Jeremías 7:6 - Bible in Tzotzil de Chenalhó with Deuterocanon

⁶ me mu xavuts'intaic li yanlumetique, li me'on ololetique, li me'on antsetique, me mu'yuc chamalbeic xch'ich'al li' ta banamil li boch'otic mu'yuc smulique, me mu'yuc chbat avich'ic ta muc' li yantic diosetic ti ja' no'ox chasa' avocolic yu'une,

Bible in Tzotzil de Chamula

⁶ mi ta xapajes abaic ta yilbajinel ti jyanlumetique, ti me'unetique, ti me'unal antsetique, ti mu xamilic ta jeche' ti buch'u muts'ul sat ti ta xlaj avu'unic ti jnaclejetic li'e, mi ta xapajes abaic ta yich'el ta muc' ti yan diosetic ti ja' no'ox ta xata o avocolic yu'une,

Jeremías 7:6 Iomraidhean Croise

2 Reyes 21:6

Jech noxtoc la xchic' xnich'nab sventa smoton sdios, xchi'uc la xchan ic'-ch'ulelal, t'unul, yaq'uel j'ilc'op, xchi'uc ac'chamel. Bats'i toj chopolic c'usi la spas ta stojol li Muc'ul Diose, jech ilic sc'ac'al yo'nton yu'un.

2 Reyes 24:4

xchi'uc ta scoj ti la smalbe xch'ich'al li boch'otic mu'yuc smulique. Yu'un inoj ta ch'ich' yu'un li Jerusalene, ja' yu'un li Muc'ul Diose mu xa sc'an spasbe o perdón yu'un smul.

Salmos 106:38

La smalbeic xch'ich'al li boch'o mu'yuc smule, ja' li xch'ich'al squerem stsebic ti la smilbeic smotonin li c'usi cuybil ta diosetic te ta Canaane, jech ibolib o ta scoj ch'ich' li yosilalique.

Proverbios 23:10

Mu me xabat'ajesic li poco' ts'aquetic avu'unique; mu me xane'tbe yosil li me'on ololetique.

Isaías 59:7

Li yacanique ch-anilaj batel ta spasel li c'usi chopole; chbat smilic li boch'o mu'yuc smule, li c'usitic snopoj tspasique puru chopolic; puru soquesvanej, puru jinvanej tspasic ti bu chanovique.

Jeremías 13:10

Li chopol cristianoetic li'i, ti mu sc'an xa'ibicun jc'ope, ti ja' lec cha'yic o spasel li c'usi lec cha'ay stuquique, ti ja' bat yich'ic o ta muc', bat tunicuc yu'un, bat squejan sbaic ta stojol li yantic diosetique, ja' jech ta xc'otic jech chac c'u cha'al li achuc li'i ti mu'yuc xa c'usi stu oe.

Jeremías 19:4

Yu'un li israeletique solel la syanijesic li banamil li'i. Li' la xchic'beic pom li yantic diosetic ti mu xotquinique, xchi'uc ti mu ono'ox xotquinic ec li smoltot syame'ique. Jech noxtoc li ajvaliletic ta Judae la snojesic ta xch'ich'al li boch'otic mu'yuc smulique.

Jeremías 2:30

Altic no'ox laj cac'be nucul li anich'nabique, yu'un muc xtuq'uibic o, muc xlecubic o. Vo'oxuc laj amilic ta espada j'alc'opetic avu'unic jech chac c'u cha'al chmilvan li leonetique.

Jeremías 2:34

Yatinoj ac'u' xch'ich'alic li me'onetic xchi'uc li boch'o mu'yuc smulique, ac'o me mu'yuc i'och ta elec' ta ana.

Jeremías 26:15

Pero na'o me ava'yic, me chamilicune, vo'oxuc chcom ta abaic xchi'uc jteclum xch'ich'al li jun vinic ti mu'yuc smule, yu'un ta melel tacbilun tal yu'un Muc'ul Dios ti tal cal ava'yic ta jamal li c'usi chc'ot ta pasele”, xut.

Jeremías 26:23

Ja' ay yiq'uic sutel tal li Uriase; te vul yac'beic ta sc'ob li ajvalil Joacime. Li Joacime la smil; te no'ox bat yac' ta muquel ta coman muquinaltic yu'unic”, xiic li moletique.

Jeremías 35:15

Scotol ora ta jtaquilanboxuc tal ta atojolic li cajtuneltaque, ja' li j'alc'opetic cu'une, jech chayalboxuc: Comtsanic li chopol be atamojic jujunoxuque, tuq'uibtaso abaic; mu xabatic ta stojol li yantic diosetique, mu me ja'uc xatunic yu'un. Me jech chapasique, jun avo'nton te nacaloxuc o ta banamil ti bu laj cac'boxuc achi'uc li amoltotic ta vo'onee, xayutoxuc. Pero muc xach'unic, muc xavich'ic ta muc'.

Jeremías 5:28

Solel iju'p xchi'uquic o, xja'te-ja'te xa lec li snuculilique. Solel ijelov ta bis li smulique. Mu'yuc tuc' chchapanic li me'on ololetique; mu'yuc tscoltaic li me'onetique.

Jeremías 7:5

‘Me chatuq'uibtas atalelic xchi'uc avabtelique, me melel, me tuc' c'usi chapasbe li achi'ilique,

Jeremías 7:9

Ja' no'ox cha'elc'ajic, chamilvanic, chamulivajic; oy c'usi chavalic ta jtojol ti mu meleluque. Chachic'beic pom li Baale; ja' chbat avich'ic ta muc' li yantic diosetic ti mu xavotquinique.

Lamentaciones 4:13

Ja' ta smul j'alc'opetic xchi'uc paleetic yu'unic, yu'un la smalbeic xch'ich'al te ta lum li boch'otic mu'yuc smulique.

Ezequiel 18:6

ti mu'yuc chbat sve'be smoton li sdiosic ta jol vitsetique, ti muc xac' sat ta stojol li sloc'obaltac sdios Israele, ti mu'yuc chuts'intabe yajnil xchi'ile, ti mu'yuc chchi'in jun ants c'alal ja'o chil xchamele;

Ezequiel 22:7

Li jnaclumetic avu'une mu xich'ic ta muc' li stot sme'ique. Abul sbaic ta uts'intael yu'unic li yanlumetic te nacalique, xchi'uc la spojbeic c'usitic oy yu'unic li me'on antsetique xchi'uc li me'on ololetique.

Levítico 19:33

“Mu me ilbajuc xavilic li yanlumetic te co'ol nacaloxuc achi'uquique.

Levítico 25:17

“Mu me boch'o slo'la sba avu'unic. Aq'uic me ta ilel ti avich'ojicun ta muq'ue yu'un vu'un Muc'ul Diosun avu'unic.

Malaquías 3:5

Li Muc'ul Dios ti tspas ta mantal scotol te ta vinajele jech chal: “Vu'un chtal jchapanoxuc. Vu'un ta jva'an jba ta testigo ta scontrainel li j'ac'chameletique, li jmulaviletique, li boch'otic tst'abbeic sbi Dios c'alal ch-epalc'opojique, xchi'uc li boch'otic tslo'laic j'abtel yu'unique, xchi'uc li boch'otic abul sba yu'unic me'on antsetic, xchi'uc me'on ololetique, xchi'uc li boch'o mu'yuc tuc' c'usi tspasbeic yanlumetique, ti solel mu'yuc jxi'elal cha'yic oe”, xi li Muc'ul Diose.

San Mateo 27:25

Itac'ov scotolic: —Ac'o comuc ta cac'olcutic jchi'uc calab jnich'nabcutic li xch'ich'al ta xmale —xiic.

San Mateo 27:4

Jech c'ot yalbe: —Laj xa jta jmul, yu'un laj cac' ta milel li boch'o mu'yuc smule —xut c'otel. Itac'ovic: —C'usi jventacutic li vu'uncutique. Ja' aventa atuc —xutic.

Deuteronomio 11:28

Chata ep avocolic me ja' chbat avich'ic ta muc' li yan diosetic ti mu xavotquinique, me ja' chlic abajbeic smantaltac li Muc'ul Dios cu'untique, xchi'uc me ja' chacomtsanic li tuq'uil be chacalboxuc li' ta orae.

Deuteronomio 24:17

“Mu me xapasic c'usi mu tuc'uc ta stojol li yanlumetique xchi'uc ta stojol li me'onetic ti chamen xa stot sme'ique. Xchi'uc mu me xavich'beic ta prentail sc'u' spoc' li me'on antsetique.

Deuteronomio 27:19

‘Ac'o ac'batuc stoj li boch'o chopol c'usi tspasbe jun yanlum cristianoe, me me'on ants, o me jun me'on olol’, ac'o xiicuc. ‘Jechuc’, ac'o xiicuc scotol li jchi'iltactique.

Deuteronomio 8:19

“Pero me chlic ch'ayuc ta avo'ntonic li Muc'ul Dios cu'untique, me ja' chlic avich'ic ta muc' li c'usitic yan cuybilic ta diosetique, vu'un chacalboxuc li' ora ti ta jbel sc'oplal chavich'ic ulesel acotolique.

Santiago 1:27

Me ta melel lec xch'unoje, mu'yuc c'usi chopol tspas ta stojol li Jtotic Diose. Ja' no'ox jech tspas chac li'i: Ta sq'uel me'on ololetic xchi'uc me'on antsetic ti c'alal oy svocolique, xchi'uc mu soques sba ta sventa li c'usitic chopol li' ta banamile.