Jeremías 8:3 - Bible in Tzotzil de Chenalhó with Deuterocanon

³ Ti c'u to yepal cuxul chcomic li chopol cristianoetic le'e, mu xa sc'an ti cuxulique, ja' xa no'ox tsc'an xchamel slajelic te ta banamil ti buyuc no'ox ta jpuquic batele. Vu'un chcal jtuc, vu'un li Muc'ul Diosun ti ta jpas ta mantal scotol te ta vinajele”, xi.

Bible in Tzotzil de Chamula

³ Ti buch'u cuxul to ta xcomic ti chopol jnaclejetic ti laj xa jtaniic batele, ma'uc xa oy ta yo'ntonic ma' ti ta to xch'i xc'opoj ya'iique, ja' no'ox ti chamicuque. Ti vu'un Diosun ti scotol xu' cu'une, mu stselbuj ma' ti jc'op une.

Jeremías 8:3 Iomraidhean Croise

1 Reyes 19:4

Jech te ibat ta xocol banamil; ja' jun c'ac'al ixanov batel. Te ic'ot chotluc ta yolon jpets mes te'. La sc'an ti te ac'o chamuque, jech laj yal: “¡Muc'ul Dios, li' no'ox c'alale, milun ta ora! Muc vu'cun toj lecun jech chac c'u cha'al li jmoltotaque”, xut li Muc'ul Diose.

Jeremías 23:3

Vu'un jtuc ta jtsob sutel tal scomelal jchijtac te ta yantic banamil ti bu laj caq'uic batele, yu'un ta xcac' suticuc tal ti bu ono'ox nacalique; te chlic ch'iicuc, te chlic bolicuc.

Jeremías 23:8

Ja' xa jech chavalic: ‘Ja' ta sventa Muc'ul Dios iloq'uesatic tal ta norte banamil xchi'uc ta yantic lumetic ti bu laj yich'ic puquel batel li israeletique’, xachiic. Jech te chlic naquiicuc ta yosilal stuquic”, xi li Muc'ul Diose.

Jeremías 29:14

Ta xcac' ac'o ataicun, yu'un ta xcac' sutanic tal ti bu chucbiloxuc batele. Ta jtsoboxuc sutel tal ti buyuc no'ox la jpucoxuc batel ta yantic lum xchi'uc ta yantic banamile; te ta xvul cac'oxuc ti bu ono'ox laloq'uic batel cu'une’, xi li Diose.

Jeremías 29:28

Yu'un te aq'ueloj ti la stacbe batel carta li boch'otic chucbilic batel ta Babiloniae, jech laj yalbe batel: Paso lec anaic, te naclanic, ts'unic jsatinom te'etic, te xalo'beic sat, yu'un chajalijic te ta yan banamil, ti xut batel ta cartae’, xayutot li Muc'ul Diose”, xut.

Jeremías 40:12

Ja' yu'un scotol iloq'uic batel te ta lum ti bu la spuc sbaic batele; isutic batel ta yosilal ta Judá te ta stojol Gedalías ta Mizpa. Te c'ot stsobic ep ya'lel sts'usub xchi'uc ep sat te'etic.

Jeremías 44:2

“Jech chcal vu'un li Muc'ul Diosun ti ta jpas ta mantal scotol te ta vinajele, vu'un li Diosun yu'un Israele: ‘Li vo'oxuque laj avilic scotol li vocol laj cac' tal ta Jerusalén xchi'uc ta scotol lumetic ta Judae, ja' yu'un li' ta orae xch'ijan xa; mu'yuc xa boch'o te nacal.

Jeremías 44:6

Ja' yu'un la jmal loq'uel li sc'ac'al co'ntone; itsan jech chac c'u cha'al c'oc' te ta lumetic ta Judá xchi'uc ta xoraltic ta Jerusalén. Ja' yu'un isoc o, iyavnaij o, jech chac c'u cha'al chavilic li' ta orae.

Jeremías 6:9

Li Muc'ul Dios ti ja' tspas ta mantal scotol te ta vinajele jech ta xal: “Xquechet ta xich' t'unel scotol me oy to bu chcom li israeletique; ja' jech chac c'u cha'al xquechet chich' c'uxc'ultabel sat ts'usub ta jujujec sc'obe, ja' to me mu xa jbejuc chcome”, xi.

Daniel 9:7

Cajval, li vo'ote toj tuc' c'usi chapas; yan li vu'uncutique ja' no'ox chcac' jbacutic ta q'uexlal. Ja' jech cha'yic scotol li judaetic li' ta orae, xchi'uc li boch'otic te nacalic ta Jerusalene xchi'uc ta scotol li israeletic ti nacalic batel ta nom ta noch' ta yantic lum ti bu laj apuc batel ta scoj ti la stoy sbaic ta atojole.

Levítico 26:33

Ta jpucoxuc batel ta yantic lumetic. Ta jloq'ues espada ta atojolic; ja' ta jnutsoxuc o batel. Li avosilalique ja' jech chcom jech chac c'u cha'al xocol banamil. Li alumalique ta xyavnaij o ta j'ech'el.

Amós 3:1

Smomnich'nab Israel, a'yo ava'yic c'u x'elan chc'opoj ta atojolic li Muc'ul Diose, vo'oxuc ti la sloq'uesoxuc tal ta Egiptoe:

Jonás 4:3

Ja' yu'un, Muc'ul Dios, ta jc'anbot vocol ti ac'o amilun ta orae, yu'un ja' lec chca'ay ti chichame; mu xa jc'an ti li' to cuxulune —xut.

Miqueas 2:3

Ja' yu'un li Muc'ul Diose jech chal ta sventaic: “Oy xa c'usi chopol jchapanoj ta aventaic ec; ta xcac' tal tsots vocol ta atojolic. Cuchul xa no'ox anuc' chaxanovic, yu'un mu xa xu' avu'un xateltun chaxanovic, yu'un chtal chopol ora ta atojolic.

Deuteronomio 30:1

“C'alal me ic'ot ta pasel ta atojolic scotol li c'usitic laj calboxuc ava'yique, ja' li bendición xchi'uc li vocoletic ti laj xa cac'boxuc at'ujique, pero me chlic asutes avo'ntonic te ta yantic banamil yo' bu chaspucoxuc batel li Muc'ul Dios cu'untique,

Deuteronomio 30:4

Ac'o me toj nom chavictaic comel li alumalic ti bu chapuc abaic batel ta yan to jujujot sti' banamile, pero te to chbat yic'oxuc tal li Muc'ul Diose. Te to chbat st'unoxuc tal acotolic.

Apocalipsis 6:16

Jech laj yalbeic li vitsetique xchi'uc li ch'entique: “Loman tal ta sba cac'olcutic, but'iuncutic, yu'un jech mu xiyiluncutic li Boch'o te chotol ta muc'ta chotlebale, xchi'uc jech mu xitaatcutic ta sc'ac'al yo'nton li Ch'ium Chije.

Apocalipsis 9:6

C'alal ja'o jech yoraile, li cristianoetique tsa'ilan c'u x'elan xu' chchamic, pero mu staic. Tsc'an chchamic, pero mu xloc' batel ta stojolic li lajele.