Jeremías 8:12 - Bible in Tzotzil de Chenalhó with Deuterocanon

¹² ¿Me oy ta xq'uexovic ta sventa ti toj chopol c'usi tspasique? Mu'yuc q'uexlal cha'yic o; bats'i mu sna' xq'uexovic o ta j'ech'el. Ja' yu'un c'alal chcac'be stoj smulique, chyalic o ta lum; nomtic mochajtic chc'otic jech chac c'u cha'al li yantique’, uto”, xi li Muc'ul Diose.

Bible in Tzotzil de Chamula

¹² Ti jechuc une, xq'uexavic xchi'uc ma' ti va'i s'elan ta xc'ot ta pasel c'alal mu xa ts'icbaj ta xca'i yu'une. Le' une, mi ja'uc xa xa'iic q'uexlal. Mu xa sna'ic c'usi ti q'uexlal une. Jech o xal un, c'alal ta jtsitsique, ta sbosi yacanic, ta xyalic ta lum jech c'u cha'al laj spasic ti yane. Jech xcal ti vu'un Diosune.’ ”

Jeremías 8:12 Iomraidhean Croise

Génesis 19:34

Ta yoc'omale jech laj yalbe smuc li vixile: —Samele vu'un la jchi'in ta vayel li jtotique. Li' ta ac'ubaltic tanae ta xcac'tic yacubuc noxtoc, vo'ot xa chachi'in ta vayel ec, yu'un jech jchibaltic oy xnich'on cu'untic —xut.

Salmos 52:1

¿C'usi stu ti chatoy aba achi'uc achopolil, vo'ot ti lec xu' avu'un acuyoj abae? Ta melel li c'uxubinel yu'un Diose mu sna' xlaj o.

Salmos 52:7

“Q'uelavil li vinic ti muc ja'uc la sc'an coltael yu'un Diose, ti ja' no'ox la spat yo'nton yu'un sc'ulejale, xchi'uc ti ja' la spas o li c'usi chopol oy ta yo'ntone”, xiic.

Isaías 24:2

Co'ol chich' pasbel scotol: paleetic xchi'uc cristianoetic; mozoetic xchi'uc yajvalic; me' quiaraetic xchi'uc sme'ajvalic; jmanulajeletic xchi'uc jchonolajeletic; boch'otic oy c'usi chq'uexic xchi'uc boch'otic chaq'uic ta q'uexel; boch'otic oy yilic xchi'uc boch'otic oy j'iluviletic yu'unic.

Isaías 3:9

Lec xvinaj ta satic ti oy smulique, mu xa xu' tsnaq'uic; ja' jechic jech chac c'u cha'al Sodoma ti vinajem ta scotol cristianoetic ti oy smulique. Toj abul sbaic, yu'un ja' no'ox tstsob li svocol stuquique.

Jeremías 10:15

Mu'yuc stu, altic no'ox li yabtelique. C'alal tsta yorail tstoj smulic yu'un Diose, ta xchamic o.

Jeremías 14:15

Vu'un li Muc'ul Diosune, ja' jech chcal ta sventa li j'alc'opetic le'e, ti ch-epalc'opojique, ti tscuyic ti vu'un laj cal ti mu'yuc ta xtal milel ta espada xchi'uc vi'nal li' ta banamile: ‘Ta xcac' lajicuc ta milel ta espada xchi'uc ta vi'nal’.

Jeremías 23:12

“Ja' yu'un li sbe xanebique chcom ta ic'al osil xchi'uc ta bilil be; ta xich'ic net'el batel, jech ta xbalch'ujic o, yu'un vu'un ta jtac tal tsots vocol ta stojolic c'alal me la sta sc'ac'alile”, xi li Muc'ul Diose.

Jeremías 3:3

Ja' yu'un muc xtal li vo'e, jech muc xa xac' o c'alal yorail vo'olaltic. Li asate ja' co'ol xchi'uc sat jmulavil ants, jech mu'yuc q'uexlal sba chava'ay o.

Jeremías 44:10

Li' ta orae mu'yuc chabic'tajes abaic o; mu'yuc bu chaxi'ic cu'un. Mu ja'uc chapasic c'usi chal li mantaletic, li chanubtaseletic cu'un ti laj cac'boxuc achi'uc li amoltot ayame'ique.

Jeremías 6:15

¿Me oy ta xq'uexovic ta sventa ti toj chopol c'usi tspasique? Mu'yuc q'uexlal cha'yic o; bats'i mu sna' xq'uexovic o ta j'ech'el. Ja' yu'un c'alal chcac'be stoj smulique, chyalic o ta lum; nomtic mochajtic chc'otic jech chac c'u cha'al li yantique”, xi li Muc'ul Diose.

Jeremías 6:21

Ja' yu'un li Muc'ul Diose jech chal: “Ta xcac' sbosiubil yacanic, jech ta xyalic ta lum, co'ol chchamic o c'alal ta totil me'iletic, c'alal ta alab nich'nabetic, c'alal ta boch'otic nopol nacajtic xchi'uquic, xchi'uc c'alal ta boch'otic lec sc'opan sba xchi'uquic”, xi.

Ezequiel 23:18

Ta satilal la spas li mulile; laj yac' sba o ta q'uelel ta jyalel. Ja' yu'un x'ibet co'nton yu'un ec, jech chac c'u cha'al i'ibaj co'nton yu'un li xvixe.

Oseas 5:9

Li Efraine yavnaijem chcom o ti c'alal tsta yorail tstoj smule, yu'un chcac' ta ilel ta stojol scotol jaychop israeletic ti melel chc'ot ta pasel c'usi chcale.

Sofonías 3:5

Pero li Muc'ul Diose tuc' c'usi tspas te ta lum, mu ja'uc tspas li c'usi muc tuc'uque. Ta jujun sob chac' ta ilel ti tuc' c'usi tspase; mu'yuc bu chquechan o spasel junuc velta. Pero li chopol cristianoe mu xotquin q'uexlal ta scoj li smule.

Deuteronomio 32:35

Vu'un oy ta jventa ta xcac'be spacol, vu'un jtuc ta xcac'be stoj, ja'o ti c'alal tsta yorail chlaj stsatsalique. Nopol xa yorail ti ch-ulique; nopol xa yorail ti chlajique’, xi li Muc'ul Diose.

Filipenses 3:19

Yu'un ja' stamojbeic o batel sbelal ch'ayel. Li sdiosic c'oteme ja' li c'usi tsc'an stuquique. Stuc no'ox xa'ay sbaic o yu'un li c'usitic toj q'uexlal sbae. Ja' no'ox tsnopic li c'usitic oy li' ta banamile.