Jeremías 5:9 - Bible in Tzotzil de Chenalhó with Deuterocanon

⁹ ¿Me mu'yuc ta xcac'be stoj smulic ti jech tspasique? ¿Me mu'yuc ta xcac'be stoj li jun banamil ti jech tspase?

Bible in Tzotzil de Chamula

⁹ ¿Mi yu'un la mu'yuc ta jtsits ya'iic ti va'i s'elan taj une? ¿Mi yu'un ta xcol cu'un jun jteclum ti xc'ot o jech ta xich'e?

Jeremías 5:9 Iomraidhean Croise

Proverbios 6:29

Ja' jech li boch'o ta sc'opanbe yajnil xchi'ile, ta persa tstoj smul.

Isaías 1:24

Ja' yu'un, li Ajvalil, li Muc'ul Dios ti ech'em svu'ele, ja' li stsatsal Israele, jech chal: “Te no'ox c'alal; ta xcac'be stojic li boch'otic chiscontrainicune; ta jpacbeic sutel li boch'otic chopol chiyilicune.

Isaías 57:6

“Israel, li tonetic ti lec xch'ulte-ch'ulte te ta soplejaltique ja' avu'un o. Le'e ja' xa dios c'otem o ta atojol, yu'un ja' te laj amal pasem ya'lel ts'usub ta sventa smoton; ja' te laj avac' li c'usitic yan chloc' avu'une. ¿Me toj xcuxet co'nton yu'un ti jech chapase?

Jeremías 23:2

Ja' yu'un li Muc'ul Diose, ja' li Dios yu'un Israele, jech chal ta sventa li jchabichijetic ti ja' chchabibeic steclumale: “Vo'oxuc laj apuquic batel li jchijtaque; vo'oxuc laj asibtasic batel, yu'un muc xachabiic lec. Ja' yu'un ta xcac'boxuc atoj amulic ta scoj ti chopol avabtelique. Jech chcal vu'un li Muc'ul Diosune.

Jeremías 32:31

C'alal ilic yich' pasel tal li lum li'i xchi'uc c'alal to tanae, ja' no'ox laj yaq'uic ilincun, la sa'bicun o tal sc'ac'al co'nton. Ja' yu'un ta jip loq'uel ta jtojol,

Jeremías 44:22

Yu'un muc xa sts'ic yu'un laj ya'ay ti toj chopol c'usi chapasique, ja' yu'un li avosilalique la syavnaijes. Toj xi'bal sba ta q'uelel, chopol sc'oplal o; mu'yuc yajval icom o jech chac c'u cha'al li' ta orae.

Jeremías 5:10

Ac'o tal ochentaatuc yu'un li yajcontrae; ac'o yich' soquesel li ts'usubtic yu'unique, ac'o me mu j'ech'eluc chlaj sc'oplal o. Ac'o slilinic loq'uel li sc'obc'obtac ts'usubtique, yu'un mu xa ja'uc cu'un.

Jeremías 5:29

¿Me mu'yuc ta xcac'be stoj smulic ti jech tspasique? ¿Me mu'yuc ta xcac'be stojic ti jech tspasic li cristianoetic le'e?, xichi vu'un li Muc'ul Diosune.

Jeremías 6:11

Muc'ul Dios, ista xa co'nton li sc'ac'al avo'ntone; mu xa xcuch cu'un chca'ay ti jech chavalbune”, xcut. Jech laj yalbun li Muc'ul Diose: “Ja' xavac'be xcuch li bic'tal queremetic te ta xoraltique; ja' xavac'be xcuch li muc'tic queremetic yo' bu stsoboj sbaique. Chucbil ac'o baticuc xchi'uc yajnilic li viniquetique, xchi'uc li mol me'eletic ti ep xa sjabilalique.

Jeremías 6:6

Li Muc'ul Dios ti tspas ta mantal scotol te ta vinajele jech yaloj: “Ts'etic te'etic, paso amuyebic ta coralton sventa chacontrainic li Jerusalene. Yu'un li lum le'e persa tstoj smul, yu'un nojem ta sventa c'usitic chopol.

Jeremías 9:8

Li yoq'uique ja' jech chac c'u cha'al flecha ti lec ts'ubts'ub sni'e, yu'un tojtoj tuch'el chijc'ot yu'un ti c'alal chlo'lavanique. Lec xa sc'opanic yilel li xchi'ilique, pero ta yut yo'ntonique te tsnop c'usi chopol tspasbeic.

Jeremías 9:9

¿Me mu'yuc ta xcac'be stoj smulic ta sventa ti jech tspasique? ¿Me mu'yuc ta xcac'be stoj li jun banamil ti ja' jech tspase?”, xi li Muc'ul Diose.

Lamentaciones 3:42

“Li vu'uncutique ep jtaoj jmulcutic ta atojol; ep la jtoy jbacutic ta atojol, muc xats'icbuncutic.

Lamentaciones 4:22

Lum Sión, its'aqui xa li stojol amul c'u yepal sc'oplal chavich'e; mu'yuc xa chabat o ta chuquel yan velta. Pero li vo'ote Edom, ta xavich' avocol ec ta scoj li amule; ta xavich' vinajesbel scotol li c'usi chopol apasoje.

Ezequiel 7:9

Me jutuc mu'yuc bu ta jts'icbot, mu'yuc chac'uxubaj ta co'nton. Ta xcac'bot atoj ti c'u x'elan stojol tsc'an avabtele. Chc'ot ta atojol scotol li c'usitic toj chopolic laj apase, jech chana' o ti vu'un jtuc Muc'ul Diosun chacac'bot atoje.

Oseas 2:13

Ta xcac'be stoj ti jayib c'ac'al la xchic' pom ta stojol baaletique, xchi'uc ta sventa ti la sc'ac'ubtas sba lec ta staq'uinal xchiquin, ta snats' ti c'alal bat sta yajmultaque, yu'un la ch'ayun o ta yo'nton li vu'une”, xi li Muc'ul Diose.

Oseas 8:13

Lec xa'yic yaq'uel li milbil matanale xchi'uc sti'bel li sbec'tale, pero mu'yuc lec chquil li c'usi tspasique. Mu xch'ay ta co'nton li c'usi chopol tspasique. Ta xcac'be stoj li smulique, jech ta sutic batel ta Egipto banamil.

Levítico 18:25

Li banamil bu nacalique boliben o yu'unic. Ta jchapan ta sventa ti jech tspasique, jech ta xetaatic loq'uel yu'un li banamile.

Levítico 26:25

Ta jtac tal boch'otic chasmiloxuc; ja' spacol ta sventa ti mu xach'unic li c'usi chapanbil cu'une. Ac'o me chbat anac' abaic ta lumetic avu'unic, pero ta jtac tal chamel ta atojolic; xchi'uc chacac'oxuc o ta sc'ob li avajcontraique.

Nahúm 1:2

Li Muc'ul Diose ja' Dios ti sna' x'it'ixaj yo'ntone, xchi'uc ja' jpac-ajvalil; ja' tspacbe sutel li boch'o chcontrainat yu'une, ta xilinta li yajcontrae.

Deuteronomio 32:35

Vu'un oy ta jventa ta xcac'be spacol, vu'un jtuc ta xcac'be stoj, ja'o ti c'alal tsta yorail chlaj stsatsalique. Nopol xa yorail ti ch-ulique; nopol xa yorail ti chlajique’, xi li Muc'ul Diose.

Deuteronomio 32:43

“Cuxetuc me avo'ntonic cristianoetic ta banamil. Cuxetuc me avo'ntonic vo'oxuc ti steclumaloxuc Diose. Li Diose ta spacbe sutel li boch'o imilbunuc yajtuneltaque. Ta spacbe sutel scotol li yajcontrataque, xchi'uc ta xch'aybe ta yo'nton smul scotol li jteclum yu'une xchi'uc c'alal ta yosilalic”, xi li q'ueoj la sq'uejinta Moisese.