Jeremías 8:9 - Bible in Tzotzil de Chenalhó with Deuterocanon

⁹ Ja' yu'un li boch'o bijique ta xyalic ta q'uexlal, ta xniquic ta xi'el; ta x'ochic ta c'op-o'nton, yu'un la xa sbajic comel li jmantale. Ja' yu'un ¿bu tsta li sbijilique?

Bible in Tzotzil de Chamula

⁹ Ti bijil viniquetic taj une, nijil chimil ta xcomic ta q'uexlal apun. Mu'yuc xa c'usi xut sba, co'ol s'elan jun chon bolom xvalc'uj sutbij xa ti c'alal tsacbil ta pets'e. ¿Mi yu'un la oy to abijilic xana' un c'alal laj xa ajip aten ti jc'ope?

Jeremías 8:9 Iomraidhean Croise

2 Reyes 17:15

La sbajbeic li smantaltaque, xchi'uc li c'usi xchapanoj ono'ox xchi'uc li smoltotaquique, xchi'uc li c'usi albilic ac'o spasique. Ja' lic yich'ic o ta muc li yan diosetic ti mu'yuc stsatsalique, jech mu'yuc stsatsalic ic'otic o ec. Ja' la spasic batel jech chac c'u cha'al la spasic li yanlum cristianoetic te oy ta spat xoconic ti albilic yu'un Muc'ul Dios mu me jechuc spasique.

Job 5:12

Ja' tsoquesbe c'usi snopoj tspas li boch'o toj bij scuyoj sbae, jech mu'yuc c'usi chc'ot ta pasel o yu'un.

Job 5:13

Ja' chac' ti te chucul ac'o c'otuc ta sventa sbijil li boch'otic bij scuyoj sbaique; ja' tsmacbe ta be c'usi chopol xchapanojic li boch'otic chopolique.

Salmos 19:7

Li smantal Muc'ul Diose toj lec, yu'un chisjelbutic co'ntontic; Li taq'uiel yu'un Muc'ul Diose mu xjel o, lec chbijub li boch'o mu c'usi sna'e.

Isaías 19:11

Toj boloxuc, vo'oxuc li banquilaloxuc te ta Zoane, vo'oxuc li bijil jtojobtasvanejoxuc yu'un faraone; li tojobtasel chavaq'uique mu'yuc stu. ¿C'u x'elan xu' jech chavalic ta stojol li faraone: “Vu'uncutic smomnich'nabuncutic li bijil viniquetique; vu'uncutic smomnich'nabuncutic li ajvaliletic ta vo'onee?”, ti xavutique.

Isaías 29:14

Ja' yu'un, ta sventa sq'uelubiltac jtsatsal ta jch'aybe yo'ntonic li cristianoetic le'e; ta jch'aybe sbijilic li boch'otic bijique; ta jch'aybe sjolic li boch'otic oy c'usi lec sna'ique”, xi.

Isaías 43:27

Li sba atot ame'ic ta vo'onee la sa' smulic; li jchanubtasvanejetic avu'unique la stoy sbaic ta jtojol.

Isaías 8:20

Tac'beic ta smantaltac Dios xchi'uc ta sc'op Dios; me mu jechuc chapasique, yu'un mu'yuc to sacuben osil ta atojolic.

Jeremías 15:6

Li Muc'ul Diose jech chal: Vo'ot laj acomtsanun, laj ava'lupatinun comel. Ja' yu'un li' ta orae ta jye' jc'ob ta aba, ta xcac'bot tsots avocol, yu'un i'ech' xa co'nton avu'un.

Jeremías 19:7

Li' ta banamil ta jlilinbe c'usitic snopojic li Judá xchi'uc Jerusalene. Ta xcac' lajicuc ta milel yu'un li yajcontraique; ta xcac' ochicuc ta sc'ob li boch'o ta xcontrainatic yu'une. Li sbec'talique ta xcac'be sti' xulemetic xchi'uc jti'val chonbolometic.

Jeremías 2:8

Li paleetique la xch'ayicun o ta yo'ntonic; li jchanubtasvanejetic sventa jmantale mu xa sna'icun; li banquilaletique solel la stoy sbaic o ta jtojol. Li j'alc'opetique ja' xa ic'otic ta j'alc'op yu'un li Baale, yu'un ja' te ibatic o ta stojol li diosetic ti mu'yuc stue.

Jeremías 49:7

Li Muc'ul Dios ti tspas ta mantal scotol te ta vinajele jech chal ta sventa li Edome: “¿Me mu'yuc xa boch'o bij te ta Temane? ¿Me mu xa sna' c'usi tspasic o li boch'otic lec bijique? ¿Me ich'ay o batel li sbijilique?

Jeremías 6:15

¿Me oy ta xq'uexovic ta sventa ti toj chopol c'usi tspasique? Mu'yuc q'uexlal cha'yic o; bats'i mu sna' xq'uexovic o ta j'ech'el. Ja' yu'un c'alal chcac'be stoj smulique, chyalic o ta lum; nomtic mochajtic chc'otic jech chac c'u cha'al li yantique”, xi li Muc'ul Diose.

Jeremías 6:19

Banamil, a'yo ava'ay: Ta xcac' taluc vocol ta stojol li jun lum li'i, ja' stojol li c'usi chopol la spasique. Yu'un muc xch'unic li c'usi laj cale; la sbajic li chanubtasel cu'une.

Ezequiel 7:26

Me ital li tsots vocole, xloc' x'och no'ox. Ja' jech xloc' x'och tal noxtoc li lo'iletic ti toj xi'balic sbae. Ta to sa'ic j'alc'opetic sventa ch-albatic c'usi chc'ot ta pasel, pero mu staic. Yu'un mu'yuc xa paleetic ti xu' chchanubtasatic yu'une; mu'yuc xa moletic ti xu' ch-albatic lec mantal yu'une.

Amós 2:4

Jech chal noxtoc li Muc'ul Diose: “Ta sventa ti solel i'ech' ta bis smul li Judae, jech persa ta xcac'be stoj. Yu'un mu'yuc stu laj yilic li mantaletic cu'une; muc xch'unic li c'usitic caloje. La syanijesic ta scoj ti ja' laj yich'ic ta muc' li c'usitic cuybil ta diose; ja' la xchanic ec jech chac c'u cha'al la spasic li smoltot syame'ic ta vo'onee.

Zacarías 13:4

Ta sc'ac'alil le'e yalem ta q'uexlal chcomic li j'alc'opetic ti chalic c'usi ch-ac'bat sna' yu'un Dios, xchi'uc li c'usi ch-ac'bat yil ta xch'ulelic scuyojique. Jech mu'yuc xa ta slapic li natil c'u'il ti oy stsotsil sventa chlo'lavanic oe.

Deuteronomio 4:6

C'otuc me ta pasel avu'unic, xchi'uc chanic me spasel scotol. Yu'un jech tsna'ic yantic lumetic ti oy lec abijilique xchi'uc ti xana'beic lec smelol c'usi lec ta pasele. C'alal cha'yic scotol li mantaletic avu'unique, jech chlic yalic: ‘Lec bijic xchi'uc lec sna'beic smelol li jun muc'ta lum le'e’, xi ac'oplalic.

2 Timoteo 3:15

Yu'un ta abic'tal ono'ox laj avotquin li sc'op Dios ts'ibabile; jech labijub, jech chacol ta sventa ti laj ach'un li Jesucristoe.