Jeremías 8:1 - Bible in Tzotzil de Chenalhó with Deuterocanon

¹ Jech yaloj noxtoc li Muc'ul Diose: “C'alal me ic'ot sc'ac'alil le'e, ta xich'ic jots'bel loq'uel sbaquilic ta smuquinalic li ajvaliletic ta Judae, li banquilaletique, li paleetique, li j'alc'opetique, xchi'uc scotol li jnaclumetic ta Jerusalene.

Bible in Tzotzil de Chamula

¹ Ti Diose xi ta xal ta jamale: “Ti sc'ac'alil taje, sbaquiltac ti ajvaliletique, sbaquiltac ti banquilaletic yu'un ti jteclum Judae, sbaquiltac ti paleetique, ti j'alc'opetique, xchi'uc ti buch'utic naquiic to ox ta jteclum Jerusalene, ta xich' busanel loq'uel ta muquinal.

Jeremías 8:1 Iomraidhean Croise

1 Reyes 13:2

Ta smantal Muc'ul Dios tsots c'ot c'opojuc sventa tscontrain li scajleb xchic'ubil pome, jech laj yal: “Scajleb matanal, scajleb matanal, li Muc'ul Diose jech ta xal: ‘Ta stojol smomnich'nabtac David ta xvoc' jun querem, Josías sbi. Ja' te chlic smil ta aba li paleetic yu'un yan diosetic ti te chchiq'uic pom ta abae, xchi'uc te chlic xchic' sbaquil cristianoetic ta aba’, xi li Muc'ul Diose”, xi li j'alc'ope.

2 Reyes 23:16

C'alal isut ta Jerusalén li Josiase, laj yil ti oy muquinaltic te no'ox ta vitse. La stac batel boch'o bat sloq'ues tal li baquetic ta muquinaltique; te la xchic' ta scajleb smoton sdiosic yu'un jech ac'o socuc o sc'oplal ta j'ech'el li c'usitic chich'ic ta muq'ue. Ja' ic'ot o jech chac c'u cha'al laj ono'ox yal Muc'ul Dios ta sventa yaj'alc'op ti jech ono'ox chc'ot ta pasele.

2 Reyes 23:20

Te la smilan ta sba scajleb matanaletic li paleetic te chtunic ta toyol c'opojebaletique. Xchi'uc te la xchic' baquil animaetic ta sba yac'olic. Jech isut batel ta Jerusalén.

2 Reyes 9:37

Li sbec'tale tanpuc chbat li' ta lum Jezreel jech chac c'u cha'al c'a'ep. Jech mu'yuc boch'o xu' jech chal: ja' Jezabel li'i, mu'yuc boch'o xu' xi”, xi ono'ox li Muc'ul Diose —xi li Jehue.

Salmos 53:5

Ac'o me mu'yuc c'usi xi'bal sba, pero chniquic ta xi'el, yu'un li Diose jatsa bu tanmacal ibat sbaquil yu'un li boch'o tsc'an ox chcontrainvanique. Iyalic o ta q'uexlal, yu'un ibajatic o yu'un li Diose.

Jeremías 14:16

Li cristianoetic ti jech ay yalbeique ta xlajic ta milel ta espada, ta xchamic ta vi'nal xchi'uc yajnil xnich'nabic ec. Te no'ox busul chcomic ta xoraltic ta Jerusalén; mu'yuc boch'o chtal smuquic, yu'un jech ta xcac'be stoj li smulique.

Ezequiel 37:1

Li Muc'ul Diose laj yac' sc'ob ta jba, jech ta stsatsal svu'el laj yic'un batel; te c'ot sva'anun ta jun soplejal nojem ta baquetic.

Ezequiel 6:4

Ta jlilin scotol li scajleb matanaletic avu'une xchi'uc ti bu chich' chiq'uel pome. Li avinictaque ta xcac' chamicuc te ta stojol li sloc'obal diosetic avu'une.

Ezequiel 6:5

Li sbec'tal boch'otic ta xchamique ta xcac' ti te no'ox telajtic chcomic ta stojol li sloc'obal adiosique. Li sbaquilique te no'ox tanpuc chbat cu'un ta spat xocon li scajleb matanaletic avu'unique.

Amós 2:1

Jech chal noxtoc li Muc'ul Diose: “Ta sventa ti solel i'ech' ta bis smul li Moabe, jech persa ta xcac'be stoj, yu'un la xchic'be sbaquiltac li ajvalil ta Edome; solel tan icom yu'un.