Jeremías 8:10 - Bible in Tzotzil de Chenalhó with Deuterocanon

¹⁰ Li yajnilique ta xcac' ta yan viniquetic; li yosilique ta xcac' ochuc yan yajval. Yu'un c'alal ta biq'uit ta muc' ja' batem ta yo'ntonic sa'el li c'usi chtun yu'un stuquique. C'alal ta j'alc'opetic ta paleetic puru lo'lavanej tspasic.

Bible in Tzotzil de Chamula

¹⁰ Jech o xal un, ta xc'ot ta pasel cu'un ta xbat ta yan vinic ti avajnilique. Ta x'och yan yajval ti avosilique. Yu'un acotolic, mi ich'bilic ta muc', mi ma'uc ich'bilic ta muc', yac'ojbe yipal ta sa'el ti c'usi ta xtun yu'un ta sventa ti c'usi chopol ta spase. Scotolic naca lo'lael ti c'usi ta spasic ti j'alc'opetique, ti paleetique.

Jeremías 8:10 Iomraidhean Croise

Job 31:10

ac'o bat smac'lin yan vinic li cajnile; ac'o c'upinatuc ta yan viniquetic.

Isaías 28:7

Jech noxtoc oy yantic ti jeche' xtamlajetic ta scoj poxe, ti jeche' sts'otlajet yacanic ta scoj c'usi tsotsic ta uch'ele. Li paleetic xchi'uc li j'alc'opetique jeche' xtamlajetic ta yacubel ec ta scoj li c'usi tsotsic ta uch'ele. Ivovij sjolic yu'un li pasem ya'lel ts'usube; jeche' xa sts'otlajet yacan chanovic. Xvovet cha'yic ti c'alal oy c'usi ch-ac'bat yilic ta xch'ulelique; mu'yuc xa smelol c'alal chalic c'u x'elan chcom li boch'o chchapanique.

Isaías 57:17

Ta scoj ti yan c'usi la sc'upinique, jech li'ilin yu'unic; laj cac'be stoj smulic, la jcomtsanic o, pero yo'to la stoy sbaic, ja' la spasic o li c'usi oy ta yo'ntonique.

Jeremías 14:14

Jech laj yalbun li Muc'ul Diose: “Li j'alc'opetique ja' no'ox ch-epalc'opojic ti c'alal jech chalic ta jventae. Muc tacbilicuc cu'un, muc ta jmantaluc ti jech chalique; mu'yuc bu la jc'opanic. Puru epalc'op li c'usi chalique; jech no'ox chloc' ta sjolic. Puru lo'lael, mu'yuc stu li c'usi chalique.

Jeremías 14:18

C'alal me chiloc' ta osilaltique, te chquil animaetic chamenic ta espada. C'alal chi-och ta yut lume, te chquil ti alubenic xa ta vi'nal noxtoque. Yu'un c'alal ta j'alc'opetic ta paleetic, buyuc no'ox ibatic, solel mu sna'ic li c'usi tspasique’, uto”, xiyutun li Muc'ul Diose.

Jeremías 17:11

Li boch'o muc ta lecuc c'u x'elan staoj sc'ulejale, ja' jech chac c'u cha'al x'ub ti muc stonuc stuc ta sluts'e. Ta o'lol xch'iel no'ox ta xlaj li sc'ulejale. Ta ts'acale, bol vinic no'ox chcom.

Jeremías 22:17

“Pero li vo'ote ja' no'ox batem ta avo'nton ti chatsob ep ac'ulejal ta sventa lo'lavaneje, ti chamalbe xch'ich'al li boch'o mu'yuc smulique, ti chavuts'inta, ti chalo'labe c'usi oy yu'un achi'iltaque”, xi li Muc'ul Diose.

Jeremías 32:32

ta scoj scotol c'usitic la spasic li Israel xchi'uc Judae, yu'un la sa'bicun sc'ac'al co'nton c'alal ta ajvaliletic, ta banquilaletic, ta paleetic, ta j'alc'opetic yu'unic, xchi'uc scotol li jnaclumetic ta Judá xchi'uc ta Jerusalene.

Jeremías 38:22

Scotol li antsetic avu'un te chcom ta apasubmantale ta xich'ic iq'uel batel yu'un li banquilaletic yu'un ajvalil ta Babiloniae; ja' xa stuquic jech chlic yalbicot: ‘Ajvalil, li boch'otic toj lec to'ox xac'opan, ti ja' to'ox apatoj avo'nton yu'une, ja' no'ox laj yuts'intaicot, la slo'laicot. Laj yaq'uic mats'tsajuc ta ach'el li avacane; ts'acal la sva'lupatinicot comel’, xiic —xut.

Jeremías 42:1

Li banquilal soldadoetique xchi'uc li Johanán xnich'on Careae, xchi'uc li Azarías xnich'on Osaiase, xchi'uc scotol li judaetic c'alal ta biq'uit ta muq'ue,

Jeremías 5:31

Li j'alc'opetique puru epalc'op c'usitic chalic; li paleetique ja' chaq'uic ta ch'unel li c'usi tsc'an yo'nton stuquique; li jteclumale toj lec cha'yic, jech tsc'an yo'ntonic ec. Pero ¿c'usi chapasic c'alal me la sta yorail ital avocolique?’, uto”, xi li Muc'ul Diose.

Lamentaciones 4:13

Ja' ta smul j'alc'opetic xchi'uc paleetic yu'unic, yu'un la smalbeic xch'ich'al te ta lum li boch'otic mu'yuc smulique.

Ezequiel 33:31

Jech ta xtalic ta atojol jech chac c'u cha'al jteclum cu'un yilel. Te lamal chvulic ta atojol; cha'yic li c'usi chavale, pero mu spasbeic yabtelal. Ja' no'ox chloc' ta yeic ti tsc'anicune, pero li yo'ntonique yan o c'usi tsc'an; yan o c'usi tsc'upin.

Amós 5:11

Ta sventa ti apech'ojic ta teq'uel li me'onetique xchi'uc ti chac'anic voc'bel li c'usi chloc' yu'unique, jech mu'yuc chanainic li anaic ti pasbil ta ton avu'unique, xchi'uc mu'yuc chavuch'beic ya'lel li ts'usubtic ats'unojique.

Miqueas 2:4

C'alal me la sta li sc'ac'alil le'e, ta to xaq'uejintaic q'ueoj ta sventa oq'uel, jech chavalic: ‘Jcotoltic lijlajutic o; li Diose laj xa sjelbe o yajval li jlumaltique. ¡C'uxi bat spojbutic li cosilaltique! Ja' xa laj yac'be, la svoc'be sbaic li cajcontratique’, xachiic to”, xi li Diose.

Miqueas 3:11

Yu'un li jchapanvanejetic tee ta puru taq'uin chchapanvanic; li paleetique ta puru tojbil chchanubtasvanic; li j'alc'opetique ta taq'uin chalic li c'usi chc'ot ta pasele. Chalic ti ja' chcoltaatic yu'un Diose, jech chalic: “Li' xchi'inojutic li Muc'ul Diose; mu'yuc c'usi chopol chtal ta jtojoltic”, xiic.

Miqueas 3:5

Li j'alc'opetic ti chaq'uic ch'ayuc ta be jteclumale jech chalic: “Ich'ic bendición”, xutic li boch'otic chaq'uic lec ve'lile; yan li boch'otic mu'yuc c'usi chaq'uique “tsaquic ta pleito”, xi sc'oplal yu'unic. Ja' yu'un vu'un li Muc'ul Diosune jech chcal ta sventa li j'alc'opetic le'e:

Habacuc 1:6

A'yo ava'yic, yu'un ta xcac' liquicuc tal li caldeaetique, ja' li jun banamil ti bats'i ven simaronique, ti toj lec xu' yu'unic anile, ti mu vocoluc cha'yic chbatic ta scotol banamil sventa chbat spojbeic sna sc'uleb li yantic banamile.

Sofonías 1:13

Ja' yu'un ta xich'ic pojbel li c'usitic oy yu'unique, xchi'uc ta xich'ic jinesbel li snaique. Ta to spas snaic, pero mu'yuc ta snainic; ta sts'un sts'usubic, pero mu'yuc ta xuch'beic ya'lel”, xi li Diose.

SUN TITO 1:11

Le'e ja' tsc'an chamacbe yeic, yu'un ta xchibajesbeic yo'nton ta sjunul snaic li boch'otic xch'unojique, yu'un ja' ta xchanubtasvanic o li c'usi mu jechuc ta ch'unele, yu'un ja' no'ox oy ta yo'ntonic tsc'an tsa'ic taq'uin.

SUN TITO 1:7

Yu'un li boch'o ta x'och ta jq'uelvanej yu'un jcholc'opetique tsc'an lec sc'oplal, yu'un ja' chventainvan ta sventa li Diose. Ja' yu'un tsc'an mu stoy sba, tsc'an mu x'ilin ta ora, tsc'an mu xyacub, tsc'an mu sa'ilan c'op, tsc'an mu xbat yo'nton yu'un taq'uin.