Jeremías 9:1 - Bible in Tzotzil de Chenalhó with Deuterocanon

¹ ¡Oyuc c'uxi xc'ataj ta chupleb vo' li jole; oyuc c'uxi xc'ataj ta loq'ueb vo' li jsate, yu'un jech xu' chcoc'ta ta c'ac'al ta ac'ubal li anima jchi'iltaque!

Bible in Tzotzil de Chamula

¹ Ti jechuc la s'elan ti co'oluc s'elan sat vo' xtuctun ta xloc' ti ya'lel jsate, c'ac'al ac'ubal unbi ta xi'oc' ta scoj ti animaetic yu'un ti jteclumale.

Jeremías 9:1 Iomraidhean Croise

Salmos 119:136

Ep imal ya'lel jsat ta scoj ti mu'yuc chich' ch'unel o li amantaltaque.

Salmos 42:3

Yu'un ta c'ac'al ta ac'ubal ja' xa jve'elinoj li ya'lel jsate, pero ja'o jech chquich' jac'bel noxtoc: “¿Bu oy li Dios avu'une?”, xiyuticun.

Salmos 55:7

Xu' nom chijatov batel; xu' te to chc'ot naclicun ta xocol banamil ti jechuque.

Isaías 16:9

Ja' yu'un chi'oc' yu'un li ts'usubtic ta Sibma xchi'uc ta Jazere; ta jmal ya'lel jsat yu'un li Hesbón xchi'uc Eleale, yu'un li sat c'usitic chloc' te ti sc'oplal chich' tsobele muc xa xich' tsobel ta scoj ti ilic oq'uel avanel yu'un muc'ta c'ope.

Isaías 22:4

Ja' yu'un jech laj cal: Loc'anic batel li' yo' bu oyune, yu'un jech xu' ep ta xcoc'ta jba li'i, yu'un toj st'uset co'nton chca'ay. Altic chapatbicun co'nton ta sventa ti ilaj xa li jlumale.

Jeremías 13:17

Pero me mu xach'unique, ep chi'oc' ta mucul avu'unic. Ta xloc' ep ya'lel jsat; ta xc'uxub jsat ta oq'uel ta scoj li atoyobbailique, yu'un li xchijtac Muc'ul Diose ta xich'ic chuquel batel.

Jeremías 14:17

Jech xavalbe ya'yic li achi'iltaque: ‘Ac'o loc'uc ya'lel jsat ta c'ac'al ta ac'ubal ta sventa li jteclumale. Mu me xpaj o ta loq'uel li ya'lel jsate yu'un toj tsots li vocol chtal ta stojolique. Chtal tsots majel ta stojolic ti mu stac' poxtael oe.

Jeremías 3:10

C'alal jech la spas li jbajmantal Judae, muc xa ta scotoluc sjol yo'nton isut tal ta jtojol. La scuy sba no'ox, spasel no'ox yu'un. Vu'un jtuc Muc'ul Diosun ti jech chcale”, xiyutun.

Jeremías 4:19

¡Ay, toj c'ux li jvocole! Solel xlaj xtu'p ta jyalel li co'ntone, xpujpun ta jyalel li co'ntone. Ta persa chcal, yu'un chca'ay ti tsjupanic tal oq'ues ti ch-avanic tal ta sventa pleito li jcontrainvanejetique.

Jeremías 5:7

Ja' yu'un jech chal li Muc'ul Diose: “¿C'u x'elan xu' ta jts'icbot yepal li amul le'e? Li anich'nabique la scomtsanicun; c'alal oy c'usi chalic ta jamale, ja' la st'abbeic sbi li c'usi muc diosuque. Laj cac'be ep sve'elic, pero ja' no'ox imulivajic; muc vu'cun laj yich'icun ta muc', ja' no'ox ibatic ta snail muliletic.

Jeremías 6:26

Jchi'iltac, lapic c'u'il sventa at-o'nton ti ch'ixlajan ta lapele. Balo abaic ta tan, ato avo'ntonic, oc'tao abaic, jech chac c'u cha'al li boch'o chcham xnich'on ti c'ajumal jun xnich'on oye, yu'un ta xa me xtal li jmilvanej ta jtojoltique.

Jeremías 8:18

Li xc'uxul jvocole mu x'ech' o; ta xa xtu'p co'nton yu'un chca'ay.

Jeremías 9:18

Lec oy, iq'uic me tal ta ora. Ac'o tal yoc'tautic; ac'o tal yaq'uic oc'cutic; ac'o tal yaq'uic loc'uc ya'lel jsatic.

Lamentaciones 2:11

Solel chmac xa jsat yu'un li ya'lel jsate, i'alub xa li co'ntone. Xlaj xtu'p co'nton yu'un c'alal chquil oy ep svocolic li jchi'iltaque, xchi'uc c'alal chquil chchamic ta vi'nal ta xoraltic li ololetic ti chchu'unic toe.

Ezequiel 22:12

Oy boch'o la xchon sbaic ta taq'uin sventa chmilvanic, xchi'uc la sc'anbeic sjol staq'uinic, xchi'uc la xch'ambeic svocaroil. Oy boch'o la stsatsal elc'anbeic c'usi oy yu'un xchi'ilic noxtoc. Solel vu'un laj ach'ayicun o ta avo'ntonic.

Oseas 7:4

Scotolic puru jpasmuliletic; ja' jechic jech chac c'u cha'al horno ti te tsanal o sc'ac'al ti muc persauc chchuch li jpaspan c'alal chlic svots' arinae xchi'uc ti c'alal to chpajube.