Jeremías 8:6 - Bible in Tzotzil de Chenalhó with Deuterocanon

⁶ Laj xa ca'ay, laj xa jtuc'ulan lec, pero mu'yuc tuc' chac'opojic, mu'yuc boch'o tsc'an tsutes yo'nton yu'un li smule. Ja' no'ox jech chavalic: ¿C'usi ti chopol jpasoje?, xachiic. Jech ta jujuntal laj atam batel abeic ta anil jech chac c'u cha'al ca'etic ti tsjip sbaic batel ta anil ta pleitoe.

Bible in Tzotzil de Chamula

⁶ Jmalaoj xa ca'i, ts'etel xa jchiquin mi oy buch'u ta sutes sba yu'un ti c'usi chopol ta spase. Le' une, mi junuc ti oy buch'u xi jamal ta xale: ‘¿C'u xa no'ox cha'al ti vi s'elan laj xa jpas une?’ Scotol, jun be stamojic batel ti xbitet ta anil jech c'u cha'al junuc ca' ti mu xa stac' pajesel c'alal xyaquet ti letoe.

Jeremías 8:6 Iomraidhean Croise

Job 10:2

Dios cu'un, mu me xach'un ti oy jmule; albun ca'ay c'usi jmul avu'un ti jech chapasbune.

Job 34:31

“Ta jna' ti tsc'an jech chavalbe li Diose: ‘Laj xa quich'be stojol li jmule; mu'yuc xa ta jpas yan velta.

Job 34:32

Ac'bun quil li c'usi mu xquile. Me oy la jpas c'usi chopole, mu'yuc xa ta jpas yan velta’, tsc'an xachi ta stojol.

Salmos 14:2

Scotol cristianoetic q'uelbilic tal yu'un Muc'ul Dios c'alal ta vinajel; tsq'uel yil me oy boch'o cha'ibe smelol, tsq'uel me oy boch'o tsc'an tsa' li Diose.

Isaías 30:18

Pero li Muc'ul Diose chasmalaoxuc, yu'un tsc'an chaxc'uxubinoxuc. Li stuque oy ta yo'nton chac' avilic ti sc'anojoxuque, yu'un li Muc'ul Diose ja' Dios ti tuc' yo'ntone. Xcuxet no'ox yo'ntonic li boch'otic ja' no'ox tspat yo'ntonic o ta stojole.

Isaías 57:17

Ta scoj ti yan c'usi la sc'upinique, jech li'ilin yu'unic; laj cac'be stoj smulic, la jcomtsanic o, pero yo'to la stoy sbaic, ja' la spasic o li c'usi oy ta yo'ntonique.

Isaías 59:16

Ich'ay yo'nton ti c'alal laj yil mu'yuc boch'o tspajes ti jech chc'ot ta pasele. Ja' yu'un lic abtejuc stuc; lic yac' tal tuq'uil chapanel yu'un stuc.

Jeremías 23:25

“Li vu'une ca'yoj scotol yepalc'opic li j'alc'opetic le'e. Chalic ti vu'un ta jventa c'alal chalic c'usi chc'ot ta pasele. Jech chalic: ‘Ja' jech laj quil ta jvayech, ja' jech li'ac'bat quil’, xiic.

Jeremías 3:5

¿me j'ech'el cha'ilin o ta jtojol?, ¿me sbatel osil mu xlaj o li sc'ac'al avo'ntone?’, xachi. C'alal ja'o chaval jeche, avac'ojbe yipal spasel o c'usi chopol ti bu to c'alal xu' avu'une”, xi.

Jeremías 5:1

“Xanic scotol xoraltic ta Jerusalén, batanic ta scotol cuxub o'ntonaletic ta yut lum; bat sa'ic, q'uelic lec me oy chataic junuc li boch'o tuc' c'usi tspase ti ja' tsa' c'usi melele, yu'un jech xu' ta jpasbe perdón li Jerusalene.

Ezequiel 18:28

Yu'un ijam sat, laj yotquin li c'usitic chopol tspase, jech la scomtsan, ja' yu'un ta jbel sc'oplal chcuxi; muc ch'ayeluc ta xbat.

Ezequiel 22:30

La jsa' me oy junuc vinic te ta stojolic ti oy c'usi xu' tspas ta sventa slequilal li lume, ti me oy chc'opoj ta jtojol yu'un jech mu me xculese, pero mu'yuc la jta.

Daniel 9:11

Scotol israeletic la sbajic comel li amantale; muc xch'unic li c'usi laj avale. Jech vu'uncutic ic'ot ta jtojolcutic li tsots vocol ti jamal albil, ti ts'ibabil comel yu'un li Moisés, ja' li avajtunele. Ja' ta scoj ti la jsa' jmulcutic ta atojole.

Miqueas 7:2

Me junuc mu'yuc xa boch'o jun yo'nton ta stojol Dios li' ta banamil; mu'yuc xa boch'o tuc' yo'nton yu'unic li cristianoetique. Ja' xa no'ox oy ta yo'ntonic milbail; Ja' xa no'ox tsnopic c'u x'elan ch-och ta pets' yu'unic li xchi'iltaquique.

Sofonías 3:7

Jech la jnop: ‘Ja' van jech chlic yich'un o ta muc' li Jerusalene; ja' van jech chlic xch'un o li taq'uiel ta xcac'bee, jech mu'yuc ta jyavnaijes o ta sventa li stojol smul laj cac'bee’, xichi. Pero yo'to ech'em laj yac'be yipal spasel li c'usitic chopole.

Hageo 1:5

Vu'un li Muc'ul Diosun ti ta jpas ta mantal scotol te ta vinajele, jech chcal: Nopic me lec li c'usitic chapasique.

Hageo 1:7

Vu'un li Muc'ul Diosun ti ta jpas ta mantal scotol te ta vinajele, jech chcal noxtoc: Nopic lec li c'usi chapasique.

Malaquías 3:16

Ja' yu'un li boch'o yich'ojic ta muc' li Muc'ul Diose, lic yalbe sbaic ta jujuntal ti yich'ojic ta muq'ue. Li Diose laj ya'ay. Jech laj yich' ts'ibael ta vun te ta stojol, yu'un jech mu xch'ay ta o'ntonal li boch'o jun yo'ntonic ta stojole ti ja' no'ox yich'ojic o ta muq'ue.

2 Pedro 3:9

Mu yu'unuc mu xc'ot ta pasel c'usi yaloj li Cajvaltique, jech chac c'u cha'al oy boch'o chalic ti mu xc'ot ta pasele. Yu'un toj ep smuc'ul yo'nton ta atojolic, mu sc'an ti oy boch'o ch'ayel chbat junuque. Ja' tsc'an scotol ac'o sutes yo'nton yu'un smulic ta stojol li Diose.

Apocalipsis 9:20

Pero li cristianoetic ti c'u yepal cuxul icomic ta scoj li vocol le'e, me jutuc muc sutes yo'ntonic. Muc scomtsanic o yich'el ta muc' li c'usitic pasbil ta sc'obique. Muc scomtsanic yich'el ta muc' li pucujetique xchi'uc li sloc'obal sdiosic pasbilic ta c'anal taq'uin, ta saquil taq'uin, ta cobre, ta ton, ta te', ti mu xilic osile, ti mu xa'yic c'ope, ti mu xanovique.