Jeremías 8:8 - Bible in Tzotzil de Chenalhó with Deuterocanon

⁸ ¿C'u x'elan xu' jech chavalic: Li vu'uncutique lec bijuncutic, li' oy ta jc'obcutic li smantaltac Muc'ul Diose, ti xachiique? Yu'un li jts'ibajometic avu'unique laj xa stunesic ta sts'ibael puru epalc'opetic li slapisique; laj xa syanijesic ta ts'ibael li mantaletic cu'une.

Bible in Tzotzil de Chamula

⁸ ¿C'usi xavut ta xavalbe aba ti oy abijilique, ti xana'ic oy c'usi jbel tsots albil yu'un ti Diose? Ti buch'u sbainoj ta sts'ibael ti c'usi ta xc'ot ta pasel ta jteclume, naca jutbil ta xal. Mu meleluc ma' ti c'usi ta stsac ta sts'ibaele.

Jeremías 8:8 Iomraidhean Croise

Job 11:12

Li bol cristianoe ja' to chbijub c'alal me ic'ataj ta cristiano li te'tical buroe.

Job 12:20

Xu' tspajes ta lo'il li boch'o chalic ti lec xu' yu'unique; xu' tspojbe sbijil li moletique.

Salmos 147:19

Laj yal lec sc'op smantal ta stojol li Jacobe; laj yac' lec chanubtaseletic ta stojol li Israele.

Proverbios 17:6

Li moletique ja' scoronaic c'otem li smomnich'nabique; li nich'naletique ja' stsatsal yo'ntonic li stot sme'ique.

Isaías 43:27

Li sba atot ame'ic ta vo'onee la sa' smulic; li jchanubtasvanejetic avu'unique la stoy sbaic ta jtojol.

Jeremías 18:18

Jech lic yalic li cristianoetique: “La'ic, la' jchapantic c'usi chcut ta jmiltic li Jeremiase, yu'un ta smantal Diose mu'yuc chal me oy ta xlaj sc'oplal ti oy paleetic chixchanubtasutique; mu'yuc ono'ox chlaj sc'oplal ti oy boch'o bijic sventa chisbijubtasutique, xchi'uc mu'yuc ono'ox chlaj sc'oplal ti oy j'alc'opetic chiyalbutic c'usi chal Diose. La', jnopbetic smul li Jeremiase; jyayijestic ta sventa jc'optic. Mu jtuc'ulanbetic li c'usi chale”, xiic.

Jeremías 19:7

Li' ta banamil ta jlilinbe c'usitic snopojic li Judá xchi'uc Jerusalene. Ta xcac' lajicuc ta milel yu'un li yajcontraique; ta xcac' ochicuc ta sc'ob li boch'o ta xcontrainatic yu'une. Li sbec'talique ta xcac'be sti' xulemetic xchi'uc jti'val chonbolometic.

Jeremías 2:8

Li paleetique la xch'ayicun o ta yo'ntonic; li jchanubtasvanejetic sventa jmantale mu xa sna'icun; li banquilaletique solel la stoy sbaic o ta jtojol. Li j'alc'opetique ja' xa ic'otic ta j'alc'op yu'un li Baale, yu'un ja' te ibatic o ta stojol li diosetic ti mu'yuc stue.

Jeremías 4:22

Jech chal li Muc'ul Diose: “Li jteclumale toj bolic ta jyalel, mu xiyotquinicun. Li calab jnich'nabe jeche' oyic ta banamil, mu'yuc sbijilic; mu xa'ibeic o smelol. Ja' no'ox bijic ta spasel li c'usi chopole, yan li c'usi leque ja' mu sna'ic spasel”, xi li Diose.

Jeremías 48:14

“Ja' yu'un mu xu' jech chal li Moabe: ‘Lec tsatsal vinicuncutic, lec xu' cu'uncutic pleito’, mu xu' xiic.

Oseas 8:12

Ac'o me la jts'ibabeic li lequil mantaletic cu'une, pero toj yan o ta a'yel laj ya'yic.

San Mateo 15:6

chavalbeic ti xu' xa mu scoltaic o li stot sme'ique. Jech chabajbeic o smantal Dios ta scoj ti ja' avich'ojic li atalelic ono'oxe.

San Juan 9:41

Itac'ov li Jesuse: —Ti ma'satucoxuque, mu'yuc amulic ti jechuque. Pero ta sventa chavalic ti jamal asatique, jech te acuchoj o amulic —xut.

Romanos 1:22

La scuyic ti lec bijique, pero bol cristiano ic'otic.