xchi'uc ac'o sna' lec c'u x'elan c'uxubinel yu'un li Muc'ul Diose.

Isaías 42:23

¿Boch'o tsc'an to cha'ay jech chac le'e? ¿Boch'o lec cha'ay li c'usi ic'ot ta pasele?

Jeremías 23:10

Yu'un li banamile inoj ta jmulavil cristianoetic, ja' ta scoj ti puru mulil batem ta yo'nton li cristianoetique; solel ja' laj yac'beic yipal spasel li c'usi muc tuc'uque. Jech isoc o li banamile; itaquij scotol li ts'i'laltique.

Jeremías 23:16

Jech chal noxtoc li Muc'ul Dios ti tspas ta mantal scotol te ta vinajele: “Israeletic, mu me xach'unic c'usi chal li j'alc'opetique, yu'un puru epalc'op li c'usitic chalique. Te no'ox tsnop tal ta yo'nton stuquic; muc vu'cun jech ta xcalbeic.

Jeremías 23:22

Ti sna'icuc c'usi oy ta co'ntone, ja' laj yalbeic ya'ay jteclumal ti jechuque. Laj xa yiq'uic sutel tal ta chopol be, laj xa yac'beic scomtsan c'usi chopol tspasic ti jechuque.

Jeremías 23:28

Me oy jun j'alc'op ti chvaychine, ac'o yal ti tojol vaychil no'oxe. Me ja' laj ya'ay li c'usi chcale, ja' no'ox ac'o yal li c'usi laj cal ta melele. ¿Me co'ol oy stu li bec' trigo xchi'uc li ste'ele?

Jeremías 9:20

Antsetic, a'yo ava'yic c'usi chal li Muc'ul Diose; tuc'ulano lec ava'yic li c'usitic chloc' tal ta yee. Chanubtasic ta oq'uel, ta at-o'nton li atsebique, chanubtasic ta oq'uel avanel li achi'iltaquic ta antsile. Jech chavalic chac li'i:

Ezequiel 14:23

Jech te tspas ta jun avo'ntonic ti c'alal chavilbeic li stalelique xchi'uc li c'usitic tspasique. Jech chlic ana'ic ti muc alticuc no'ox laj cac'be svocolique”, xi li Muc'ul Diose.

Oseas 14:9

Li boch'o bij ti xa'ibe lec smelole ac'o ya'ibe lec smelol li c'op li'i: Li be yu'un Muc'ul Diose lec tuc'. Li boch'otic tuc' yo'ntonique ja' te chanovic batel; yan li boch'otic chopolique te tsbosi yacanic.

Oseas 4:10

Ta sventa ti la scomtsanbeic yabtel li Diose, ac'o me ta xve'ic, pero mu xnoj xch'utic; ta xmulivajic, pero mu x'epajic o.

Joel 1:11

Jloc banamiletic, ch'ayeluc chc'ot avo'ntonic; jts'un ts'usubetic, oc'anic ta sventa li trigo xchi'uc li cebadae, yu'un ta x'ul o li c'usitic chloc' ta banamile.

Sofonías 3:6

Jech chal li Muc'ul Diose: “La jyavnaijes ep banamiletic, la jvuq'ues ep toyol q'uelub osiletic; jeche' xch'ijan la jcomtsan li xoraltique, me junuc mu'yuc boch'o te chjelov o. Li lumetic yu'une la jyavnaijes o; mu'yuc yajval icom, mu'yuc jnaclumetic icom o.

San Mateo 24:15

“C'alal chavilic ti chich' soquesel, ti chich' bolibtasel o ch'ulna ta scoj ti te chich' va'anel li c'usi toj chopol chil Dios jech chac c'u cha'al laj ono'ox yal li j'alc'op Daniel ta vo'onee, (Li boch'o tsq'uel c'usi ts'ibabil yu'un Daniele ac'o ya'ibe lec smelol,)

Deuteronomio 32:29

Ti bijicuque cha'ibeic smelol; sna'ic c'usi chc'ot ta pasel ti jechuque.

Apocalipsis 1:3

Xcuxet no'ox yo'nton li boch'o chapta xchi'uc li boch'o cha'ay li c'usitic yaloj Dios li'i, xchi'uc me ta xch'unic li c'usitic ts'ibabile, yu'un po'ot xa chc'ot ta pasel.