Jeremías 6:8 - Bible in Tzotzil de Chenalhó with Deuterocanon

⁸ Jerusalén, tuq'uibtaso aba, yu'un jech mu xajipot comel ta co'nton, yu'un jech mu xajc'atajesot ta xocol banamil, jech chac c'u cha'al jun banamil ti mu'yuc yajval oe.

Bible in Tzotzil de Chamula

⁸ Yu'un mi mu jechuque, Jerusalén, a'yio ava'i, yanijem xa jol co'nton ta jch'ac jba loq'uel ta atojol. Ta xajoybinot ta sbajtical banomil. Mi junuc jnaclej ta xquicta comel ta atojol.”

Jeremías 6:8 Iomraidhean Croise

Salmos 2:10

Ja' yu'un, ajvaliletic, bijanic me; jpasmantaletic ta banamil, ch'unic me li tojobtasele.

Salmos 50:17

Yu'un abajoj li tojobtasel cu'une; ava'lupatinoj comel li jc'ope.

Salmos 94:12

Muc'ul Dios, xcuxet no'ox yo'nton li boch'otic vo'ot chatojobtase, ti chachanubtas ta mantaletic avu'une.

Proverbios 19:20

A'yo lec ava'ay li tojobtasele; ich'o ta muc' li taq'uiele, jech lec bij chabat o.

Proverbios 4:13

Ac'o me lec ta avo'nton li chanubtasel cu'une, mu me xacomtsan; chabio me lec, yu'un ja' sventa acuxlejal.

Jeremías 17:23

Pero li stuquique muc xch'unbicun, muc xchiquintaic; la stsatsubtas yo'ntonic, jech muc stuc'ulanic, muc sc'anic taq'uiel.

Jeremías 2:15

¿C'u yu'un ti chtal yich'ic tsaquel jech chac c'u cha'al tstsacvan leone ti xlaquet no'ox sc'oplalique? Solel mu'yuc smelol icom ta ixtanel li yosilalique, xchi'uc stanil icom ta c'oc' li slumalique, solel mu'yuc yajval icom o.

Jeremías 31:19

La jvoc' to'ox jba ta atojol, pero li' ta orae la jsutes xa co'nton; laj quil ti mu'yuc lec c'usi ta jpase. Jech la jmajilan sna co'nton, toj q'uexlal sba chca'ay; toj biq'uitun yu'un chca'ay li jmul laj sa' tal ta jbic'tale’, xi ta oq'uel li Efraine.

Jeremías 32:33

La sva'lupatinicun, muc saticuc laj yac'bicun. Ac'o me mu'yuc ono'ox la jquechan o xchanubtasel, pero muc xich'ic ta muc'.

Jeremías 4:14

Jerusalén, ac'o ta poquel li sbolil avo'ntone, ja' no'ox jech xu' chacol. ¿Baq'uin to chaloq'ues ta atojol li c'usi chopol ta nopele?

Jeremías 7:20

Ja' yu'un jech chcal vu'un li Muc'ul Diosune, vu'un li Ajvalilune: Li sc'ac'al co'nton ta jmal li' ta banamile, ta jmal ta sba yac'ol cristianoetic, ta sba yac'ol chonbolometic, ta te', ta aq'uetic, xchi'uc ta sba yac'ol scotol li c'usitic chloc' li' ta banamile. Ta stsan jech chac c'u cha'al jun muc'ta tocalte', mu stac' tubel o”, xiyutun li Muc'ul Diose.

Jeremías 7:28

Jech xaval: ‘Li jun banamil li'i mu sc'an xich'beic ta muc' sc'op li Muc'ul Dios yu'unique; muc sc'anic o tojobtasel yu'un. Solel ich'ay o ta yeic li c'usitic leque, li c'usitic melele’, chian”, xiyutun li Muc'ul Diose.

Jeremías 7:34

Ta xcac' lajuc sc'oplal ta lumetic li' ta Judá xchi'uc ta xoraltic ta Jerusalén ti xvochetic no'ox, ti stse'inic no'ox ta xcuxetel yo'ntonique. Chlaj sc'oplal ti oy boch'o chmalij, ti oy boch'o tsa' yajnile, yu'un xch'ijan chcom o cu'un”, xi li Muc'ul Diose.

Jeremías 9:11

“Ta jc'atajes ta jbus no'ox ton li lum Jerusalene; yavil oq'uiletic ta xc'ot. Li lumetic ta Judae ta jc'atajes ta xocol banamil, mu'yuc xa boch'o te nacal chcom”, xi li Diose.

Ezequiel 23:18

Ta satilal la spas li mulile; laj yac' sba o ta q'uelel ta jyalel. Ja' yu'un x'ibet co'nton yu'un ec, jech chac c'u cha'al i'ibaj co'nton yu'un li xvixe.

Oseas 2:5

Yu'un li ame'ique puru mulivajel la spas; li boch'o la svoq'uesoxuque la soques sc'oplal ti c'alal jech laj yale: ‘Ja' te chbat jchi'in li jc'upiltaque, yu'un ja' chiyac'bun jve'el xchi'uc ca'al; ja' chiyac'bicun jtsots, lino no, caceite, xchi'uc c'usitic chcuch'’, xi.

Oseas 9:12

Ac'o me oy bu chch'i li squeremique, ta jpojbeic loq'uel ta stojolic. ¡Toj abul sbaic ec c'alal me ta jvoc' jba loq'uel ta stojolique!

Levítico 26:34

Li avosilalique xcuxet no'ox yo'nton ta xcuxic ti jayib c'ac'al xocol chcom c'alal te oyoxuc ta yosilal avajcontraique. Jech te to chcux o li avosilique; ja' tspac'an ti mu'yuc ono'ox chavac'beic xcuxe.

Sofonías 3:7

Jech la jnop: ‘Ja' van jech chlic yich'un o ta muc' li Jerusalene; ja' van jech chlic xch'un o li taq'uiel ta xcac'bee, jech mu'yuc ta jyavnaijes o ta sventa li stojol smul laj cac'bee’, xichi. Pero yo'to ech'em laj yac'be yipal spasel li c'usitic chopole.

Deuteronomio 32:29

Ti bijicuque cha'ibeic smelol; sna'ic c'usi chc'ot ta pasel ti jechuque.