Jeremías 6:7 - Bible in Tzotzil de Chenalhó with Deuterocanon

⁷ Yu'un li Jerusalene ja' jech c'otem jech chac c'u cha'al jun nio' ti te xcholchun o scotol c'ac'ale, ja' jech mu xpaj o ta spasel li c'usi chopole. Puru uts'intavanej, puru elec' ta xvinaj te ta stojol; scotol c'ac'al oy ono'ox xchamel, oy no'ox xtuch'emal o chquil.

Bible in Tzotzil de Chamula

⁷ Ti yabtel mulil colo'ile, co'ol s'elan ya'lel joc' ta xlic t'omuc li' ta Jerusalene. Malo xa no'ox ava'i ma' ti spajeb ilbajinel ti mu xa stac' a'yeluc bu ta xijbat yu'un une, ja' xa no'ox xna'un ma' ti yayijesele, ti oq'uel avanele.

Jeremías 6:7 Iomraidhean Croise

Proverbios 4:23

Li c'usi tsots sc'oplal ta scotole ja' tsc'an chanop lec li c'usi chatic' ta avo'ntone, yu'un ja' te chlic tal li acuxlejale.

Isaías 1:6

Xlic ta yut avacanic c'alal to ta ajolic, me jutuc mu'yuc xa bu lec; tuch'emic, situbenic, chc'a'an xa, mu'yuc poxtabil, mu'yuc pixbil, mu'yuc bu c'unibtasbil jutuc ta aceite.

Isaías 57:20

Yan li boch'o chopolique ja' jechic jech chac c'u cha'al nab ti xyuc'lajet no'oxe, ti mu'yuc bu ch'anxi ts'anale, ti puru c'a'ep, puru ic'ubal tsves loq'uel ta jujujot sti'e.

Isaías 59:6

Li na om tsjalique mu yu'unuc chtun sventa tsc'u'inic. Li yabtel yoc sc'obique me jutuc mu'yuc stu sventa tsmac sbaic o. Li yabtelique puru chopolic; li sc'obique puru uts'intavanej tspas xchi'uquic.

Jeremías 20:8

C'alal chic'opoje, ja' no'ox chcal ti chtal uts'intaele; c'alal chi'avane, ja' no'ox chcal ti chtal milele. Ja' yu'un ti c'alal chcal ac'ope, ja' no'ox sventa chquich' labanel xchi'uc contrainel.

Jeremías 30:12

Jech chal noxtoc li Muc'ul Diose: “Li avocolique mu stac' poxtael; li atuch'emalique mu xcol o.

Jeremías 30:13

Mu'yuc boch'o oy ta yo'nton chascoltaoxuc. Mu'yuc boch'o tsc'an chpoxta ayayijemalic; mu'yuc poxil ti xu' chacolic yu'une.

Jeremías 30:15

¿C'u yu'un cha'avanic ta scoj li tsots avocolique? Yu'un mu stac' poxtael li c'usi c'ux chava'yique. Ja' ta scoj toj ep achopolilic, toj ep amulic ti jech la jpasboxuque.

Jeremías 32:31

C'alal ilic yich' pasel tal li lum li'i xchi'uc c'alal to tanae, ja' no'ox laj yaq'uic ilincun, la sa'bicun o tal sc'ac'al co'nton. Ja' yu'un ta jip loq'uel ta jtojol,

Jeremías 8:22

¿Me mu'yuc poxil te ta Galaade? ¿Me mu'yuc jpoxtavanej te? ¿C'u yu'un ti mu'yuc bu tsta xpoxilic li jchi'iltaque?

Ezequiel 21:29

Li c'usi chil ta xch'ulel scuyojique mu meleluc; li c'usi chalique puru epalc'op, yu'un jech ac'o c'otuc ta stojolic c'ocbel snuq'uic ta espada li boch'otic chopol c'usi tspasic ti sc'oplal ac'o chamicuque. Ista xa yorail ch-ac'bat stoj li c'usi chopol tspasique.

Ezequiel 24:7

Yu'un noj ta ch'ich'. Solel ta baba ton la smal, muc ta bats'i banamiluc la smal; ta bats'i banamiluc la smale, xu' to chmac ta lum ti jechuque.

Ezequiel 45:9

“Vu'un li Muc'ul Diosun, vu'un li Avajvalicune, jech chcal: Banquilaletic ta Israel, xu' xa o li uts'intavanej xchi'uc li elec' chapasique. Ja' xapasic li c'usitic tuc' xchi'uc li c'usitic leque. Ta'lo xa spojbel yosilic li jteclumale.

Ezequiel 7:11

Li j'uts'intavaneje liquem xa; i'epaj xa li xchopolile. Me junuc mu'yuc boch'o chcom avu'unic; me junuc mu'yuc boch'o chcol comel. Mu'yuc c'usi xu' avu'un ta sventa ac'ulejal, ta sventa c'usi oy avu'un.

Ezequiel 7:23

“Chapano lec cadenaetic, yu'un inoj xa ta milubbail li avosilalique. Li alumalique noj ta sa'c'op, ta majbail ta jyalel.

Sofonías 3:1

Toj abul aba, jbajmantal lum, vo'ot ti bolibenot, ti j'uts'intavanejote.