Jeremías 6:1 - Bible in Tzotzil de Chenalhó with Deuterocanon

¹ Smomnich'nab Benjamín, jatovanic loq'uel te ta Jerusalén; sa'ic ti bu xu' chanac' abaique. Jupanic oq'ues te ta Tecoa; aq'uic ta ilel ch'ayil, ja' senyail te ta Bet-haquerem, yu'un oy c'usi toj xi'bal sba, toj tsots vocol ta xlic tal ta norte.

Bible in Tzotzil de Chamula

¹ Jnaclejetic ta yosilal Benjamín, sa'ic ti bu xu' ta xanac' abaique. Jatavanic loq'uel ti ta jteclum Jerusalene. Oq'uisanic ti oq'ues ta jteclum Tecoae. Va'anic senyail ta Bet-haquereme, yu'un ta yolon to ti yolon xocon sloq'ueb c'ac'ale, ta xlic talel ti cuxul j'ilbajinvanej ti mu albajuc ta xac' ti vocole.

Jeremías 6:1 Iomraidhean Croise

2 Samuel 14:2

Jech la stac ta iq'uel jun ants te nacal ta Tecoa; ja' jun ants ti toj manya snopel c'usi tspase. Jech laj yalbe: “Avocoluc cuyo aba ti ep chavat avo'ntone. Lapo li c'u'il sventa me'nale; mu xa xavac' amuil poxil, yu'un jech ac'o vinajuc ti ep xa c'ac'al chavat avo'nton ta sventa ti oy boch'o chamen avu'un yilele.

2 Crónicas 11:6

La sva'an coralton ta lum Belén, ta Etam, ta Tecoa,

Nehemías 3:14

Li Malquías xnich'on Recab, ajvalil te ta lum Bet-haquereme, ja' la spas li ti'coralton yo' bu Ch'ayub C'a'ep sbie. La snacanbe li smactaque; laj yac'be syavialtac, xchi'uc sbajubiltac.

Nehemías 3:5

Te la sts'aquic batel ec li tecoaetique. Pero li boch'o muc'tic cha'ay sbaic te ta stojolique muc sc'anic pasel ta mantal yu'un li banquilaletique, jech muc x'abtejic.

Jeremías 10:22

A'yo ava'yic, nom to xvinaj xvochetic tal; viquil ch'avalic tal li cristianoetic ta nortee. Ja' xa chtal syavnaijesic scotol li lumetic ta Judae; puru sna xa oq'uiletic chc'ot yu'unic.

Jeremías 25:9

a'yo ava'yic, ta jtac tal ta atojolic scotol jaychop cristianoetic te ta norte xchi'uc li cajtunel Nabucodonosor ajvalil ta Babiloniae. Ja' chtal yochentaic li avosilale xchi'uc li jnaclumetic li'i, xchi'uc li yantic lumetic li' ta spat xocone. Ta xcules o ta j'ech'el. Solel ta jyavnaijes o; j'ech'el chcac' o ta labanel, ta na'leel.

Jeremías 4:29

C'alal cha'yic ti viquil ch'avalic tal li j'ac'flechaetique xchi'uc li boch'otic cajalic tal ta ca'e, ta xjatovic loq'uel ta anil scotol li cristianoetic ta lume. Ta snac' sbaic ta pimilal toyolal te'tic, ta xch'icanan sbaic ta chuculal ch'entic, solel mu'yuc xa yajval chcom o li lumetique solel xch'ijan chcom o.

Jeremías 6:22

Jech chal li Muc'ul Diose: “Q'uelavil, ta xtal epal cristianoetic ta stuq'uil norte; ta xtal sjunul lum ta jot to sti' banamil.

Amós 1:1

C'alal ja'o ochem ta ajvalilal ta Judá li Uziase, xchi'uc c'alal ja'o ochem ta ajvalilal ta Israel li Jeroboam xnich'on Joase, oy jun jchabichij ta Tecoa, Amós sbi. Ja' laj yal c'usi i'ac'bat yil yu'un Dios chc'ot ta pasel ta Israel banamil ti c'alal chib to'ox jabil sc'an xtal niquele.

Amós 3:6

Me oy chlic xchapan sbaic cristianoetic ta lume, yu'un ijupanat oq'ues sventa pleito; me oy chtal vocol ta lume, yu'un jech laj cal mantal vu'un li Muc'ul Diosune.

Zacarías 6:6

Li careta nitbil ta ic'al ca'etique te chbat ta stuq'uil norte. Li careta nitbil ta saquil ca'etique ja' te chbat noxtoc. Li yan careta nitbil ta pinto ca'etique ja' te chbat ta stuq'uil sur”, xiyutun.

Josué 15:63

Li smomnich'nabtac Judae muc xu' yu'unic la snutsic loq'uel ta Jerusalén li jebusetique, jech te xchi'uquic o ta naclej ta Jerusalén c'alal to tana li smomnich'nab Judae.

Jueces 1:21

Pero li jchop liquemic ta Benjamine muc xu' yu'unic la snutsic loq'uel te ta Jerusalén li jebusetic te nacajtique. Ja' yu'un te la xchi'inic o ta naclej. Yoquel te xchi'inojic o ta naclej ta Jerusalén c'alal to tana.