Jeremías 6:4 - Bible in Tzotzil de Chenalhó with Deuterocanon

⁴ Jech chalic li yajcontrataque: “Chapano abaic, bat jtsactic ta pleito; bat cac'betic ya'ay ta o'lol c'ac'al. ¡Ay!, ja' chopol ti ta xa xbat c'ac'ale, yu'un ta xa x'ic'um tal li osile.

Bible in Tzotzil de Chamula

⁴ Va'i un, ti scontraique xi ta xalique: “Chapano abaic yo' ta jtsactic ta leto. ¡La'ic, ta o'lol c'ac'al, ba jtsactic ta leto. Yan che, bat xa c'ac'al! yu'un xqueovin xa talel ti banomile.

Jeremías 6:4 Iomraidhean Croise

Job 7:2

jech chac c'u cha'al jun mozo ti chac maluc ya'ay c'ac'al ta orae, jech chac c'u cha'al jun jsa'abtel ti smala-mala xich' stojole.

Cantares 2:17

C'alal me isacub osile, me ich'ay batel li ac'ubaltique, jc'upil vinic, sutan tal ta anil te ta toyol vitsetic jech chac c'u cha'al vaxacq'uelum, jech chac c'u cha'al tsajal chij.

Jeremías 15:8

Ta xcac' epajuc me'on antsetic avu'un jech chac c'u cha'al yi' ta ti'nab. Ta o'lol c'ac'al ta jtacbe tal jmilvanej ta stojolic li me'iletique xchi'uc li yalabique. Ta anil no'ox ta jtac tal tsots at-o'nton xchi'uc xi'el te ta lum.

Jeremías 15:9

Li me'iletic ti oy vucub yolique, ta xlic alubicuc, ta x'ayin ep svocolic. Ta xlic yalicuc o ta q'uexlal, ta na'leel. Li sac osil to'ox chilique, ta xc'ataj ta ac'ubal. Me oy to boch'o chcom yu'unique, ta xcac' lajicuc ta milel yu'un yajcontraic”, xi li Muc'ul Diose.

Jeremías 5:10

Ac'o tal ochentaatuc yu'un li yajcontrae; ac'o yich' soquesel li ts'usubtic yu'unique, ac'o me mu j'ech'eluc chlaj sc'oplal o. Ac'o slilinic loq'uel li sc'obc'obtac ts'usubtique, yu'un mu xa ja'uc cu'un.

Jeremías 6:23

Toj ven simaronic, me jutuc mu'yuc c'uxubinel yu'unic o; ta flecha xchi'uc ta jich'il taq'uinetic lec ts'ubajtic sni' ta xmilvanic o. C'alal ch-avanique, ja' jech chac c'u cha'al nab ti xvo'et no'oxe. Cajajtic lec ta ca' chtalic, chapalic tal lec ta sventa chtal stsacoxuc ta pleito, vo'oxuc ti yalab xnich'naboxuc lum Sione”, xi.

Jeremías 8:20

Jech chal noxtoc li jchi'iltaque: “Ijelov xa yorail li c'aoje, ijelov xa yorail li q'uepelaltique, pero mu'yuc la jtatic o li coltaele”, xiic.

Joel 3:9

Alic batel ta jujun banamil: Puquic batel ti ta xa xlic pleitoe. Iq'uic tal li boch'otic lec tsots yo'ntonique. Ac'o nopajicuc tal, ac'o xa talicuc li jpaspleitoetique.

Abdías 1:1

Li Abdiase oy c'usi laj yich' ac'bel yil ta xch'ulel yu'un li Muc'ul Diose, ja' li Cajvaltique, ja' yu'un jech laj yal ta sventa li Edome: Laj ca'icutic oy c'usi laj yal li Muc'ul Diose; la stac batel jun j'almantal ta jujun banamil, jech laj yal: “Licanic, bat xa jtsactic ta pleito li lum Edome”, xi. Li Muc'ul Diose jech chalbe li Edome:

Miqueas 3:5

Li j'alc'opetic ti chaq'uic ch'ayuc ta be jteclumale jech chalic: “Ich'ic bendición”, xutic li boch'otic chaq'uic lec ve'lile; yan li boch'otic mu'yuc c'usi chaq'uique “tsaquic ta pleito”, xi sc'oplal yu'unic. Ja' yu'un vu'un li Muc'ul Diosune jech chcal ta sventa li j'alc'opetic le'e:

Sofonías 2:4

Li lum Gazae jeche' xch'ijan chcom; li Ascalone yavnaijem chcom o. Li jnaclumetic ta Asdode ta c'ac'altic lec chtal yich'ic nutsel loq'uel; li jnaclumetic ta Ecrone ta xich'ic pitsel o loq'uel.