Jeremías 9:10 - Bible in Tzotzil de Chenalhó with Deuterocanon

¹⁰ Ta xlic coc'ta jba ta sventa li vitsetique, ta xcat co'nton ta sventa li stenlejaltique, yu'un solel ta xyavnaijic o, me junuc mu'yuc xa boch'o te chjelov o. Mu'yuc xa chvinaj chbac' ts'unub-ovoliletic; c'alal ta mutetic, c'alal ta chonbolometic ta xi'ic, ta xjatovic o batel.

Bible in Tzotzil de Chamula

¹⁰ “Oc'anic, ajetanic yu'un svocol ti muc' ta vitstique. Liquesic me'inal q'uejimol yu'un ti xpach'alul stselejtique. Mu'yuc xa buch'u ta x'ech' ti bu taje, yu'un ve' xa c'oc' yu'unic. Mu'yuc xa bu xava'i ti oy to xmu'et ti vacaxe, yu'un c'alal ta mutetic xchi'uc te'tical chon bolometic, jatavic xa loq'uel.

Jeremías 9:10 Iomraidhean Croise

Isaías 41:15

Chajc'atajesoxuc ta jun máquina sventa sloq'uesubil spat trigo; ja' jech chac'otic jech chac c'u cha'al sloq'uesubil pat trigo ti yach'el toe, ti oy to lec yee. Ja' sventa chalilinic o, chapasic o ta pucuc li muc'tic vitse, xchi'uc chac'atajesic ta te'el trigo li bic'tal vitsetique.

Isaías 49:19

Li avosilale jinesbil, yavnaijesbil, soquesbil to'ox, pero tana mu x'och o li boch'otic te chvul naquiicuque. Li boch'otic la soquesic comel scotole iloq'uic xa batel.

Jeremías 12:10

Epal banquilal jcontrainvanejetic laj yulesic scotol li ts'usubaltic cu'une; solel la xpech'ilanic comel ta teq'uel li cosile. Xco'laj xchi'uc xocol banamil icom yu'unic li jc'upil osile.

Jeremías 12:11

Solel jeche' xch'ijan icom o; xco'laj xchi'uc xocol banamil laj quil. Sjunul banamil soquem icom o; mu'yuc to boch'o abul sba chil ti c'u x'elan icome.

Jeremías 12:4

¿C'u to sjalil jech comen ta xocol banamil li cosilalcutique, ti taquijem scotol li vomol a'maletique? Li chonbolometic xchi'uc mutetique ichamic xa ta scoj smulic li boch'o li' nacalique, ja' ti mu xavil scuyojic li c'usi tspasique.

Jeremías 14:6

Li te'tical buroetique ibatic ta vitsetic, ch'an xa xi te cotol chich'ic ic' jech chac c'u cha'al oq'uiletic; ch-ic'ub xa banamil chilic, yu'un mu'yuc xa bu sta sve'elic”, xi li Muc'ul Diose.

Jeremías 2:15

¿C'u yu'un ti chtal yich'ic tsaquel jech chac c'u cha'al tstsacvan leone ti xlaquet no'ox sc'oplalique? Solel mu'yuc smelol icom ta ixtanel li yosilalique, xchi'uc stanil icom ta c'oc' li slumalique, solel mu'yuc yajval icom o.

Jeremías 2:6

Mu'yuc la sna'icun jutuc, mu'yuc jech laj yalic: ‘¿Bu oy li Muc'ul Dios ti la sloq'uesutic tal ta Egiptoe, ti laj yic'utic tal ta xocol banamil yo' bu mu'yuc c'usi x'ayin tee, ti mu'yuc boch'o naquiem, ti toj taq'uin, ti mu'yuc boch'o xu' chcuxi, xchi'uc ti mu boch'o sc'an xjelov ta xanubal tee?’, mu'yuc bu xiic.

Jeremías 23:10

Yu'un li banamile inoj ta jmulavil cristianoetic, ja' ta scoj ti puru mulil batem ta yo'nton li cristianoetique; solel ja' laj yac'beic yipal spasel li c'usi muc tuc'uque. Jech isoc o li banamile; itaquij scotol li ts'i'laltique.

Jeremías 50:3

Yu'un chtal contrainatuc yu'un jun banamil ta norte; ja' chtal syavnaijesbeic li yosilalique. Me junuc cristiano, me chonbolom mu'yuc chcom; ta xjatovic batel scotolic”, xi li Muc'ul Diose.

Jeremías 7:29

¡Jerusalén, seto loq'uel li stsotsil ajole, jipo batel! ¡Bat oc'tao aba ta toyol vitsetic, yu'un li Muc'ul Diose laj xa sbaj, laj xa sjip li jnaclumetic avu'une; ilinem xa o ta stojolic!

Jeremías 8:18

Li xc'uxul jvocole mu x'ech' o; ta xa xtu'p co'nton yu'un chca'ay.

Lamentaciones 1:16

Ja' ta scoj ti ep chi'oq'ue ti ep ta xloc' ya'lel jsate, yu'un inamaj xa loq'uel ta jtojol li boch'o chispatbun co'ntone, li boch'o chiyac'bun jcux co'ntone. Li jnich'nabtaque muc xvinaj c'uxi ibatic, yu'un ja' toj ech'em xu' yu'unic li cajcontracutique.

Lamentaciones 2:11

Solel chmac xa jsat yu'un li ya'lel jsate, i'alub xa li co'ntone. Xlaj xtu'p co'nton yu'un c'alal chquil oy ep svocolic li jchi'iltaque, xchi'uc c'alal chquil chchamic ta vi'nal ta xoraltic li ololetic ti chchu'unic toe.

Lamentaciones 5:18

Yu'un li vits Sione yav xa icom ta jyalel; puru vetetic xa te yalel muyelic.

Ezequiel 14:15

“Me ta jtac batel jti'val chonbolometic ta junuc banamil yu'un ac'o bat yulesic scotol li jnaclumetique, me solel xch'ijan chcom yu'unique, me mu'yuc xa boch'o te chjelov o ta scoj li chonbolometique,

Ezequiel 27:2

“Vo'ot xnich'on cristiano, q'uejintao q'ueoj sventa at-o'nton ta sventa li lum Tiroe,

Ezequiel 29:11

Me cristiano, me chonbolometicuc mu'yuc xa ta xjelovic o; cha'vinic (40) jabil mu'yuc yajval ta xcom o.

Ezequiel 33:28

Li yosilalique ta jc'atajes o ta xocol banamil, xch'ijan chcom o cu'un. J'ech'el ta jpajesbe o li stoyobbailique. Li vitsetic ta Israele mu'yuc yajval ta jcomtsan o; me junuc mu'yuc xa boch'o te chjelov o.

Ezequiel 6:6

Buyuc no'ox chanaquiic batel, ta xich' jinesel li lumetic avu'unique; xchi'uc li scajleb matanaletic avu'unique. J'ech'el chyavnaij o; xocol banamil chcom o li yavil scajleb matanal avu'unique. Li sloc'obal diosetic avu'unique ta xich' lilinel, ta xich' ulesel. Li scajleb xchic'ubiltac pom avu'unique ta xich' vuq'uesel. Scotol li c'usitic pasbil ta ac'obique ta xch'ay scotol.

Oseas 4:3

Ja' yu'un ta xlic yat yo'nton li banamile; ta xyavinicajic li boch'otic te nacalique. Li chonbolometic ta te'tique, li mutetic ta vinajele, xchi'uc li choyetic ta nabe ta xchamic.

Joel 1:13

Paleetic, lapic ch'ixlajan c'u'il sventa at-o'nton; j'abteletic ta scajleb matanal, juetanic ta oq'uel, yu'un chlaj xa sc'oplal ti chavaq'uic matanal, ti chavaq'uic ya'lel ts'usub te ta xch'ulna Dios avu'unique.

Joel 1:19

Vo'ot no'ox xivocolet ta atojol, Muc'ul Dios, yu'un ilaj ta c'oc' scotol li jamal jobeltique; imaje ta yat c'oc' scotol li te'etique.

Amós 5:1

Smomnich'nab Israel, a'yo ava'yic, li' ta xcal sq'ueojal oq'uel ta aventaic:

Amós 5:16

Ja' yu'un jech chal li Cajvaltique, ja' li Muc'ul Dios ti tspas ta mantal scotol te ta vinajele: “Ta scotol ch'ivit ta to xlic oq'uel; ta scotol xoraltic oy avanel. Li boch'o ch-abtejic ta te'tique ta x'ic'atic tal yu'un ac'o oq'uicuc ta scoj vocol ec; li boch'o ja' yabtelic ch-oc' ch-avanic ta sventa animaetique ch-ic'atic yu'un ac'o tal oq'uicuc.

Miqueas 2:4

C'alal me la sta li sc'ac'alil le'e, ta to xaq'uejintaic q'ueoj ta sventa oq'uel, jech chavalic: ‘Jcotoltic lijlajutic o; li Diose laj xa sjelbe o yajval li jlumaltique. ¡C'uxi bat spojbutic li cosilaltique! Ja' xa laj yac'be, la svoc'be sbaic li cajcontratique’, xachiic to”, xi li Diose.

Miqueas 3:12

Ja' yu'un vo'oxuc ta amulic ti xco'laj xchi'uc locbil banamil chcom li Sione, ti puru tontic xa te busul chcom ta Jerusalene, xchi'uc ti chpix ta chopol ts'i'laletic li vits yo' bu oy ch'ulnae.