Jeremías 6:10 - Bible in Tzotzil de Chenalhó with Deuterocanon

¹⁰ Li vu'une jech la jtac': “¿Me oy boch'o tsc'an cha'ay c'alal me ta jc'opane, me chcalbe jech chac le'e? Q'uelavil, pasemic o ta coc, mu xa'yic o c'opanel; ja' no'ox tsna'leic li ac'ope, mu sc'an xa'yic o.

Bible in Tzotzil de Chamula

¹⁰ Ti vu'une xichi laj jtac'bee: “¿Mi yu'un oy buch'u sc'an ta xa'i mi ta jlo'iltabeic ti a'yej taje? Mu xa'iic un, Cajval, yu'un macal ta j'ech'el ti xchiquinique. C'ajomal no'ox ta xlabajic xchi'uquic ti ac'ope. Mi ja'uc oy stu ta xa'iic.

Jeremías 6:10 Iomraidhean Croise

Salmos 1:2

ti ja' no'ox oy ta yo'nton o li smantaltac Muc'ul Diose, ti ja' tsnopilan o ta yo'nton ta c'ac'al ta ac'ubale.

Salmos 119:16

Xcuxet no'ox co'nton yu'un li c'usitic avaloje; mu xch'ay o ta co'nton li ac'ope.

Salmos 119:174

Muc'ul Dios, ja' oy ta co'nton o ti ac'o acoltaune, xchi'uc ja' xcuxetel co'nton chca'ay li chanubtasel avu'une.

Salmos 119:24

Ja' muiben o xca'ay snopel li chanubtaseletic avu'une, yu'un ja' jtojobtasvanej c'otem cu'un.

Salmos 119:35

Tuq'uibtasun batel lec ta spasel li amantaltaque, yu'un ja' te ta jta o xcuxetel co'nton.

Salmos 119:70

Li stuquique pimuben yo'ntonic jech chac c'u cha'al xepu, mu c'usi xa'ibeic o smelol; yan li vu'une toj xcuxet no'ox co'nton yu'un li amantaltaque.

Salmos 119:77

Ac'bun tal li c'uxubinel avu'une, yu'un jech chcux banamil chca'ay; yu'un li mantaletic avu'une ja' xcuxetel co'nton chca'ay.

Salmos 40:8

Dios cu'un, ja' lec chavil ti ta jpas c'usi chac'ane, ti oy ta co'nton ta jch'un li amantale”, xichi.

Éxodo 6:12

Li Moisese jech la stac'be li Muc'ul Diose: —Mu xiyich'bicun ta muc' c'usi laj calbeic li jchi'iltaque. ¿C'u x'elan xu' chiyich'bun ta muc' jc'op faraón ti vocol chloc' ta que c'usi chcale? —xut.

Isaías 42:20

Ac'o me ep c'usitic laj yilic, pero mu xc'ot ta yo'ntonic; cha'yic, pero mu sc'an xchiquintaic.

Isaías 53:1

¿Boch'o chch'un li c'usi chcaltic batele? ¿Boch'o ta stojol chac' ta ilel smuc'ul stsatsal li Muc'ul Diose?

Jeremías 35:13

“Jech chacalbot vu'un li Muc'ul Diosun ti ta jpas ta mantal scotol te ta vinajele, vu'un li Diosun yu'un Israele: Batan, jech xbat avalbe li jnaclumetic ta Judá xchi'uc ta Jerusalene: ‘Ja' me jech xachanic ec; ich'ic me ta muc' li jc'ope.

Jeremías 4:4

Vinic antsetic ta Judá, jnaclumetic ta Jerusalén, ich'ic circuncisión ta avo'ntonic ta jventa vu'un li Muc'ul Diosune. Loq'uesic li c'usi macal o, li c'usi pixil o avo'ntonique; yu'un naca me stsan jech chac c'u cha'al c'oc' li sc'ac'al co'nton ta scoj amulique, yu'un mu'yuc boch'o xu' yu'un tstu'p o.

Jeremías 5:21

‘A'yo ava'yic bol cristianoetic ti mu c'usi x'och ta avo'ntonique. Ac'o me oy asatic pero mu xavilic; ac'o me oy achiquinic pero mu xava'yic.

Jeremías 7:13

Ep xa ta velta te xivulvun o ta atojolic, pero mu xava'ibicun. Laj quic'oxuc, pero me jutuc muc xatac'bicun. Ta sventa ti jech laj apasic scotol chac le'e, ja' yu'un jech chcal jtuc, vu'un li Muc'ul Diosune:

Jeremías 7:26

Pero muc xavich'ic ta muc', muc xach'unbeic li c'usi laj yalboxuque. Solel laj atsatsubtas avo'ntonic; ech'em to labatic jech chac c'u cha'al li amoltotaquique.

Jeremías 9:26

ja' li Egiptoe, li Judae, li Edome, li Amone, xchi'uc li Moabe, xchi'uc scotol li boch'otic te nacalic ta xocol banamil ti chjux stsotsil sjolique. Yu'un scotolic ta jujun banamil mu'yuc yich'ojic circuncisión. Jech ec li israeletique mu'yuc yich'ojic circuncisión ta yo'ntonic ec”, xi.

Ezequiel 3:7

Yan li achi'iltac ta israelale mu sc'an xa'yic ac'op, yu'un mu ono'ox sc'an xiya'ibicun jc'op ec li vu'une. Scotol li achi'iltac ta israelale toj tsots yo'ntonic, mu x'och c'op ta xchiquinic.

Ezequiel 33:3

C'alal me chil ti chtal xa jpaspleitoetique, ja' chlic sjupan yoq'ues sventa chac'be sna' scotol li xchi'iltaque.

Ezequiel 33:9

Yan me vo'ot chavalbe ti ac'o scomtsan li chopol be stamoj jun jpasmulile, me stuc mu sc'an scomtsane, ta scoj smul stuc ta xcham; li vo'ote colem chacom.

Amós 7:10

Li pale Amasías te ta Betele jech laj yalbe batel li ajvalil Jeroboam ta Israele: “Ajvalil, li Amose ta xchapilan ac'oplal ta mucul ta stojol li jchi'iltactic ta israelale. Ta sjunul li cosilaltique mu xa sts'ic yu'unic li c'usi chalilane.

San Mateo 3:7

C'alal laj yil Juan ti ep fariseoetic xchi'uc saduceoetic bat sc'anic ich' vo'e, jech laj yalbe: “Li vo'oxuque ja' achi'ilic orachon. ¿Me chac'an chajatovic ta anil ta sventa li stojol mulil ta xtale?

San Lucas 11:45

Te itac'ov jun li boch'o lec xchanoj smantal Diose: —Jchanubtasvanej, ti jech chavale te to nabal chopol chavalbun jc'oplalcutic ec —xi.

San Lucas 20:19

Li banquilal paleetique xchi'uc li boch'otic lec xchanojic smantal Diose tsc'an ta stsaquic ta ora li Jesuse, yu'un laj ya'yic ti ja' sc'oplal stuquic li lo'il i'albatique. Pero ixi'ic yu'un li cristianoetique.

San Juan 7:7

Yu'un li vo'oxuque mu xu' chopol chayiloxuc li cristianoetique. Yan li vu'une chopol chiyilicun, yu'un vu'un ta xcalbeic ta jamal ti chopol c'usitic tspasique.

San Juan 9:40

C'alal laj ya'yic li jayib fariseoetic te xchi'inojic Jesuse, jech laj yalbeic: —¿Me yu'un ma'satuncutic acuyoj ec li vu'uncutique? —xutic.

Hechos 7:51

“Li vo'oxuque toj tsots avo'ntonic. Ja' jech avo'ntonic xchi'uc ja' jech achiquinic jech chac c'u cha'al li boch'otic mu'yuc yich'ojic circuncisione. Scotol ora contra chavilic li Ch'ul Espiritue. Ja' chapasic jech chac c'u cha'al la spasic li amoltot ayame'ic ta vo'onee.

Hechos 7:60

La squejan sba, tsots i'avan: “Cajval, mu me xavac'be xcuch smulic li jchi'iltac li'i”, xi. C'alal laj yal jeche, icham.

Romanos 7:22

Ta yut co'ntone toj lec chca'ay li smantaltac Diose.

Deuteronomio 29:4

Pero li' ta orae, li Muc'ul Diose yoquel to mu'yuc chasjamboxuc avo'ntonic yu'un jech ac'o ava'ibeic smelol, mu'yuc chasjamboxuc asatic yu'un jech ac'o avilic, mu'yuc chasjamboxuc achiquinic yu'un jech ac'o ava'yic.

Colosenses 1:28

Ja' yu'un ta jcholbecutic ya'yic scotol li cristianoetique. Ta xcac'becutic lec sna'ic; ta jchanubtascutic lec ta sventa li bijubtaseletique, yu'un jech staoj lec xch'iel scotolic c'alal chc'ot sva'an sbaic ta stojol Dios ta sventa ti jun oyic xchi'uc li Cristo Jesuse.

2 Timoteo 4:3

Yu'un ta to sta sc'ac'alil ti mu sc'an xch'unic li lequil chanubtasele, ch-ech' yo'ntonic ta ya'yel. Yu'un ja' lec cha'yic li c'usi tsc'an stuquique, jech ta stsobic ep jchanubtasvanej yu'unic sventa ta xchanubtasatic o li c'usi lec cha'yique.

Hebreos 11:7

Ta sventa xch'unojel yo'nton li Noee, jech c'alal i'albat yu'un Dios ti chtal li c'usi mu'yuc to yiloje, ta scotol yo'nton la spas jun barco yo' bu xu' chcolic sjunulic ta nae, yu'un laj yich' ta muc' li Diose. Ta sventa xch'unojel yo'nton laj yac' ta ilel ti oy smulic li cristianoetique. Ja' yu'un li Noee la sta li coltael ti sc'oplal ta jtatic ta sventa xch'unojel co'ntontique.