Jeremías 7:3 - Bible in Tzotzil de Chenalhó with Deuterocanon

³ Jech chal li Muc'ul Dios ti tspas ta mantal scotol te ta vinajele, ja' li Dios yu'un Israele: ‘Tuq'uibtaso li atalelique, lecubtaso li avabtelique, jech xu' chcac' naclanic o li' ta banamile.

Bible in Tzotzil de Chamula

³ Xi ta xal ti Ajvalil Dios yu'un Israel ti scotol xu' yu'une: ‘Tuq'uibuc ti acuxlejalique xchi'uc ti c'usi ta xapasique. Jech ta to xcac' ch'ian c'opojanic li' ta banomile.

Jeremías 7:3 Iomraidhean Croise

2 Reyes 17:13

Li Muc'ul Diose laj to staq'ui ta sventa j'alc'opetic xchi'uc ta sventa bijil viniquetic li Israel xchi'uc Judae, jech laj yal: “Sutanic tal; comtsanic li be atamojique. Ja' ch'unic li mantaletic xchi'uc li chanubtaseletic cu'un jech chac c'u cha'al calojbeic ono'ox amoltotaquic ta vo'one ta sventa cajtuneltaque, ja' li j'alc'opetique”, xut.

Esdras 10:11

Ja' lec otquino amulic li' ta stojol li Muc'ul Diose, ja' li Dios yu'un jmoltotactic ta vo'onee. Ja' pasic li c'usi tsc'ane. Voc'o abaic ta stojol li yanlum cristianoetique xchi'uc ta stojol li antsetic avic'ojique.

Proverbios 28:13

Li boch'o ta smuc smule mu'yuc lec chbat; yan li boch'o jamal chal, xchi'uc me tscomtsane, ch'aybil chc'ot smul.

Isaías 55:7

Vo'oxuc li jpasmuliloxuque, comtsanic li be atamojique; vo'oxuc ti ep sbolil avo'ntonique, comtsanic li c'usi chopol chanopique. Sutanic tal ta stojol li Muc'ul Diose, yu'un li stuque toj ep c'uxubinel yu'un; li Dios cu'untique toj ep perdón yu'un.

Jeremías 17:25

oy ajvaliletic o avu'unic ti chchotiic ta xchotleb li Davide. Cajajtic ta careta xchi'uc ta ca' li' xloc' x'ochic o ta sti' li coraltonetic yu'un Jerusalene; chi'inbilic yu'un banquilaletic xchi'uc jnaclumetic li' ta Judá xchi'uc ta Jerusalén. Jech oy yajval o li Jerusalene.

Jeremías 18:11

“Albo ya'yic li cristianoetic ta Judá xchi'uc li jnaclumetic ta Jerusalene, jech xavalbe: ‘Jech chal li Muc'ul Diose: A'yo ava'yic, oy c'usi chopol jnopoj ta jpas ta atojolic, jnopoj ti chacac'boxuc avocolique. Ja' yu'un comtsanic xa li chopol be atamojique, tuq'uibtasic li c'usi chapasique, lecubtasic li avabtelique’, uto.

Jeremías 18:8

Pero me ta sutes yo'nton yu'un smulique, mu'yuc ta xcac'be tal li c'usi chopol jnopoj chcac'bee.

Jeremías 26:13

Ja' yu'un li' ta orae, lecubtasic li atalelique xchi'uc li c'usi chapasique; ja' ch'unbeic c'usi chal li Muc'ul Dios cu'untique, jech mu'yuc chayac'boxuc li tsots vocol ti yaloj chayac'boxuque.

Jeremías 35:15

Scotol ora ta jtaquilanboxuc tal ta atojolic li cajtuneltaque, ja' li j'alc'opetic cu'une, jech chayalboxuc: Comtsanic li chopol be atamojic jujunoxuque, tuq'uibtaso abaic; mu xabatic ta stojol li yantic diosetique, mu me ja'uc xatunic yu'un. Me jech chapasique, jun avo'nton te nacaloxuc o ta banamil ti bu laj cac'boxuc achi'uc li amoltotic ta vo'onee, xayutoxuc. Pero muc xach'unic, muc xavich'ic ta muc'.

Jeremías 35:16

Yan li smomnich'nab Jonadab xnich'on Recabe tsots sc'oplal laj ya'yic, la xch'unbeic smantal li smoltotique, pero li junoxuc ta lum li'i mu xac'an xavich'icun ta muc'.

Jeremías 4:1

Jech chcal vu'un li Muc'ul Diosune: “Israel, me chac'an chasut tale, la' me li' ta jtojole. Me chajip comel ta avo'nton li c'usi toj chopol chquile, me mu xabat ta buyuc no'oxe,

Jeremías 6:16

Li Muc'ul Diose jech chalbe noxtoc li yu'untaque: “Va'ano abaic ta be, q'uelo lec avilic. Jac'o c'u x'elan li beetic ta vo'onee; jac'o ava'yic bu li tuq'uil bee. Ja' xat'unic batel, jech cux xi avo'ntonic”, xut. Pero li stuquique jech chalic: “Mu jc'an te xibatcutic”, xiic.

Santiago 4:8

Nopajanic ta stojol li Diose, jech chnopaj ta atojolic ec. Comtsanic c'usitic chopol chapasic vo'oxuc jpasmuliletic. Lecubtaso avo'ntonic vo'oxuc ti cha'jot bu avac'oj avo'ntonique.