Jeremías 7:5 - Bible in Tzotzil de Chenalhó with Deuterocanon

⁵ ‘Me chatuq'uibtas atalelic xchi'uc avabtelique, me melel, me tuc' c'usi chapasbe li achi'ilique,

Bible in Tzotzil de Chamula

⁵ ‘Mi ta xtuq'uib ti acuxlejalique, ti c'usi ta xapasique, ti lec tuc' ti c'usi ta xapasbe abaic ta jujun tale,

Jeremías 7:5 Iomraidhean Croise

Isaías 1:19

Me chach'unic, me chavich'icun ta muq'ue, ta to xave'ic li c'usitic chloc' li' ta banamile.

Isaías 16:3

Jech chalbeic li Sione: “Chapo ac'opic ti ac'o acoltauncutique; pojuncutic ec li vo'oxuque; ac'o tal ayaxinalic ta jtojolcutic; yu'un ac'o comuc jech chac c'u cha'al ac'ubal li o'lol c'ac'al li'i. Nac'uncutic ec, vu'uncutic ti nutsbiluncutic loq'uele; mu me xavac'uncutic ta c'abal vu'uncutic li jatoviluncutique.

Jeremías 21:12

Smomnich'nab ajvalil David, ja' jech chayalboxuc li Muc'ul Diose: Oc'ome liquesic me spasel li c'usitic tuq'ue; coltaic loq'uel ta sc'ob j'uts'intavanejetic li boch'o uts'intabilique. Mu me ta scojuc toj chopol avabtelic ti tstsan jech chac c'u cha'al c'oc' li sc'ac'al co'ntone, ti mu'yuc xa boch'o xu' tstu'p oe.

Jeremías 22:15

¿Me chanop ti ja' toj lec muc'ta ajvalilot, ti lec xa pixbil ta ch'ut te'etic anae? Li atote ¿me muc xve', me mu xuch' lec vo' ec ti c'alal li' cuxule? Li stuque lec tuc' la spas yabtel; lec c'usitic la spas, jech lec ibat.

Jeremías 22:3

Jech ta xal: Lec me tuc' xachapanvanic li' ta avosilalique; tuc' c'usitic xapasic. Coltaic loq'uel ta sc'ob j'uts'intavanejetic li boch'otic uts'intabilique. Mu me xalo'laic; mu xavelc'anbeic c'usi oy yu'un li yanlumetique, li me'on ololetique, xchi'uc li me'on antsetique. Mu me xamalbeic xch'ich'al li boch'otic mu'yuc smulique.

Jeremías 26:13

Ja' yu'un li' ta orae, lecubtasic li atalelique xchi'uc li c'usi chapasique; ja' ch'unbeic c'usi chal li Muc'ul Dios cu'untique, jech mu'yuc chayac'boxuc li tsots vocol ti yaloj chayac'boxuque.

Jeremías 7:3

Jech chal li Muc'ul Dios ti tspas ta mantal scotol te ta vinajele, ja' li Dios yu'un Israele: ‘Tuq'uibtaso li atalelique, lecubtaso li avabtelique, jech xu' chcac' naclanic o li' ta banamile.

Ezequiel 18:17

ti mu'yuc bu tslo'la li me'one, ti mu'yuc tsc'anbe sjol staq'uine, ti mu'yuc chch'ambe svocaroile, ti ja' chch'un li jmantaltaque, ti ja' tspas li c'usitic caloje, le'e mu'yuc chcham ta scoj smul li stote; ta jbel sc'oplal ta xcuxi.

Ezequiel 18:5

Li boch'o tuc' yo'ntone, ti ja' tspas c'usi lec, c'usi tuc' ta pasele,

Ezequiel 18:8

ti mu'yuc tsc'an sjol staq'uine, ti mu'yuc chch'ambe svocaroile, ti mu'yuc chac' sc'ob ta sventa li c'usi chopole, xchi'uc ti tuc' chchapan c'alal oy chib viniquetic tscontrain sbaique;

Levítico 25:17

“Mu me boch'o slo'la sba avu'unic. Aq'uic me ta ilel ti avich'ojicun ta muq'ue yu'un vu'un Muc'ul Diosun avu'unic.

Zacarías 7:7

¿Me mu ja'uc ono'ox jech ic'opoj Muc'ul Dios ta sventa j'alc'opetic yu'un ta vo'one ti c'alal ep to'ox yajval li Jerusalene, ti jun to'ox yo'nton te nacalique, ti ep to'ox lumetic ta spat xocone, xchi'uc ti ep to'ox jnaclumetic ta Néguev xchi'uc ta yocyoc vits te ta Sefelae?

Jueces 21:12

Ta scotol li Jabes-galaade, te la staic chanib ciento (400) tsebetic ti mu'yuc to yilojic vinique, jech laj yiq'uic tal ta scarpanaic te ta Silo ta Canaán banamil.

Jueces 5:1

C'alal ja'o jech orae, ja'o te iq'uejin li Débora xchi'uc Baraque, ja' li xnich'on Abinoame. Jech chal li sq'ueojique: