Jeremías 5:7 - Bible in Tzotzil de Chenalhó with Deuterocanon

⁷ Ja' yu'un jech chal li Muc'ul Diose: “¿C'u x'elan xu' ta jts'icbot yepal li amul le'e? Li anich'nabique la scomtsanicun; c'alal oy c'usi chalic ta jamale, ja' la st'abbeic sbi li c'usi muc diosuque. Laj cac'be ep sve'elic, pero ja' no'ox imulivajic; muc vu'cun laj yich'icun ta muc', ja' no'ox ibatic ta snail muliletic.

Bible in Tzotzil de Chamula

⁷ Ti Diose xi ta xale: “¿C'u ono'ox la xachi ta jch'aybot amul yu'un scotol le'e? Laj xa svalopatinun comel ti anich'nabe, ti utsuc xa sva'anic ta rextico ti diosetic ti ma'uc diosetique. Busul no'ox ti sve'el laj cac'beique. Ti stuquic une, yan ti sjol yo'ntonic ta jtojole, ti xvoletic no'ox ta yaq'uel sbaic ta stojol ti ants ti sna' sbolomalin sbae.

Jeremías 5:7 Iomraidhean Croise

2 Crónicas 13:9

Jech noxtoc ¿me muc vo'ocoxuc xanutsic loq'uel ta atojolic li paleetic yu'un Muc'ul Dios, ja' li smomnich'nabtac Aarón xchi'uc levietique? ¿Me muc vo'oxuc xat'ujic yan paleetic avu'unic jech chac c'u cha'al paleetic yu'unic li boch'otic mu'yuc yich'ojic ta muc' Diose? Ja' no'ox me ital yac' sbaic ta lecubtasel ta jcot ch'ium tot vacax xchi'uc ta vuccot tot chije, ja' xa paleetic chcomic o yu'un li c'usi muc ja'uc diosetique.

Job 31:12

Yu'un li mulil le'e ja' jech chac c'u cha'al c'oc' ti chmilvane, ti chchic' scotol li c'usi oy cu'une.

Salmos 50:18

Yan li j'eleq'ue ja' lec chavil; ja' jmoj avo'nton achi'uc li jmulaviletique.

Jeremías 12:16

Pero me ja' chlic xchanic jech chac c'u cha'al tspasic li jteclumale, me vu'un chlic st'abbicun jbi jech chac c'u cha'al la xchanubtasic ta st'abbel sbi sdiosic Baal ec li jteclumale, me jech lic yalique: ‘Ta melel ja' no'ox stuc cuxul li Diose’, me xiique, lec chbatic ta stojol li jteclumale.

Jeremías 13:27

ja' ti jun avo'nton laj asa' amule, ti ven q'uexlal sba c'usi laj apas ta te'tique, xchi'uc ti laj apas muliletic te ta vitsetique. ¡Ay, toj abul aba, Jerusalén! ¿Me chac'an to chalecube? ¿Baq'uin to chalecubtas aba?”, xi li Diose.

Jeremías 16:11

Jech xavalbe: ‘Jech chal li Muc'ul Diose: Ja' ta scoj ti la scomtsanicun li amoltot ayame'ique. Ja' bat yich'ic ta muc' li yantic diosetique, ja' itunic yu'un; la squejan sbaic ta stojol. Vu'un la scomtsanicun; muc xich'ic ta muc' li mantaletic cu'une.

Jeremías 16:20

¿Me yu'un xu' ta spas sdios stuc li cristianoe? ¡Xu' yu'un ta spas, pero li diosetic ta spase puru lo'lael no'ox!”, xi chlic yalic.

Jeremías 2:11

Li yantic lumetique ¿me oy ta sjelta sdiosic? Ta melel muc ja'uc bats'i Dios. Pero vo'oxuc li cu'untacoxuque, laj xa acomtsanicun vu'un ti alequilalic c'otemune; ja' xa laj adiosinic li c'usi mu'yuc stue.

Jeremías 2:31

Vo'oxuc ti cuxuloxuc li' ta orae, a'yo ava'yic c'usi chcal, vu'un li Muc'ul Diosune. ¿Me yu'un ja' jechun jech chac c'u cha'al xocol banamil? ¿Me ja' jechun jech chac c'u cha'al ic'al osil chavilic? Jteclumal, ¿c'u yu'un ti jech chavalique: ‘Mu'yuc boch'o sventauncutic, mu'yuc xa chisutcutic o tal ta atojol?’, ti xachiique.

Jeremías 23:10

Yu'un li banamile inoj ta jmulavil cristianoetic, ja' ta scoj ti puru mulil batem ta yo'nton li cristianoetique; solel ja' laj yac'beic yipal spasel li c'usi muc tuc'uque. Jech isoc o li banamile; itaquij scotol li ts'i'laltique.

Jeremías 3:19

“Jech chcal jtuc vu'un li Muc'ul Diosune: Israel, vu'une scotol co'nton la jnich'oninot, jech laj cac'bot avich' li lequil banamil ti ja' no'ox stuc toj lec ta scotol yantic banamile. La jnop ti ‘Tati’ xavutun oe, ti mu'yuc chavoc' aba ta jtojole.

Jeremías 3:8

laj yil ti laj quicta comel li jtoyba Israel ti laj cac'be lec svunal ti muc xa quic'ojuque. Pero li jbajmantal Judae mu'yuc ixi' o; ibat mulivajuc ec.

Jeremías 7:9

Ja' no'ox cha'elc'ajic, chamilvanic, chamulivajic; oy c'usi chavalic ta jtojol ti mu meleluque. Chachic'beic pom li Baale; ja' chbat avich'ic ta muc' li yantic diosetic ti mu xavotquinique.

Jeremías 9:1

¡Oyuc c'uxi xc'ataj ta chupleb vo' li jole; oyuc c'uxi xc'ataj ta loq'ueb vo' li jsate, yu'un jech xu' chcoc'ta ta c'ac'al ta ac'ubal li anima jchi'iltaque!

Jeremías 9:2

¡Oyuc boch'o yac'bun cavil te ta xocol banamil, yu'un te chbat naquicun, yu'un jech xu' ta jvoc' jba batel ta stojol li jchi'iltaque! Yu'un scotolic puru jmulaviletic; yu'un puru chopol stalelic o.

Lamentaciones 3:42

“Li vu'uncutique ep jtaoj jmulcutic ta atojol; ep la jtoy jbacutic ta atojol, muc xats'icbuncutic.

Ezequiel 22:11

Oy boch'o la sc'opanbe yajnil xchi'ilic noxtoc; oy boch'o la sc'opan yalib noxtoc ti solel toj q'uexlal sbae; oy boch'o laj yuts'intabe stseb stot noxtoc.

Oseas 11:8

“¿C'u x'elan xu' ta jcomtsanot, Efraín? ¿C'u x'elan xu' ta xquictaot, Israel? ¿Me xu' ta xculesot jech chac c'u cha'al laj cules li Admae? ¿Me xu' ta jinesot jech chac c'u cha'al la jines li Zeboime? Toj yan sba co'nton avu'unic, yu'un toj ep jc'anojoxuc.

Oseas 13:6

“Pero c'alal toj lec noj ach'utic cu'un te ta xocol banamile, lic atoy abaic ta jtojol, jech laj ach'ayicun o ta avo'ntonic.

Oseas 4:2

Ja' no'ox epajem li epalc'ope, li lo'lavaneje, li milvaneje, li eleq'ue, li mulivajele, xchi'uc li sa' c'ope. Isoc xa o ta j'ech'el, puru milbail xa no'ox.

Oseas 7:4

Scotolic puru jpasmuliletic; ja' jechic jech chac c'u cha'al horno ti te tsanal o sc'ac'al ti muc persauc chchuch li jpaspan c'alal chlic svots' arinae xchi'uc ti c'alal to chpajube.

Levítico 20:10

“Me oy boch'o tsc'opanbe yajnil xchi'ile, ac'o yich' milel li vinic xchi'uc li antse.

Amós 8:14

Li boch'otic tsva'anic ta testigo li sloc'obal diosetic ta Samariae, li boch'o tsva'anic ta testigo li sloc'obal dios ta Dane, li boch'o tsva'anic ta testigo li sloc'obal dios ta Beersebae, j'ech'el chyalic o ta lum, mu xa stotsic o”, xi li Muc'ul Diose.

Sofonías 1:5

Ta xculesic noxtoc li boch'otic chmuyic ta yamaq'uil jol na tsquejan sbaic batel ta stojol li c'usitic oy ta vinajele, xchi'uc li boch'otic tst'abbicun jbi c'alal oy c'usi chalique, xchi'uc ti tst'abbeic sbi noxtoc li sdiosic Milcome.

Malaquías 3:5

Li Muc'ul Dios ti tspas ta mantal scotol te ta vinajele jech chal: “Vu'un chtal jchapanoxuc. Vu'un ta jva'an jba ta testigo ta scontrainel li j'ac'chameletique, li jmulaviletique, li boch'otic tst'abbeic sbi Dios c'alal ch-epalc'opojique, xchi'uc li boch'otic tslo'laic j'abtel yu'unique, xchi'uc li boch'otic abul sba yu'unic me'on antsetic, xchi'uc me'on ololetique, xchi'uc li boch'o mu'yuc tuc' c'usi tspasbeic yanlumetique, ti solel mu'yuc jxi'elal cha'yic oe”, xi li Muc'ul Diose.

1 Corintios 6:9

¿Me mu xana'ic ti mu xu' ch-och yo' bu chventainvan Dios li boch'otic chopol c'usitic tspasique? Mu me xalo'la abaic. Yu'un mu xu' ch-ochic yo' bu chventainvan Dios li boch'otic chmulivajique, li boch'otic chich'ic ta muc' c'usi cuybilic ta diose, li boch'otic ta xmulivajic ta xchi'il no'ox sbaic ta antsil xchi'uc ta xchi'il no'ox sbaic ta vinicale,

1 Corintios 8:4

Ta sventa ti chajaq'uic me xu' chati'ic li smoton c'usitic cuybilic ta diose, pero xana'ic xa ti mu'yuc c'usi stu o li c'usitic cuybilic ta dios li' ta banamile; xana'ic ti jun no'ox Dios oye.

Gálatas 4:8

Ta vo'one c'alal mu to'ox xavotquinic Diose, ja' to'ox latunic yu'un li c'usitic mu ja'uc diose.

Deuteronomio 32:15

“Pero iju'p li Jesurune,, ipas ta simarón; solel lec xt'ajajet xchi'uc li sjubenale. Pero la scomtsan li Diose, ja' li boch'o ipasat yu'une; la sbaj comel li Jchabivanej yu'une, li Jcoltavanej yu'une.

Deuteronomio 32:21

Laj yaq'uic it'ixajuc co'nton ta sventa ti laj yich'ic ta muc' li c'usi mu ja'uc diose. Laj yaq'uic ilincun yu'un li sloc'obaltac sdiosique. Jech ec li vu'une ta xcac' it'ixajuc yo'ntonic, yu'un ja' ta xlic quic' li boch'otic muc ja'uc jteclum cu'une. Ta xcac' ilinicuc, yu'un ja' ta xquic' li boch'otic bol cristianoetic ch-ilatique.

Hebreos 13:4

Ich'ic me ta muc' acotolic li nupinele. Mu me xasoquesic ta sventa mulivajel li nupinele. Yu'un li boch'o chmulivajic, ti tsc'opan sbaique ta ono'ox xich'ic chapanbel smulic yu'un Dios.

Santiago 4:4

¡Jmulaviloxuc ta stojol Dios! ¿Me mu xana'ic ti yajcontra Dios chijc'ot me ja' ta jc'antic c'usi sventa banamile? Li boch'o ja' lec chil sba xchi'uc li c'usitic sventa banamile, ja' yajcontra Dios chc'ot.

Josué 23:7

Mu me jmojuc c'usi xapas achi'uquic li cristianoetic ti li' to nacajtic comen ta atojolique. Mu me xavich'ic ta muc' li diosetic yu'unique; mu me xat'abbeic sbi ti c'alal oy c'usi chavalique; mu me xatunic yu'un.