Jeremías 7:10 - Bible in Tzotzil de Chenalhó with Deuterocanon

¹⁰ Ts'acal chtal ava'an abaic ta jtojol li' ta ch'ulna cu'un ti bu chquich' ich'el ta muq'ue. Chavalic ti lec jun avo'ntonique, ti xu' chapasic o batel li c'usi toj chopol chquile.

Bible in Tzotzil de Chamula

¹⁰ Ts'acal to un, ta xatalic ta ch'ulna li'e, ti ja' com ta jventae, yu'un ta xtal ava'an abaic ta jtojol. Avac'toicuc ti lec oyoxuque. Avac'toicuc ti q'uelbiloxuc no'ox ti avac'ojbeic yipal ta spasel ti c'usi mu ts'icbaj ta xca'i yu'une.

Jeremías 7:10 Iomraidhean Croise

1 Reyes 9:3

Jech i'albat: “Laj ca'ay li ac'op c'alal laj ac'opanune xchi'uc li c'usi laj ac'anbune. Laj xa jts'u'iltas li ch'ulna laj apase yu'un ja' li' chcac' ta ich'el o ta muc' jbi scotol c'ac'al. Li' oy o jsat; li' oy co'nton scotol c'ac'al.

2 Reyes 21:4

La spas yantic scajleb matanaletic te ta xch'ulna Muc'ul Dios, ja' li Muc'ul Dios ti jech ono'ox laj yalbe sc'oplal li ch'ulnae: “Ja' no'ox xu' te chich' ich'el ta muc' jbi ta ch'ulna ta Jerusalén”, xi ono'ox.

2 Crónicas 33:4

La spas yantic scajleb matanaletic noxtoc ta ch'ulna yu'un li Muc'ul Dios ti yaloj ono'ox ja' no'ox te chich' ich'bel ta muc' sbi ta Jerusalene.

2 Crónicas 33:7

Jech noxtoc la spas jun sloc'obal sdios; la stic' ochel ta ch'ulna, ja' li ch'ulna ti jech ono'ox i'albat sc'oplal yu'un Dios li David xchi'uc li xnich'one, ja' li Salomone: “Li ch'ulna li' ta Jerusalene ja' la jt'uj ta scotol yosilal li jaychop achi'iltaque; ja' yavil bu xu' chi'ich'at o ta muc' sbatel osil.

Proverbios 15:8

Li milbil matanal chaq'uic li boch'o chopolique mu'yuc stu chil li Muc'ul Diose; yan ti c'alal tsc'opanic Dios li boch'o tuc' yo'ntonique xcuxet no'ox yo'nton tstsacbe sc'opic.

Isaías 48:2

Chavalic to ti ja' alumalic li ch'ul lume, chavalic ti ja' no'ox ach'unojic li Dios yu'un Israele, ja' li Muc'ul Dios ech'em svu'el, xi sbie.

Jeremías 32:34

Solel la stiq'uic ochel c'alal ta yut jch'ulna li c'usi toj chopole, jech la soquesbeic o sc'oplal li jch'ulnae.

Jeremías 34:15

Yan li vo'oxuque laj ajelic li c'usi chapasique. Ja' chapasic li c'usi lec chquile, yu'un laj xa achapanic ta jtojol te ta ch'ulna cu'un ti chacoltaic loq'uel ta mozoil li achi'iltaquique.

Jeremías 44:9

¿Me yu'un ich'ay ta avo'ntonic li smul amoltot ayame'ic ta vo'onee, li smul ajvaliletic ta Judae, xchi'uc li smul yajnilique, xchi'uc amul atuquic ec, xchi'uc smul avajnilic ti laj asa'ic ta yosilal Judá xchi'uc ta xoraltic ta Jerusalene?

Jeremías 7:11

¿Me ja' snailch'en j'eleq'uetic chavilic li ch'ulna bu chquich' ich'el ta muq'ue? Lec oy, laj xa quil scotol, vu'un jtuc li Muc'ul Diosune.

Jeremías 7:14

Li ch'ulna laj cac'boxuc achi'uc amoltotic ta vo'one ti ja' li' chquich' ich'el ta muq'ue xchi'uc ti ja' spatubil avo'ntonic chava'yique, ja' jech ta jpasbe jech chac c'u cha'al la jpasbe li ch'ulna to'ox te ta Siloe.

Jeremías 7:30

Jech chal li Muc'ul Diose: “Q'uelavil, li smomnich'nabtac Judae toj chopol c'usi la spasic ta jsat, yu'un te laj yaq'uic ta jch'ulna li c'usi toj chopol chquile, ja' li sdiosique; solel la sbolibtasic o ti bu chquich' ich'el ta muq'ue.

Ezequiel 20:39

‘Li vo'oxuque smomnich'nab Israel, jech chayalboxuc li Muc'ul Diose, ja' li Cajvaltique: Me mu xac'an xach'unbicun jmantale, ja' bat ich'ic o ta muc' li sloc'obaltac adiosic ti mu'yuc stu jech chac c'u cha'al c'a'epe; ja' bat tunanic o yu'un. Pero ta ts'acal chlic ach'unicun, jech mu'yuc xa chabolibtasic ta matanaletic avu'unic xchi'uc ta adiosic li jch'ulbie.

Ezequiel 23:29

Jech chlic yuts'intaot ta sc'ac'al yo'ntonic; ja' chich'ic scotol li c'usitic oy avu'une. Solel t'anal chascomtsanicot; ta xvinaj li abec'tal ti laj avac' ta sventa mulile, ti laj avac' ta sventa c'usi tsc'an abec'tale.

Ezequiel 23:37

Yu'un mu junuc yo'ntonic ta jtojol; ep xa imulivajic, solel yatinoj ch'ich' noxtoc li sc'obique, ja' bat yich'ic ta muc' noxtoc li sloc'obal yan diosetique. Li jnich'nab la svoq'uesique la xchiq'uic ta c'oc' sventa smoton li sdiosique.

Ezequiel 23:39

C'alal la xchic' xnich'onic sventa smoton sdiosique, ja'o ital ochicuc ta ch'ulna cu'un noxtoc; la sbolibtasic ta jyalel. Ja' jech la spasic te ta ch'ulna cu'un.

Ezequiel 33:25

Ja' yu'un jech xavalbe ya'yic: ‘Jech chal li Cajvaltique, ja' li Muc'ul Diose: Li vo'oxuque xchi'uc xch'ich'al chati'ic li ti'bole, avich'ojic ta muc' noxtoc li sloc'obaltac adiosique, xchi'uc chamilvanic noxtoc, ¿Me chanopic ti vo'oxuc yajvaloxuc banamil chacomique?

Ezequiel 33:31

Jech ta xtalic ta atojol jech chac c'u cha'al jteclum cu'un yilel. Te lamal chvulic ta atojol; cha'yic li c'usi chavale, pero mu spasbeic yabtelal. Ja' no'ox chloc' ta yeic ti tsc'anicune, pero li yo'ntonique yan o c'usi tsc'an; yan o c'usi tsc'upin.

Ezequiel 5:11

Vu'un li Muc'ul Diosun ti yajvalun scotole, jamal ta xcal ta jbi jtuc ti jech ta jpase. Yu'un laj asoquesbeic sc'oplal ch'ulna cu'un ta scoj li loc'ometic laj avich'ic ta muc' ti toj chopol chquile, xchi'uc ta scoj li c'usi toj chopol laj apasique, ja' yu'un chajlilinoxuc o ta j'ech'el ec; mu'yuc chajpasboxuc perdón; mu'yuc chajc'uxubinoxuc o.

Daniel 9:18

Dios cu'un, ts'e'ano lec achiquin ta ya'yel li jc'ope. Vic'o avil asat; q'uelo avil ti c'u x'elan jvocolcutique xchi'uc c'u x'elan jinesbil li lum ti bu chavich' ich'el ta muq'ue. Mu yu'unuc ta scoj lec c'usi ta jpascutic ti li' xivocolet ta atojole; ja' no'ox ta scoj ti toj ep xc'uxul avo'ntone.

Oseas 6:9

Li paleetique ja' jechic jech chac c'u cha'al jtsob j'eleq'uetic ti oy boch'o tsmalaic ta bee. Ja' jech chmilvanic te ta sbelal Siquem li paleetique, ja' yu'un la spasic o li c'usi toj chopol ta pasele.

Amós 4:5

Aq'uic milbil matanal ta sventa li c'usi chatojic ta vocole; aq'uic li pan ti yich'oj svolesubil xch'ute. Alic batel, ja'uc xa ava'yejic ti chavaq'uic li matanal ta yutsil avo'ntonique, yu'un ja' jech oy ta avo'nton chatoy abaic”, xi li Muc'ul Diose.

Sofonías 1:5

Ta xculesic noxtoc li boch'otic chmuyic ta yamaq'uil jol na tsquejan sbaic batel ta stojol li c'usitic oy ta vinajele, xchi'uc li boch'otic tst'abbicun jbi c'alal oy c'usi chalique, xchi'uc ti tst'abbeic sbi noxtoc li sdiosic Milcome.

Malaquías 3:15

Yu'un quilojtic lec, xchi'uc chloc' ta quetic ti ja' toj xcuxet yo'nton li boch'otic tstoy sbaique, xchi'uc ti ja' toj lec chbat yu'unic scotol li boch'o tspasic c'usitic chopole, xchi'uc ti jun yo'nton colem chcomic li boch'otic tspasbeic preva yo'nton Diose’, xachiic”, xi li Muc'ul Diose.

San Mateo 23:13

“¡Toj abul abaic, vo'oxuc li jchanubtasvanejoxuc ta smantal Diose xchi'uc vo'oxuc li fariseooxuque, jlo'lavanejoxuc! Yu'un chamaquic ta be li ventainel yu'un Diose. Yu'un li vo'oxuque mu xac'anic ventainel yu'un Dios, ja' yu'un chamaquic li boch'otic tsc'anique.

San Juan 13:18

“Muc acotolicuc jech chacalboxuc. Li vu'une xcotquin li boch'otic t'ujbilic cu'une. Pero tsc'an ac'o c'otuc ta pasel ti jech ts'ibabil comel ta sc'op Diose: ‘Li boch'o co'ol chive' jchi'uque ja' xa cajcontra ic'ot’, xi ono'ox ts'ibabil.

San Juan 18:28

Laj yiq'uic loq'uel ta sna Caifás li Jesuse, bat yaq'uic ta cabildo. Bats'i sob ic'otic. Li paleetic xchi'uc xchi'iltaque muc x'ochic ta cabildo, yu'un mu xu' tscap sbaic xchi'uc li yan lum cristianoetique, yu'un jech xu' tsti'ic li ch'ium chij ta sventa q'uin Coltaele.