Jeremías 8:2 - Bible in Tzotzil de Chenalhó with Deuterocanon

² Te no'ox tanpuc chbat ta osilaltic ta sba ta sat li c'ac'al, li u, xchi'uc li c'analetique, yu'un ja' laj yich'ic ta muc', ja' itunic yu'un, ja' la sts'aclinic o, ja' la sjac'beic li c'usi tsjaq'uique, ja' la squejan sbaic ta stojol. Mu'yuc boch'o chtal stsobbe li sbaquilique, mu'yuc boch'o chtal smuc, te no'ox chch'ay batel ta banamil jech chac c'u cha'al c'a'ep.

Bible in Tzotzil de Chamula

² Lamal ta x'ictabatic comel ta c'ac'al, ta sat u, ta xojobal scotol ti c'analetic ti lec laj ya'iic ti laj sbisic ta yajvalique, ti laj yac' sbaic ta tunel yu'une, ti ta sts'acliele, ti ta sjaq'uel sbaique, ti ta snijanel xchimanel sbaique. Mu'yuc buch'u ta xc'uxubaj ta stsobel yo' ta xich'ic muquel. Co'ol s'elan stso' chon bolom busul ta xcom ta banomil.

Jeremías 8:2 Iomraidhean Croise

2 Reyes 17:16

Ja' la scomtsanic o xch'unel li mantaletic yu'un Muc'ul Dios yu'unique. Lic spasic sloc'obal cha'cot ch'ium tot vacaxetic ta unijesbil bronce taq'uin, xchi'uc sloc'obaltac Asera, xchi'uc lic yich'ic ta muc' scotol li c'usitic oy ta vinajele, xchi'uc laj yich'ic ta muc' li Baale.

2 Reyes 21:3

Yu'un la xcha'pas li toyol c'opojebaletic ti la sjines ono'ox li stote, ja' li Ezequiase. Xchi'uc la xcha'pasbe scajleb smoton li Baale, xchi'uc la spasbe jun sloc'obal sjalalme'ic Asera jech chac c'u cha'al la spas li Acab, ajvalil ta Israele. Jech noxtoc lic yich' ta muc' scotol li c'usitic oy ta vinajele.

2 Reyes 21:5

La spasbe scajlebtac smoton noxtoc li c'usitic oy ta vinajele; ja' te la spas ta xcha'jotal yamaq'uil ch'ulna.

2 Reyes 23:5

Jech noxtoc la sloq'ues ta paleal li boch'otic itic'atic ta paleal yu'un ajvaliletic ta Judá sventa chchiq'uic pom ta toyol c'opojebaletic te ta lumetic ta Judá xchi'uc ta spat xocon lum Jerusalene. Xchi'uc la sloq'ues noxtoc li paleetic ti la xchiq'uic pom ta stojol li sdiosique, ja' li Baale, li c'ac'ale, li ue, li muc'tic c'analetique, xchi'uc li yantic c'usitic oy ta vinajele.

Salmos 53:5

Ac'o me mu'yuc c'usi xi'bal sba, pero chniquic ta xi'el, yu'un li Diose jatsa bu tanmacal ibat sbaquil yu'un li boch'o tsc'an ox chcontrainvanique. Iyalic o ta q'uexlal, yu'un ibajatic o yu'un li Diose.

Salmos 83:10

ti te ilajic o ta Endore, ti itun ta sventa xyaxal banamil li sbec'talique.

Salmos 83:11

Ja' jech xapasbe li jpasmantaletic yu'unic jech chac c'u cha'al laj apasbe li Oreb xchi'uc Zeebe; ja' jech chapasbe noxtoc li banquilaletic yu'unic jech chac c'u cha'al laj apasbe li Zeba xchi'uc Zalmunae.

Eclesiastés 6:3

Ac'o me ep jabil chcuxi li jun vinique, ac'o me chvoc' vo'vinic (100) xnich'nab, pero me muc sc'upin ya'ay scotol li c'usitic leque, xchi'uc me mu'yuc xmucat noxtoc c'alal chchame, chcal ti toj abul sbae. Ja' lec chil li olol ti chyal no'oxe.

Jeremías 14:16

Li cristianoetic ti jech ay yalbeique ta xlajic ta milel ta espada, ta xchamic ta vi'nal xchi'uc yajnil xnich'nabic ec. Te no'ox busul chcomic ta xoraltic ta Jerusalén; mu'yuc boch'o chtal smuquic, yu'un jech ta xcac'be stoj li smulique.

Jeremías 16:11

Jech xavalbe: ‘Jech chal li Muc'ul Diose: Ja' ta scoj ti la scomtsanicun li amoltot ayame'ique. Ja' bat yich'ic ta muc' li yantic diosetique, ja' itunic yu'un; la squejan sbaic ta stojol. Vu'un la scomtsanicun; muc xich'ic ta muc' li mantaletic cu'une.

Jeremías 16:4

Ta xchamic ta xc'uxul tsatsal chamel, ta milel, xchi'uc ta vi'nal. Mu'yuc boch'o chc'uxubaj yo'nton ta stojolic; mu'yuc boch'o tsmuc chpixic. Te no'ox busul chc'a'ic ta banamil jech chac c'u cha'al stso' chonbolometic. Li sbec'talique chtal ti'baticuc ta xulemetic xchi'uc ta chonbolometic ta te'tic”, xiyutun.

Jeremías 16:6

C'alal ta biq'uit ta muc' ta xchamic te ta avosilalic; mu'yuc boch'o chtal smuquic, mu'yuc boch'o ta x'oc'taatic yu'un, mu'yuc boch'o ta sboj sbec'talic, xchi'uc mu'yuc boch'o ta xjux stsotsil sjol ta sventaic.

Jeremías 19:13

Li naetic ta Jerusalén xchi'uc li spasubmantal ajvaliletic ta Judae, xchi'uc li yamaq'uil sjol snaic ti bu la xchiq'uic pom ta sventa li c'usi xojobanic ta vinajele, xchi'uc ti bu la smalic pasem ya'lel ts'usub sventa smoton yan diosetique solel boliben chcom o jech chac c'u cha'al li banamil ta Tofete’, uto”, xiyutun li Muc'ul Diose.

Jeremías 22:19

Ja' jech chich' muquel jech chac c'u cha'al jcot buro; ta xjochic loq'uel, te chbat yaq'uic ta pat coralton yu'un Jerusalén”, xi li Muc'ul Diose.

Jeremías 25:33

Toj ep boch'o ta xcham yu'un Muc'ul Dios c'alal me la sta sc'ac'alile; buyuc no'ox quilajtic chcomic c'alal ta jujujot sti'il banamil. Mu'yuc boch'o ta xoc'ta, mu'yuc boch'o ta stsob ta smuc; te no'ox tanpuc chcomic ta banamil jech chac c'u cha'al c'a'ep.

Jeremías 31:40

Scotol li stenlejaltic bu muquinaltic xchi'uc bu xch'ayubil tane, xchi'uc scotol li soplejaltic c'alal to ta bevo'tic Cedrone, xchi'uc c'alal to ta chiquin ti'coralton bu yocheb ca'etic te ta stuq'uil sloq'ueb c'ac'ale, ts'u'iltasbil ta xcom o cu'un. Ta scotol le'e mu'yuc bu chich' jinesel o; mu'yuc bu chich' soquesel o yan velta”, xi li Muc'ul Diose.

Jeremías 36:30

Ja' yu'un jech chcal vu'un li Muc'ul Diosune: Me junuc amomnich'nab mu'yuc ta xchoti ta spasubmantal li Davide. Li abec'tale te no'ox telel chcom ta xc'uxul c'ac'al xchi'uc ta siquil ac'ubal.

Jeremías 9:20

Antsetic, a'yo ava'yic c'usi chal li Muc'ul Diose; tuc'ulano lec ava'yic li c'usitic chloc' tal ta yee. Chanubtasic ta oq'uel, ta at-o'nton li atsebique, chanubtasic ta oq'uel avanel li achi'iltaquic ta antsile. Jech chavalic chac li'i:

Jeremías 9:21

“Li lajele i'och xa ta jna jc'ulebtic, ic'ot xa c'alal ta pasubmantaletic; ja' tal yules scotol li ololetic cu'untic te ta xoraltique, xchi'uc li queremetic te ta cuxub-o'ntonaletic yu'un lume.

Jeremías 9:22

Li sbec'talic boch'otic ichamique jeche' te telajtic icomic ta ba banamil jech chac c'u cha'al c'a'ep ti mu'yuc stue, mu'yuc boch'o chtal stsob o, jech chac c'u cha'al chbajan comel trigo yu'un li jtuch'trigoe”, chianic.

Ezequiel 29:5

Ta jipot batel ta taqui banamil li vo'ote xchi'uc scotol li xchoyal uc'um yo' bu oyote. Te chacham o ta osilaltic. Mu'yuc boch'o chastamot; mu'yuc boch'o chasmucot. Ta xcac'ot ta sve'el te'tical chonbolometic xchi'uc ta sve'el mutetic.

Ezequiel 39:5

Te mochol chacham ta osilaltic. Vu'un chcal jtuc, vu'un li Muc'ul Diosune.

Ezequiel 6:5

Li sbec'tal boch'otic ta xchamique ta xcac' ti te no'ox telajtic chcomic ta stojol li sloc'obal adiosique. Li sbaquilique te no'ox tanpuc chbat cu'un ta spat xocon li scajleb matanaletic avu'unique.

Ezequiel 8:16

Jech laj yic'un batel ta yut yamaq'uil xch'ulna li Muc'ul Diose. Laj quil te oy vo'ob xcha'vinic (25) viniquetic ta o'lol yu'unic li scajleb smoton Dios xchi'uc li ti'ch'ulnae. Li viniquetique sva'lupatinojic comel li ch'ulna yu'un Muc'ul Diose; ja' sq'uelojic batel li sloq'ueb c'ac'ale. Squejanoj sbaic; ja' chich'ic batel ta muc' li c'ac'ale.

Sofonías 1:17

Jech chal li Muc'ul Diose: “Ta xcac'be svocol li cristianoetique, jech xco'laj xchi'uc ma'satetic ta xanovic, yu'un la sa' smulic ta jtojol vu'un li Muc'ul Diosune. Li xch'ich'alique te no'ox ta xmal batel ta banamil jech chac c'u cha'al vo'; li sbec'talique ja' jech chbat jech chac c'u cha'al c'a'ep”, xi li Diose.

Sofonías 1:5

Ta xculesic noxtoc li boch'otic chmuyic ta yamaq'uil jol na tsquejan sbaic batel ta stojol li c'usitic oy ta vinajele, xchi'uc li boch'otic tst'abbicun jbi c'alal oy c'usi chalique, xchi'uc ti tst'abbeic sbi noxtoc li sdiosic Milcome.

Hechos 7:42

Jech la svoc' sba batel ta stojolic li Diose. Ja' i'ac'bat yich'ic o ta muc' li c'usitic xojoban ta vinajele jech chac c'u cha'al ts'ibabil ono'ox ta svun li j'alc'opetic ta vo'onee: ‘Israeletic, ¿me oy laj avac'bicun milbil matanal xchi'uc yantic matanal ti c'alal te oyoxuc ta xocol banamil cha'vinic (40) jabile?

Deuteronomio 4:19

C'alal chaq'uelic muyel vinajele, te chavilic c'ac'al, xchi'uc u, xchi'uc c'analetic, xchi'uc c'usitic yantic. Mu me xlic avich'ic ta muc', yu'un scotol li c'usitic te oye, ja' spasben scotol li Muc'ul Dios cu'untique. Ja' yac'oj ta sventa chtun yu'un scotol cristianoetic ta banamil.