Jeremías 9:11 - Bible in Tzotzil de Chenalhó with Deuterocanon

¹¹ “Ta jc'atajes ta jbus no'ox ton li lum Jerusalene; yavil oq'uiletic ta xc'ot. Li lumetic ta Judae ta jc'atajes ta xocol banamil, mu'yuc xa boch'o te nacal chcom”, xi li Diose.

Bible in Tzotzil de Chamula

¹¹ “Yu'un ta joybin ta jun busul ton ti Jerusalene, yu'un ta xc'ot ta xch'en oq'uiletic. Ta joybin ta sts'ijlajan banomil ti jteclumetic yu'un ti Judae, mi junuc jnaclej ta xcom.”

Jeremías 9:11 Iomraidhean Croise

Nehemías 4:2

Jech laj yal ta stojol scotol li xchi'iltaque xchi'uc ta stojol li soldadoetic te ta Samariae: “¿C'usi tspasic li jvi'nal judaetique? ¿Me yu'un tsnopic ti ch-ac'bat smilbeic smoton Dios yan veltae? ¿Me yu'un tsnopic ti chvu' no'ox yu'unic ta jun c'ac'al li abtele? ¿Me yu'un xu' chlic cha'pasuc ta ton yu'unic yan velta li stanil tonetic laj yich' chiq'uele?”, xi.

Salmos 107:43

Li boch'otic oy sbijilique ac'o ya'ibe lec smelol li'i, xchi'uc ac'o sna' lec c'u x'elan c'uxubinel yu'un li Muc'ul Diose.

Salmos 44:19

Pero laj anet'uncutic batel ta chuculaltic ti bu oy ep vocole; laj amacuncutic ta xyaxinal li lajele.

Salmos 79:1

Dios cu'un, li yantic lumetique laj xa spojic li c'usitic ja' avu'une; laj xa sbolibtasic li ch'ulna avu'une. Solel puru ton xa li' busul icom yu'unic ta yav li lum Jerusalene.

Isaías 13:22

Puru oq'uiletic xa te chme'on oq'uic ta muc'tic naetic yu'unic; puru coyoteetic xa te ch-ochic ti bu c'upilic sba naetic yu'unique. Nopol xa sc'an xc'ot ta pasel; mu xa epuc c'ac'al sc'an”, xi li Muc'ul Diose.

Isaías 25:2

Yu'un li muc'tic lume laj ac'atajes ta sbusleb tonetic; laj ayavnaijes li lumetic ti setbilic ta tsatsal coraltone; laj avuq'uesbe li smuc'tiquil pasubmantalic yanlumetic li'i; j'ech'el mu'yuc xa chich' cha'va'anel o yan velta.

Isaías 34:13

Li spasubmantal ajvalil yu'unique ta xch'i puru ch'ixetic; ta tsatsal coraltonetic yu'unique ta xch'i puru chopol ch'ixetic. Ja' xa sna oq'uiletic chc'ot; ja' xa xpaxajeb xchi'uc yalab avestruz mutetic ta xc'ot.

Isaías 44:26

Vu'un ta xcac' c'otuc ta pasel sc'opic li cajtuneltaque; ta xcac' ti lec chbat c'usi chalic li j'almantaletic cu'une. Vu'un jech ta xcalbe li Jerusalene: ‘Ta xlic ayinuc avajval yan velta. Lumetic ta Judá, ta xlic avich' cha'va'anel yan velta; ta xlic cha'cuxuc li avavilique’, chcut.

Jeremías 1:15

Vu'un li Muc'ul Diosune ta xcal ta jamal ti ta jtac tal scotol li ajvaliletic ta nortee. Ta xtal spas scarpanaic te ta ti'coraltonetic ta Jerusalén xchi'uc ta sjoylejal li coraltone, xchi'uc ta scotol lumetic ta Judá.

Jeremías 10:22

A'yo ava'yic, nom to xvinaj xvochetic tal; viquil ch'avalic tal li cristianoetic ta nortee. Ja' xa chtal syavnaijesic scotol li lumetic ta Judae; puru sna xa oq'uiletic chc'ot yu'unic.

Jeremías 16:10

“C'alal chavalbe ya'yic li achi'iltaquique, jech chlic sjaq'uic: ‘¿C'u yu'un laj yac' mantal Muc'ul Dios ti chtal muc'ta vocol jech chac le'e? ¿C'usi chopol la jpastic? ¿C'usi jmul jtaojtic ta stojol li Muc'ul Dios cu'untique?’, xiic.

Jeremías 25:11

Scotol li banamil li'i tsoc o ta j'ech'el; ta xac' xi'elal o. Li muc'tic lum li' ta spat xocone lajuneb xchanvinic jabil (70) ta xtunic yu'un li ajvalil ta Babiloniae.

Jeremías 25:18

Ja' bat cac'be yuch'ic li Jerusalene, li lumetic ta Judae xchi'uc li ajvaliletic, li banquilaletic yu'unique. Yu'un jech ac'o yavnaijicuc o; ac'o yich'ic labanel, na'leel, chopolc'optael jech chac c'u cha'al li' ta orae.

Jeremías 26:18

“Li Miqueas te ta Moresete ta sventa Muc'ul Dios laj yal c'usi chc'ot ta pasel ti c'alal ja'o yorail tiq'uil ta ajvalilal ta Judá li Ezequiase. Jech laj yal ta stojol scotol li xchi'iltaque: ‘Jech chal li Muc'ul Dios ti tspas ta mantal scotol te ta vinajele: Li Sione ja' jech ta xcom jech chac c'u cha'al banamil ti lec locbile; li Jerusalene puru ton xa te busajtic chcom; li vits li' ta ch'ulnae ta xnoj ta chopol ts'i'laletic’, xut.

Jeremías 26:9

¿C'u yu'un ti tsots avo'nton chaval ta sventa Muc'ul Dios ti ja' jech chich' pasbel jech chac c'u cha'al laj yich' pasbel te ta Silo li ch'ulna li'i, xchi'uc ti chich' yavnaijesel o li lum li'i, ti solel mu'yuc yajval chcom oe?”, xutic. Jech la stsob sbaic scotol li cristianoetic te ta ch'ulna yu'un Muc'ul Diose yu'un tscontrainic li Jeremiase.

Jeremías 34:22

Ta jtac sutel tal yan velta li' ta alumalique, yu'un ac'o tal scontrain, ac'o tal ochicuc, ac'o xchiq'uic ta c'oc'. Li lumetic li' ta Judae xocol ta jcomtsan, mu'yuc yajval chcom. Vu'un chcal jtuc, vu'un li Muc'ul Diosune”, xi.

Jeremías 4:27

Jech chal li Muc'ul Diose: “Ta xich' soquesel scotol li avosilalique, pero muc j'ech'eluc ta jlajesbe o sc'oplal.

Jeremías 44:2

“Jech chcal vu'un li Muc'ul Diosun ti ta jpas ta mantal scotol te ta vinajele, vu'un li Diosun yu'un Israele: ‘Li vo'oxuque laj avilic scotol li vocol laj cac' tal ta Jerusalén xchi'uc ta scotol lumetic ta Judae, ja' yu'un li' ta orae xch'ijan xa; mu'yuc xa boch'o te nacal.

Jeremías 49:33

Li lum Hazore yavil oq'uiletic ta xcom cu'un; xch'ijan chcom o ta j'ech'el. Mu'yuc xa boch'o te chnaqui o; mu'yuc yajval chcom o”, xi li Muc'ul Diose.

Jeremías 50:3

Yu'un chtal contrainatuc yu'un jun banamil ta norte; ja' chtal syavnaijesbeic li yosilalique. Me junuc cristiano, me chonbolom mu'yuc chcom; ta xjatovic batel scotolic”, xi li Muc'ul Diose.

Jeremías 51:37

Puru tontic xa te busul chcom ta Babilonia; yavil oq'uiletic xa chc'ot. Mu'yuc xa yajval chcom o; toj ep xi'elal, toj chopol xa chcom o.

Jeremías 8:22

¿Me mu'yuc poxil te ta Galaade? ¿Me mu'yuc jpoxtavanej te? ¿C'u yu'un ti mu'yuc bu tsta xpoxilic li jchi'iltaque?

Lamentaciones 1:4

Xch'ijan icom ta jyalel li sbelal Sione, yu'un mu'yuc xa boch'o chtal ta q'uel q'uin. Ta ti'coraltonetique mu xa junuc boch'o chjelov te; li paleetique xvicte-victeic ta oq'uel; li tsebetique toj abul sbaic ta at-o'nton; li lum Jerusalene toj ven tsots svocol cha'ay.

Lamentaciones 2:2

Li Cajvaltique laj yules o ta jyalel; mu'yuc xtal xc'uxul yo'nton ta stojol. La sjines ta sc'ac'al yo'nton scotol li naetic yu'un smomnich'nabtac Jacobe; la sjines yalel c'alal ta banamil li tsatsal coraltonetic yu'un Judae; la sbic'tajes o ta j'ech'el li ajvaliletic, xchi'uc li banquilaletic yu'unique.

Lamentaciones 3:47

puru xi'el, milel, tubesel, vocolajel xa no'ox oy ta jtojolcutic.

Levítico 26:32

“Ta xcules o li alumalique. Li avajcontraic te chtal naquiicuque ch'ayel chc'ot yo'ntonic ti jech chc'ot ta pasele.

Miqueas 1:6

Ja' yu'un jech chal li Muc'ul Diose: “Li lum Samariae ta jyavnaijes o, puru tontic xa te sbusul-busul chcom; chcom ta bats'i banamil sventa chich' ts'unel o ts'usubtic. Ta jves batel ta soplejaltic li tonetic sventa naetique; jeche' t'anal chcom cu'un li snaclebtaque.

Miqueas 3:12

Ja' yu'un vo'oxuc ta amulic ti xco'laj xchi'uc locbil banamil chcom li Sione, ti puru tontic xa te busul chcom ta Jerusalene, xchi'uc ti chpix ta chopol ts'i'laletic li vits yo' bu oy ch'ulnae.

Miqueas 6:16

Yu'un ja' laj avich'be ta muc' smantal li Omrie, ja' laj achan c'u x'elan yabtel li smomnich'nab Acabe; ja' laj achan li c'usitic la spasique. Ja' yu'un ta jyavnaijesot o; na'lebilot chacom achi'uc li jnaclumetic avu'une. Chacuchbe o xq'uexlalic li jteclum cu'une”, xi li Diose.

Deuteronomio 29:23

Ta xilic ta scotol yosilalic puru azufre, ats'am, xchi'uc c'aq'uem banamil. Jech mu'yuc xa c'usi xu' chich' ts'unel. Mu'yuc xa c'usi chloc' o, me jutuc mu xa xch'i vomoletic jech chac c'u cha'al ic'ot ta pasel ta stojol li Sodoma, Gomorra, Adma, xchi'uc ta Zeboim, ti la slajes ta sc'ac'al yo'nton li Muc'ul Dios c'alal i'ilin ta stojolique.

Apocalipsis 18:2

Tsots i'avan, jech laj yal: “Ivuc' xa, ivuc' xa li muc'ta lum Babiloniae. Ic'ataj xa ta sna pucujetic li slumale. Ja' xa te tstsob sbaic batel li pucujetic ti toj chopolique; ja' yavilic chc'ot li pucujil mutetic chalique.