Jeremías 7:8 - Bible in Tzotzil de Chenalhó with Deuterocanon

⁸ ‘A'yo ava'yic, li vo'oxuque ja' no'ox chach'unic li c'usi mu meleluc, ti mu'yuc stue.

Bible in Tzotzil de Chamula

⁸ ‘Yu'un ti vo'oxuque toj taq'uel ta muc' avu'unic ti naca jutbilal c'opetic ti mu'yuc c'usi lec ta tael yu'une.

Jeremías 7:8 Iomraidhean Croise

Isaías 28:15

Li vo'oxuque jech chavalic: “Jpasojcutic xa trato xchi'uc li lajele; oy xa c'usi jchapanojcutic xchi'uc li yavil ch'ulelaletique, yu'un jech c'alal chtal li tsots vocole, mu xistauncutic, yu'un jsa'oj xa jpojubbailcutic ta sventa epalc'op; ja' xa jnac'ubbailcutic li lo'lavaneje”, xachiic.

Isaías 30:10

Jech chalbeic li boch'otic oy c'usi ch-ac'bat yilic yu'un Diose: “Mu xa me c'usi xaq'uelic tal”, xutic. Jech chalbeic li j'alc'opetique: “Mu xa me xavalbuncutic li c'usi tuq'ue; ja' no'ox albuncutic li c'usi toj lequic ta a'yele; ja' no'ox albuncutic li c'usi lec c'usi c'upil sba ta a'yele.

Isaías 59:4

Mu'yuc boch'o oy ta yo'nton li tuq'uil chapanele; mu'yuc boch'o tuc' chchapanvan o. Ja' no'ox spatoj yo'ntonic yu'un li puru epalc'ope, li puru lo'lavaneje; ch'iem xa xch'utic yu'un ya'yel li c'usi chopol oy ta yo'ntonique; puru sbolil yo'nton tsvoq'uesic.

Jeremías 13:25

Ja' xa amoton o ti jech chajpasbote, yu'un laj ajipun ta avo'nton; ja' laj apat avo'nton yu'un li sloc'obal diosetique.

Jeremías 23:26

¿Baq'uin to chlaj sc'oplal ta yo'ntonic ti puru epalc'op, ti puru lo'lavanej no'ox li c'usi chalique?

Jeremías 23:32

Vu'un ta jcontrain noxtoc li boch'otic sbol vayechic no'ox chaq'uic ta ch'unel, ti jech ta sventa yepalc'opic, ta sventa slo'ilic chaq'uic ch'ayuc ta be li jteclumale. Yu'un muc tacbilicuc cu'un, muc jpasojicuc ta mantal; ja' yu'un mu'yuc stu c'usi tspasic te ta stojol li jteclumale”, xi li Muc'ul Diose.

Jeremías 28:15

Ja' yu'un jech lic calbe li j'alc'op Hananiase: —A'yo ava'ay, Hananías, muc tacbilucot yu'un li Muc'ul Diose. Ta avo'nton atuc ti jech chapatbe yo'nton li jchi'iltactic ta avepalc'ope.

Jeremías 4:10

Jech laj cal: “¡Ay, Muc'ul Dios, toj ech'em laj alo'la li jchi'iltac li'i xchi'uc li jchi'iltac te ta Jerusalene! Yu'un avalojbe ti chavac'be jun yo'ntonique, pero xco'laj xchi'uc tijil xa espada ta sbec'talic”, xcut.

Jeremías 5:31

Li j'alc'opetique puru epalc'op c'usitic chalic; li paleetique ja' chaq'uic ta ch'unel li c'usi tsc'an yo'nton stuquique; li jteclumale toj lec cha'yic, jech tsc'an yo'ntonic ec. Pero ¿c'usi chapasic c'alal me la sta yorail ital avocolique?’, uto”, xi li Muc'ul Diose.

Jeremías 7:4

Mu me xavich'beic ta muc' c'usi chalic li boch'otic ja' no'ox chlo'lavanic ti jech chalilanique: Li'i ja' ch'ulna yu'un Muc'ul Dios; ja' ch'ulna yu'un Muc'ul Dios, ja' ch'ulna yu'un Muc'ul Dios, ti xiique.

Jeremías 8:10

Li yajnilique ta xcac' ta yan viniquetic; li yosilique ta xcac' ochuc yan yajval. Yu'un c'alal ta biq'uit ta muc' ja' batem ta yo'ntonic sa'el li c'usi chtun yu'un stuquique. C'alal ta j'alc'opetic ta paleetic puru lo'lavanej tspasic.