Jeremías 8:4 - Bible in Tzotzil de Chenalhó with Deuterocanon

⁴ “Jeremías, li c'usi chacalbot li'i, ja' jech xavalbe ya'yic li cu'untaque: ‘Li boch'o ta xyal ta lume ¿me mu'yuc bu tstots? Li boch'o tsoc ta bee ¿me mu'yuc chtal stam lec sbe yan velta?

Bible in Tzotzil de Chamula

⁴ “Jeremías, xi xava'an aba ta yalbe ya'i jc'optac ti jteclume: ‘C'alal oy buch'u ta xyal ta lume, ta stam sba liquel. C'alal oy buch'u ta xch'ay ta bee, ta xtal stam ti bu com yu'une.

Jeremías 8:4 Iomraidhean Croise

1 Reyes 8:38

a'ibun me sc'opic ti c'alal chasc'opanicote. Boch'ouc no'ox chasc'opanot, me ja' scotol li ateclumal c'alal chilic ep svocolique, me tstoy muyel sc'obic ta atojol li' ta ch'ulnae, a'ibo me sc'opic te ta vinajel ti bu nacalote. Pasbo me perdón li smulique. Ja' jech xavac'be stojolic ti c'u x'elan yabtel jujunique, yu'un vo'ot no'ox atuc avilojbe c'u x'elan yut yo'nton li jujun cristianoe.

Proverbios 24:16

Ac'o me chyal ta lum vucubuc velta li boch'o tuc' yo'ntone, ta ono'ox stam sba liquel yan velta; yan li boch'o chopolique te chyalic o ta lum ta scoj svocolic.

Isaías 44:22

Li vu'une laj xa jch'aybot li atoyobbaile; laj xa jmes loq'uel li amule; muc xvinaj bu ibat cu'un jech chac c'u cha'al lumal toc. Sutan me tal ta jtojol, yu'un vu'un la jcha'pojot loq'uel tal”, xi li Muc'ul Diose.

Isaías 55:7

Vo'oxuc li jpasmuliloxuque, comtsanic li be atamojique; vo'oxuc ti ep sbolil avo'ntonique, comtsanic li c'usi chopol chanopique. Sutanic tal ta stojol li Muc'ul Diose, yu'un li stuque toj ep c'uxubinel yu'un; li Dios cu'untique toj ep perdón yu'un.

Jeremías 23:14

Li j'alc'opetic ta Jerusalene chquil noxtoc ti toj ven chopol c'usitic tspasique; yu'un ta xmulivajic, puru epalc'op tspasic, yo'to tstsatsubtasbeic yo'nton li boch'o chopolique, yu'un jech mu me scomtsanic li smulique. Ja' xa jech chquilic scotolic c'alal ta jnaclumetic jech chac c'u cha'al lum Sodoma xchi'uc lum Gomorra.

Jeremías 3:1

Jech chal noxtoc li Muc'ul Diose: “Me oy jun vinic ta xicta sbaic xchi'uc yajnile, me imalij ta yan vinic li antse, ¿me chbat to yic' yan velta li vinique? ¿Me mu ja'uc no'ox tsoquesbe sc'oplal sjunul slumal me jech tspase? Ja' jech laj apas ec li vo'ote, Israel; xco'laj xchi'uc ep xa boch'o lamulivaj achi'uc. ¿Me chanop ti xu' to chasut tal ta jtojole?, xacutot vu'un li Muc'ul Diosune.

Jeremías 3:22

Jbajmantaletic, suteso avo'ntonic ta jtojol; vu'un ta jpoxtaboxuc li atoyobbailique”, xi li Diose. “Lec oy, ta xitalcutic ta atojol, yu'un vo'ot Muc'ul Diosot cu'uncutic.

Jeremías 36:3

Naca me ja' to jech xlic scomtsan c'usi chopol tspas li judaetic c'alal me cha'yic scotol c'u x'elan li vocol ta jtacbe tal ta stojolique; jech xu' ta jpasbe perdón li smulique, li xchopolilique”, x'utat.

Jeremías 4:1

Jech chcal vu'un li Muc'ul Diosune: “Israel, me chac'an chasut tale, la' me li' ta jtojole. Me chajip comel ta avo'nton li c'usi toj chopol chquile, me mu xabat ta buyuc no'oxe,

Ezequiel 18:23

¿Me yu'un ja' xcuxet co'nton me ch'ayel chbat li jpasmulile? ¿Me mu ja'uc xcuxet co'nton me tscomtsan li c'usitic chopol yu'un jech xu' chcuxie?

Oseas 14:1

Israel, sutan tal yan velta ta stojol li Dios avu'une, yu'un yalemot ta lum ta scoj li amule.

Oseas 6:1

La'ic acotolic, sutcutic batel ta stojol li Muc'ul Diose. Ja' laj yac' jvocoltic, ja' chixpoxtautic noxtoc; ja' la syayijesutic, ja' chixpixbutic noxtoc.

Oseas 7:10

Li stoyobbail Israele ja' chlic sva'an sba ta scontra stuc. Pero mu ono'ox sut o ta stojol li Muc'ul Dios yu'une; mu'yuc bu chlic sa', mu'yuc bu chlic st'un.

Amós 5:2

Li Israel ti toj c'upil sba, ti toj lec to'ox jech chac c'u cha'al jun tojol tsebe iyal xa o ta lum, mu xa xu' tstots o. Stuc xa te telel ta yosilal; mu'yuc boch'o chtal toyunuc liquel.

Miqueas 7:8

Vo'ote, jcontrainvanej cu'uncutic, mu me xcuxetuc avo'nton ti oy jvocolcutic chavile. Ac'o me liyalcutic ta lum, pero ta jtam jbacutic totsel; ac'o me oyuncutic ta ic' osil, pero ja' saquil osil chc'ot cu'uncutic li Muc'ul Diose.