Jeremías 6:12 - Bible in Tzotzil de Chenalhó with Deuterocanon

¹² Li snaic, li yosilic, xchi'uc li yajnilique ta xcac' batuc ta yan, yu'un ta xcac' jc'ob sventa ac'o yich' stojol smulic li jnaclumetic li' ta avosilalique, xichi vu'un li Muc'ul Diosune”, xi.

Bible in Tzotzil de Chamula

¹² Yu'un ti snaique, ti yosilique, ti yajnilique, ta xjel yajval. Yu'un ta jyales coc jc'ob ta stsitselic ya'i ti buch'utic nacalic ta jteclum taje.” Ti vu'un Diosune, mu lo'iluc no'ox ta xcal.

Jeremías 6:12 Iomraidhean Croise

1 Crónicas 21:16

C'alal la stoy sat li Davide, laj yil ti te oy ta o'lol vinajel li j'almantale, stsacoj jun espada loq'uem xa ta sna; te xbechoj batel ta sba li lum Jerusalene yu'un ja' tsmil o. Ja' yu'un li David xchi'uc banquilaletique la spatan sbaic ta banamil, slapojic c'u'il sventa at-o'nton ti ch'ixlajan ta lapele.

Isaías 10:4

Mu'yuc xa c'usi xu' avu'unic; ja' no'ox te xamutste-mutsteic xchi'uc li yan jchuqueletique. Te chachi'inic ta lajel li boch'otic chamenic xae. Pero mu ono'ox xlaj o sc'ac'al yo'nton li Diose; te staoj yav sye'oj o sc'ob.

Isaías 5:25

Ja' yu'un li Muc'ul Diose ilic sc'ac'al yo'nton ta stojol li steclumale; la stoy sc'ob ta stojolic sventa chac'be stoj smulic. Inic li vitsetique; li sbec'talique te icoman ta xoraltic jech chac c'u cha'al c'a'ep, pero li Muc'ul Diose muc ono'ox x'ech' o li sc'ac'al yo'ntone; te to stoyoj o li sc'obe.

Isaías 9:12

Chliquic tal ta sloq'ueb c'ac'al, ja' li siriaetique; chliquic tal ta smaleb c'ac'al, ja' li filistaetique. Jxoxel no'ox ta eil chac'beic li Israele. Pero mu ono'ox xpaj o sc'ac'al yo'nton li Muc'ul Diose; te to staoj yav sye'oj o sc'ob.

Isaías 9:17

Ja' yu'un li Muc'ul Diose muc xc'uxubin li queremetic yu'unique; mu'yuc abul sba laj yil li me'on ololetic xchi'uc li me'on antsetique. Yu'un scotolic toj chopolic, bolibenic ta jyalel; scotolic puru chopol c'usi chloc' ta yeic. Pero li Muc'ul Diose muc ono'ox x'ech' o li sc'ac'al yo'ntone; te to staoj yav sye'oj o sc'ob.

Isaías 9:21

Li Manasese tscontrain li Efraine; li Efraine chac'be ec li Manasese. Jech noxtoc xcha'chopalic chbat scontrainic li Judae, pero mu ono'ox xpaj o sc'ac'al yo'nton li Muc'ul Diose; te staoj yav sye'oj o sc'ob.

Jeremías 15:6

Li Muc'ul Diose jech chal: Vo'ot laj acomtsanun, laj ava'lupatinun comel. Ja' yu'un li' ta orae ta jye' jc'ob ta aba, ta xcac'bot tsots avocol, yu'un i'ech' xa co'nton avu'un.

Jeremías 21:5

Vu'un jtuc ta jtsacoxuc ta pleito ta jvu'el, jtsatsal, ta tsots sc'ac'al co'nton.

Jeremías 38:22

Scotol li antsetic avu'un te chcom ta apasubmantale ta xich'ic iq'uel batel yu'un li banquilaletic yu'un ajvalil ta Babiloniae; ja' xa stuquic jech chlic yalbicot: ‘Ajvalil, li boch'otic toj lec to'ox xac'opan, ti ja' to'ox apatoj avo'nton yu'une, ja' no'ox laj yuts'intaicot, la slo'laicot. Laj yaq'uic mats'tsajuc ta ach'el li avacane; ts'acal la sva'lupatinicot comel’, xiic —xut.

Jeremías 38:23

Li Jeremiase jech to laj yalbe li ajvalile: —Scotol li avajniltac xchi'uc li anich'nabtaque ta x'ochic ta sc'ob li caldeaetique. Li vo'ote mu'yuc ono'ox chacol loq'uel ta sc'obic ec; ta persa ono'ox cha'och ta sc'ob li ajvalil ta Babiloniae, xchi'uc ta persa ono'ox ta xich' chiq'uel li lum li'i —xut.

Jeremías 7:20

Ja' yu'un jech chcal vu'un li Muc'ul Diosune, vu'un li Ajvalilune: Li sc'ac'al co'nton ta jmal li' ta banamile, ta jmal ta sba yac'ol cristianoetic, ta sba yac'ol chonbolometic, ta te', ta aq'uetic, xchi'uc ta sba yac'ol scotol li c'usitic chloc' li' ta banamile. Ta stsan jech chac c'u cha'al jun muc'ta tocalte', mu stac' tubel o”, xiyutun li Muc'ul Diose.

Jeremías 8:10

Li yajnilique ta xcac' ta yan viniquetic; li yosilique ta xcac' ochuc yan yajval. Yu'un c'alal ta biq'uit ta muc' ja' batem ta yo'ntonic sa'el li c'usi chtun yu'un stuquique. C'alal ta j'alc'opetic ta paleetic puru lo'lavanej tspasic.

Lamentaciones 2:8

Li Muc'ul Diose laj yac' ta jinesel o li coralton yu'un Sione. La sloq'ues o mantal ti ac'o yich' jinesele; mu'yuc la sutes o sc'op. Laj yac' o ta at-o'nton li coralton xchi'uc li pac'benal naetique, yu'un jmoj laj yac' ta jinesel scotol.

Lamentaciones 3:3

Solel scotol ora, scotol c'ac'al te cajal o ta jba yalal sc'ob li Diose.

Lamentaciones 5:11

Li antsetic ta Sión xchi'uc li tsebetic ta lumetic te ta Judae ilajic ta tsaquel; ep laj yich'ic uts'intael.

Lamentaciones 5:2

Scotol li c'usi oy cu'uncutique ochem ta sc'obic li yanlum cristianoetique; li jnacutique yan cristiano xa snainoj.

Lamentaciones 5:3

Me'on ololuncutic xa, mu'yuc xa jtotcutic; li jme'cutique comenic ta me'on antsetic.

Ezequiel 35:3

Jech xaval: ‘Jech chal li Cajvaltique, ja' li Muc'ul Diose: Vits Seir, vu'un ta jcontrainot; ta xcac' jc'ob ta atojol. Ta jc'atajesot ta xocol banamil; ta jyavnaijesot o.

Ezequiel 7:24

Ta xquic' tal li cristianoetic ta banamil ti bats'i chopolique; ja' chtal sventainbeic snaic li achi'iltaque. Ta jpajesbe stoyobbailic li jtoybaetique; ta jsoquesbe o sc'oplal li vitsetic ti toybil yu'unique.

Miqueas 2:4

C'alal me la sta li sc'ac'alil le'e, ta to xaq'uejintaic q'ueoj ta sventa oq'uel, jech chavalic: ‘Jcotoltic lijlajutic o; li Diose laj xa sjelbe o yajval li jlumaltique. ¡C'uxi bat spojbutic li cosilaltique! Ja' xa laj yac'be, la svoc'be sbaic li cajcontratique’, xachiic to”, xi li Diose.

Sofonías 1:13

Ja' yu'un ta xich'ic pojbel li c'usitic oy yu'unique, xchi'uc ta xich'ic jinesbel li snaique. Ta to spas snaic, pero mu'yuc ta snainic; ta sts'un sts'usubic, pero mu'yuc ta xuch'beic ya'lel”, xi li Diose.

Sofonías 1:4

“Ta jyales jc'ob ta stojol li Judae xchi'uc ta stojol scotol li jnaclumetic ta Jerusalene. Ta xcules o li' ta banamil li scomelal sdiosic Baale, xchi'uc ta jtu'pbe o sc'oplal li paleetic, li j'abteletic yu'une.