Jeremías 7:2 - Bible in Tzotzil de Chenalhó with Deuterocanon

² “Bat va'lan te ta sti' jch'ulna, ja' jech xaval chac li'i: Jnaclumetic ta Judá, a'yo ava'ay acotolic c'usi chal li Muc'ul Diose, vo'oxuc ti cha'ochic tal, ti chtal avich'ic ta muc' li'i.

Bible in Tzotzil de Chamula

² “Bat va'ano aba ta ochebal ti' ch'ulna yu'un ti Diose, xi xavac' ta na'el ti c'op li'e: Jnaclejetic yu'un scotol Judá ti ta xa'ochic talel ta ti'naetic ta yich'el ta muc' ti Diose, ts'et chiquintaic ava'iic ti c'op li'e:

Jeremías 7:2 Iomraidhean Croise

1 Reyes 22:19

Li Micaiase jech to laj yal: —A'yo ava'ay c'usi chal li Muc'ul Diose: Li Muc'ul Diose laj quil te chotol ta muc'ta chotlebal. Te xchi'uc scotol li soldadoetic yu'un te oy ta vinajele; te va'ajtic ta sbats'ic'ob xchi'uc ta sts'et.

Salmos 122:2

Jerusalén, li'ochcutic xa tal ta sti' li acoraltonale.

Isaías 1:10

Banquilaletic ta Sodoma, a'yic c'usi chal li Muc'ul Diose; jnaclumetic ta Gomorra, tuc'ulanic lec li mantaletic yu'un Dios cu'untique.

Jeremías 10:1

Smomnich'nabtac Israel, a'yo ava'yic c'usi chal ta aventaic li Muc'ul Diose.

Jeremías 11:6

Ja' yu'un jech laj yalbun: “Li c'usi chacalbot li'i, puco batel ta scotol li lumetic ta Judá xchi'uc ta xoraltic ta Jerusalene, jech xavalbe ya'yic: ‘A'yo ava'yic c'usi chal li c'usi chapanbil cu'un li'i; pasic me.

Jeremías 19:14

Li Jeremiase iloc' batel ta Tofet yo' bu itacat batel yu'un Muc'ul Dios sventa chal li c'usi chc'ot ta pasele. Te c'ot sva'an sba ta yamaq'uil ch'ulna yu'un Muc'ul Dios, jech lic yalbe li cristianoetique:

Jeremías 2:2

“Batan, bat c'opano li lum Jerusalene; tsots xac'opan yu'un jech ac'o ya'ay lec, jech xavalbe: ‘Jech chayalbot li Muc'ul Diose: Ta to jna' c'u x'elan ti c'alal tsebot to'oxe, lec to'ox tuc' avo'nton ta jtojol. C'alal laj to'ox quic'ote, lec to'ox ac'anojun; te xana'pnun batel cu'un ta xocol banamil yo' bu mu'yuc c'usi xch'ie, xayutot’, uto.

Jeremías 2:4

Smomnich'nab Jacob, vo'oxuc li jaychopoxuc ta scotol sts'unubal Israele, a'yo ava'yic c'usi chal li Muc'ul Diose.

Jeremías 26:2

jech i'albat: “Bat va'an aba te ta yamaq'uil ch'ulna. Scotol li c'usi chacalbote albo ya'yic scotol li achi'iltac ti chliquic tal ta lumetic ta Judá ti te chtal yich'icun ta muc' ta ch'ulna cu'une; mu me c'usi xamuc comel.

Jeremías 28:5

Vu'un li j'alc'op Jeremiasune jech la jtac'be li j'alc'op Hananías te ta stojol paleetic xchi'uc ta stojol li jteclum ti te oyic ta ch'ulna yu'un Muc'ul Diose:

Jeremías 34:4

Sedequías, ajvalil ta Judá, a'yo ava'ay c'usi chal ta aventa li Muc'ul Diose: Mu'yuc chavich' milel ta espada.

Jeremías 36:10

Li Baruque ibat ta ch'ulna, te ic'ot ta muc'ta amac' ti te xlic ta svayab-na Gemarías xnich'on Safán, ja' li jts'ibajome, te ta nopol ti bu Ach' Ti'na sbi ta ch'ulnae. Te laj yapta ta stojol scotol judaetic li c'usi ts'ibabil ta balbil vun ti laj yal Jeremiase.

Jeremías 36:6

Ja' lec vo'ot xabat te ti c'alal yorail ta xictaic ixime; aptao li balbil vun laj ats'iba ti vu'un laj calbote, yu'un ac'o ya'yic scotol jchi'iltactic, xchi'uc scotol jnaclumetic ta Judá c'usi yaloj li Muc'ul Diose.

Jeremías 44:24

Li Jeremiase jech to laj yalbe scotol li xchi'iltaque xchi'uc li antsetique: —Judaetic, a'yo ava'yic c'usi chal Muc'ul Dios vo'oxuc ti te nacaloxuc ta Egiptoe.

Jeremías 7:1

Li Muc'ul Diose ital sc'opan noxtoc li Jeremiase jech laj yalbe:

Ezequiel 37:1

Li Muc'ul Diose laj yac' sc'ob ta jba, jech ta stsatsal svu'el laj yic'un batel; te c'ot sva'anun ta jun soplejal nojem ta baquetic.

Oseas 5:1

“Paleetic, a'yo ava'yic; israeletic, ts'e'ano lec achiquinic; smomnich'nab ajvaliletic, tuc'ulano lec ava'yic. Yu'un ja' ta aventaic li stojol mulile, yu'un li vo'oxuque xco'laj xchi'uc jyacvanej lac'otic te ta Mizpa; vo'oxuc laj alich'anbeic yoc' ch'ojon te ta vits Tabor.

Amós 7:16

Ja' yu'un, a'yo ava'ay c'usi chal li Muc'ul Diose. Li vo'ote jech chaval: ‘Mu xaval c'usi chc'ot ta pasel li' ta Israele; mu c'usi xaval ta sventa li smomnich'nab Isaaque’, xachi.

Miqueas 1:2

Lumetic, a'yo ava'yic acotolic. Banamil, tuc'ulano lec ava'ay achi'uc li jnaclumetic avu'une: Li Cajvaltic Muc'ul Dios te oy ta xch'ulnae, ja' tsva'an sba ta testigo sventa chascontrainoxuc.

Miqueas 3:1

Jech chcal: A'yo ava'yic, jpasmantaletic ta stojol smomnich'nab Jacob, banquilaletic ta stojol smomnich'nab Israel, ¿Me mu ja'uc oy ta aventaic spasel li c'usitic tuq'ue?

Miqueas 3:9

A'yo ava'yic, jpasmantaletic ta stojol smomnich'nab Jacob, banquilaletic ta stojol smomnich'nab Israel, vo'oxuc ti chabajic li c'usitic tuq'ue, xchi'uc ti chayanijesic li c'usitic leque.

San Mateo 13:9

Li boch'o oy xchiquine ac'o snopbe smelol”, x'utatic yu'un li Jesuse.

San Juan 18:20

Itac'ov li Jesuse: —Li vu'une lec ta satilal la jc'opan scotol li cristianoetique. Te lichanubtasvan ta nail tsobobbailetic xchi'uc ta ch'ulna yo' bu stsobobbailic scotol li judioetique. Mu'yuc bu ta mucul lichanubtasvan.

Hechos 5:20

“Bat va'ano abaic ta ch'ulna. Albo ya'yic scotol cristianoetic li c'op sventa cuxlejale”, x'utatic.

Hechos 5:42

Muc scomtsanic xcholbel sc'oplal li Jesucristoe. Scotol c'ac'al ichanubtasvanic ta ch'ulna xchi'uc ta naetic.

Apocalipsis 2:11

Li boch'o oy xchiquine ac'o ya'ibe smelol c'usi ch-albat yu'un Ch'ul Espíritu li jujutsob jch'unolajeletique. Li boch'o tstsal yu'un scotole mu xbat yich' vocol ta xchibal velta lajel, xayutoxuc li Cajvaltique’, uto”, xiyutun.

Apocalipsis 2:17

Li boch'o oy xchiquine, ac'o ya'ibe smelol c'usi ch-albat yu'un Ch'ul Espíritu li jujutsob jch'unolajeletique. Li boch'o tstsal yu'un scotole ja' chcac'be sve'ic li manavaj ti mu'yuc boch'o sna' c'u x'elane, xchi'uc ta xcac'beic jbej unin saquil ton yo' bu ts'ibabil ach' sbi stuc ti mu'yuc boch'o yan xotquine. Ja' no'ox stuc xotquin li boch'otic chich'e, xayutoxuc li Cajvaltique’, uto”, xiyutun.

Apocalipsis 2:29

Li boch'o oy xchiquine, ac'o ya'ibe smelol c'usi ch-albat yu'un Ch'ul Espíritu li jujutsob jch'unolajeletique, xayutoxuc li Cajvaltique’, uto”, xiyutun.

Apocalipsis 2:7

Li boch'o oy xchiquine, ac'o ya'ibe smelol c'usi ch-albat yu'un Ch'ul Espíritu li jujutsob jch'unolajeletique. Li boch'o tstsal yu'un scotole ta xcac'be slo'ic li sat te' sventa cuxlejal sbatel osile, ja' ti te oy ta o'lol ts'unubaltic yu'un Diose, xayutoxuc li Cajvaltique’, uto”, xiyutun.

Apocalipsis 3:13

Li boch'o oy xchiquine, ac'o ya'ibe smelol c'usi chal Ch'ul Espíritu ta stojol li jujutsob jch'unolajeletique, xayutoxuc li Cajvaltique’, uto”, xiyutun.

Apocalipsis 3:22

Li boch'o oy xchiquine, ac'o ya'ibe smelol c'usi chal Ch'ul Espíritu ta stojol li jujutsob jch'unolajeletique, xayutoxuc li Cajvaltique’, uto”, xiyutun.

Apocalipsis 3:6

Li boch'o oy xchiquine, ac'o ya'ibe smelol c'usi chal Ch'ul Espíritu ta stojol li jujutsob jch'unolajeletique, xayutoxuc li Cajvaltique’, uto”, xiyutun.