Jeremías 7:4 - Bible in Tzotzil de Chenalhó with Deuterocanon

⁴ Mu me xavich'beic ta muc' c'usi chalic li boch'otic ja' no'ox chlo'lavanic ti jech chalilanique: Li'i ja' ch'ulna yu'un Muc'ul Dios; ja' ch'ulna yu'un Muc'ul Dios, ja' ch'ulna yu'un Muc'ul Dios, ti xiique.

Bible in Tzotzil de Chamula

⁴ Mu xapat avo'ntonic ta xch'unel ti buch'u xi ta xlo'lavane: Li' oy ma' ti xch'ulna Diose, li' oy ma' ti xch'ulna Diose.

Jeremías 7:4 Iomraidhean Croise

1 Reyes 9:7

ta jloq'uesoxuc batel li' ta banamil ti bu cac'ojboxuque, xchi'uc ta jloq'ues batel li ch'ulna ti ts'u'iltasbil cu'une. Ta xlic slabanoxuc yantic lumetic.

Isaías 48:2

Chavalic to ti ja' alumalic li ch'ul lume, chavalic ti ja' no'ox ach'unojic li Dios yu'un Israele, ja' li Muc'ul Dios ech'em svu'el, xi sbie.

Isaías 59:4

Mu'yuc boch'o oy ta yo'nton li tuq'uil chapanele; mu'yuc boch'o tuc' chchapanvan o. Ja' no'ox spatoj yo'ntonic yu'un li puru epalc'ope, li puru lo'lavaneje; ch'iem xa xch'utic yu'un ya'yel li c'usi chopol oy ta yo'ntonique; puru sbolil yo'nton tsvoq'uesic.

Isaías 66:1

Li Muc'ul Diose jech chal: “Li vinajele ja' jchotleb; li banamile ja' stec'ub cacan. ¿C'u x'elan chapasbicun jna li vo'oxuque? ¿Bu xu' chapasbicun xcuxubil co'nton?

Jeremías 28:15

Ja' yu'un jech lic calbe li j'alc'op Hananiase: —A'yo ava'ay, Hananías, muc tacbilucot yu'un li Muc'ul Diose. Ta avo'nton atuc ti jech chapatbe yo'nton li jchi'iltactic ta avepalc'ope.

Jeremías 29:23

Ti jech chcac' c'otuc ta pasel ta stojolique yu'un ja' la spasic c'usi toj chopol te ta Israel. La sc'opanbe yajnil xchi'iltaquic, xchi'uc la scuy sbaic ti vu'un ta jventa chc'opojique, pero muc tacbilicuc cu'un. Vu'un lec jna'oj, vu'un testigoun’, xi li Muc'ul Diose”, xi batel ta carta li Jeremiase.

Jeremías 29:31

“Jech xavalbe batel scotol li boch'otic chucbilic batel ta yan banamile: ‘Vu'un li Muc'ul Diosune jech chcal ta sventa li Semaías te ta Nehelam, ti ja' no'ox la slo'laoxuc ti chayalboxuc ti vu'un calojbe li c'usi chale, pero muc vu'cun calojbe.

Jeremías 6:14

Lec xa chpoxtabeic xtuch'emal yilel li jteclumale, jech chalbeic ‘Lec xa oy, toj lec chbat scotol’, xutic, ac'o me toj chopol chbat yu'unic.

Jeremías 7:14

Li ch'ulna laj cac'boxuc achi'uc amoltotic ta vo'one ti ja' li' chquich' ich'el ta muq'ue xchi'uc ti ja' spatubil avo'ntonic chava'yique, ja' jech ta jpasbe jech chac c'u cha'al la jpasbe li ch'ulna to'ox te ta Siloe.

Ezequiel 13:19

Ta jop no'ox cebada, ta juteb no'ox pan chasoquesbicun jc'oplal ta stojol li jteclumale, xchi'uc chavaq'uic ta milel li boch'o mu'yuc sc'oplal chchame. Ja' cuxul chacomtsanic li boch'o sc'oplal chchame. Puru epalc'op chavalbeic li achi'iltaquic ti lec cha'yic ya'yel li avepalc'opique.

Miqueas 3:11

Yu'un li jchapanvanejetic tee ta puru taq'uin chchapanvanic; li paleetique ta puru tojbil chchanubtasvanic; li j'alc'opetique ta taq'uin chalic li c'usi chc'ot ta pasele. Chalic ti ja' chcoltaatic yu'un Diose, jech chalic: “Li' xchi'inojutic li Muc'ul Diose; mu'yuc c'usi chopol chtal ta jtojoltic”, xiic.

Sofonías 3:11

Jteclumal, me la sta sc'ac'alil le'e, mu'yuc xa chaq'uexovic yu'un li c'usitic laj to'ox apasique, xchi'uc ti laj atoy abaic ta jtojole; yu'un ta jloq'ues ta atojolic li jtoybaetique, jech mu'yuc xa boch'o tstoy sba yan velta te ta ch'ul vits cu'un.

San Lucas 3:8

Tsc'an chavaq'uic ta ilel ti ta melel sutem avo'ntonique. Mu me jechuc xavalic: ‘Ja' jmoltotcutic ta vo'one li Abrahame’, mu me xachiic. Melel chacalboxuc, li Diose xu' yu'un ta sc'atejesbe ta smomnich'nab Abraham li tonetic li'i.