Jeremías 5:6 - Bible in Tzotzil de Chenalhó with Deuterocanon

⁶ Ja' yu'un ta xloc' tal leonetic ta toyolaltic ja' ta xti'atic o; ta xloc' tal oq'uiletic ta xocol banamil, ja' ta x'ulesatic yu'un noxtoc. Te ta xmalaatic yu'un jti'val bolometic ta slumalic. Boch'ouc no'ox ta xloc' batel te ta xmilatic o, yu'un i'epaj li stoyobbailique; mu xa albaj c'u yepal li xchopolilique.

Bible in Tzotzil de Chamula

⁶ Jech o xal un, ta xloc' talel leónetic ta muc'tiquil vitsetic ti ta xmilatic yu'une. Ta xloc' talel oq'uiletic ta sbajtical banomil ti ta xlilinatic ta ti'el yu'une. Ti ta slumalique, buyuc no'ox ch'ambil ta be ta xc'ot yu'un ti jchop o ta bolometique. J'ech'el ta stsutsesatic mi loc' xa ono'ox talele, ta scoj ti mu albajuc ti smulique, ti mu albajuc c'usi loc' ta sa'el yu'unique.

Jeremías 5:6 Iomraidhean Croise

2 Crónicas 36:14

Jech ec li banquilaletic ta Judae, xchi'uc li paleetique, xchi'uc scotol li jteclume ech'em ibat yu'unic li c'usi chopole; ja' la xchanbeic scotol sbol talelic li yantic lume. La sbolibtasbeic o li ch'ulna yu'un Muc'ul Diose, ja' li yavil bu ch-ich'at ta muc' te ta Jerusalene.

Esdras 10:10

Ja' yu'un li pale Esdrase lic va'luc, jech laj yal: —Li vo'oxuque toj tsots ataoj amulic ta sventa ti laj aviq'uic li yanlum antsetique. Jech laj avaq'uic epajuc mulil ta jtojoltic vu'utic li israelutique.

Esdras 9:6

jech laj calbe: “Dios cu'un, toj ep chiq'uexov ta atojol. Mu xa jna' c'usi chacalbot, yu'un bats'i ep li jmulcutique; jeloven xa c'alal ta jolcutic, c'otem xa c'alal ta vinajel.

Job 10:16

Me ta jc'ochan muyel jole, chavac'bun jvocol jech chac c'u cha'al tspas jcot león c'alal tstsac sve'ele; chavac' ta ilel sq'uelubil atsatsal sventa chavac'bun jvocol.

Salmos 104:20

Vo'ot chavac' taluc li ic' osile, ja' li ac'ubaltique, jech chloq'uic ta xanubal li chonbolometique.

Salmos 80:13

Ta slilinic li vomolchitometique; ta slo'ic li chonbolometique.

Isaías 1:23

Li banquilaletic avu'une puru jbajmantaletic; ja' xa xchi'ilic j'eleq'uetic. Scotolic lec xa'yic xch'amel taq'uin; ja' tsa'ic c'u x'elan xu' ch-ac'bat smotonic. Mu'yuc tuc' chchapanic li me'on ololetique; tsmaquilanbeic ta be xchapanel li me'on antsetique.

Isaías 59:12

Toj ech'em ijelov jtoyobbailcutic ta atojol; jmulcutic xa no'ox xu' chal ti toj chopoluncutique. Yu'un li' oy o ta jtojolcutic li jchopolilcutique; xcotquincutic ti ep li jmulcutique.

Jeremías 14:7

Muc'ul Dios, ac'o me jmulcutic xa no'ox chac' ta ilel ti ta melel toj chopoluncutique, pero li vo'ote paso avabtel ta sventa ac'o ich'atuc ta muc' li abie, yu'un toj ep xa li jtoyobbailcutic ta atojole; ep jtaoj jmulcutic ta atojol.

Jeremías 2:15

¿C'u yu'un ti chtal yich'ic tsaquel jech chac c'u cha'al tstsacvan leone ti xlaquet no'ox sc'oplalique? Solel mu'yuc smelol icom ta ixtanel li yosilalique, xchi'uc stanil icom ta c'oc' li slumalique, solel mu'yuc yajval icom o.

Jeremías 2:17

¿Me mu jechuc lapasbatic ti c'alal laj acomtsanicun? vu'un li Muc'ul Diosun avu'unique, vu'un ti la jtojobtasoxuc tal ta bee.

Jeremías 2:19

Achopolilic no'ox chayac'boxuc atoj amulic; atoyobbailic no'ox chayac'oxuc ta vocol. Nopic me lec, q'uelo lec avilic ti toj chopol, ti acomtsanojicun vu'un li Muc'ul Diosun avu'unique, ti muc xavich'icun ta muq'ue. Jech chcal jtuc vu'un li Muc'ul Diosune, vu'un li Diosun ti ta jpas ta mantal scotol te ta vinajele.

Jeremías 2:31

Vo'oxuc ti cuxuloxuc li' ta orae, a'yo ava'yic c'usi chcal, vu'un li Muc'ul Diosune. ¿Me yu'un ja' jechun jech chac c'u cha'al xocol banamil? ¿Me ja' jechun jech chac c'u cha'al ic'al osil chavilic? Jteclumal, ¿c'u yu'un ti jech chavalique: ‘Mu'yuc boch'o sventauncutic, mu'yuc xa chisutcutic o tal ta atojol?’, ti xachiique.

Jeremías 25:38

Yu'un ja' jech chloc' tal jech chac c'u cha'al jcot león ti chloc' tal ta xch'ene, jech ta syavnaijes scotol li yosilalique, yu'un liquem sc'ac'al yo'nton li Muc'ul Diose; bats'i toj tsots i'ilin li j'ulesvaneje.

Jeremías 30:14

Li boch'otic lec ac'anoj aba achi'uquique ta xch'ayoxuc o ta yo'nton, mu'yucoxuc xa o ta yo'nton. Yu'un ep layayij cu'un jech chac c'u cha'al li boch'o lec chac'be yajcontrae; lec laj cac'bot nucul jech chac c'u cha'al chac' nucul li boch'o toj simarone, ja' ta scoj ti toj ep c'usi chopol laj apase, ti mu albaj c'u yepal laj asa' li amule.

Jeremías 30:15

¿C'u yu'un cha'avanic ta scoj li tsots avocolique? Yu'un mu stac' poxtael li c'usi c'ux chava'yique. Ja' ta scoj toj ep achopolilic, toj ep amulic ti jech la jpasboxuque.

Jeremías 30:24

Muc teuc no'ox ch-ech' li sc'ac'al yo'nton Muc'ul Diose, ja' to ti me ic'ot ta pasel yu'un li c'usi snopoj tspase. Ta to sta sc'ac'alil chava'ibeic smelol scotol le'e.

Jeremías 4:7

Li leone loq'uem xa tal ta xch'en; li boch'o ta sjines jujun banamile sbats'il xa tal xanubal, loq'uem xa tal ta yosilal, yu'un chtal yules li avosilalic, li lumetic avu'unique; ta sjines comel, mu'yuc xa yajval chcom yu'unic o.

Jeremías 49:19

Ta xital jech chac c'u cha'al jcot león chloc' tal ta toyolal te'tic ta uc'um Jordán, ti chbat yo' bu lec sve'el li chijetique. Ta xcac' jatovicuc loq'uel ta anil li edometique, xchi'uc ta xcac' pasaticuc ta mantal yu'un li boch'o t'ujbil cu'un ch-och ta ajvalilale. ¿Me oy boch'o xco'laj jech chac c'u cha'al li vu'une? ¿Me oy boch'o xu' chistsalun? ¿Me oy junuc jchabichij ti xu' yu'un chtal sva'lebinune?

Jeremías 8:5

Pero vo'oxuc ti li' nacaloxuc ta Jerusalene, ¿c'u yu'un ti j'ech'el atoyoj abaic o ta jtojole? ¿C'u yu'un ti chajipilanicun comel ta avo'ntonique? Ja' laj ach'unic o li c'usi mu meleluque; ja' mu xa xac'an xasutic tal o ta jtojol.

Jeremías 8:7

Li ciguenya mute sna'ojbe lec yorail c'usi ora tsut batel ti bu ono'ox ilic batele; li puruvoc stsue, li grulla mute, xchi'uc li xaval-eq'uenetique sna'oj lec c'usi ora tsutic batel, pero vo'oxuc li jteclumaloxuque mu xana'ic, mu xavotquinic o li mantaletic cu'une.

Lamentaciones 1:5

Li yajcontrataque ja' xa jpasmantaletic ic'otic; li boch'otic chopol yo'ntonic ta stojole toj jun xa yo'ntonic. Yu'un i'ac'bat svocol yu'un Muc'ul Dios ta scoj ti ep la stoy sbae. Li xnich'nabe chucbil ibatic; i'ic'bat batel yu'un li yajcontrataque.

Ezequiel 16:25

Ta jujun be ta yochebal lumetic laj apas toyol c'opojebaletic; laj abolibtas ta jyalel li at'ujumale. Laj avac' aba ta stojol li boch'otic te ijelovique; bats'i epal mulil laj apas ta jyalel.

Ezequiel 22:27

Li banquilaletic avu'une ja' jechic jech chac c'u cha'al oq'uil ti biq'uitic tslilin sve'ele, yu'un la smalic ep ch'ich'; ep xa imilvanic sventa tspasic o ta jc'ulej.

Ezequiel 23:19

Solel toj ech'em ibat spasel yu'un li mulile; ja' la svules ta sjol ti c'u ono'ox x'elan la spas ta stsebal te ta Egiptoe,

Daniel 7:4

Li sbae xco'laj xchi'uc león, oy xic' jech chac c'u cha'al xic. Te jq'ueloj laj yich' c'ocbel li xiq'ue. Laj yich' va'anel ta sba banamil, iva'i ta yacan jech chac c'u cha'al cristiano. Laj yich' ac'bel sjol yo'nton jech chac c'u cha'al sjol yo'nton cristiano.

Daniel 7:6

“Li yoxcotal laj quile xco'laj xchi'uc bolom. Oy chanib xic' ta spat, xchi'uc chanib sjol; laj quil i'ac'bat spas mantal.

Oseas 5:14

Li vu'une xco'laj xchi'uc leonun chic'ot ta stojol li Efraine; xco'laj xchi'uc ch'ium león chic'ot ta stojol li Judae. Vu'un jtuc chbat jlilin, chbat jvoch'i; mu'yuc boch'o tscolta loq'uel ta jc'ob.

Habacuc 1:8

Li ca'etic yu'unique xjelov to x'anilaj jech chac c'u cha'al jti'val bolometic, xchi'uc ja' xjelov simaronilic jech chac c'u cha'al oq'uiletic chanov ta ac'ubaltic. Li soldadoetic cajajtic ta ca'e ven ep ta jyalel; solel xvilic no'ox ta anil ta nom jech chac c'u cha'al xic ti xjublej no'ox yalel ta stsaquel sve'ele.

Sofonías 3:3

Li banquilaletic avu'une xlaquetic no'ox jech chac c'u cha'al leonetic; li jchapanvanejetic avu'une ja' jechic jech chac c'u cha'al oq'uiletic ti chbat stsac sve'el ta bat c'ac'al, ti mu xa jch'ixuc sbac tscomtsan ta sventa yoc'omale.

Números 32:14

Ta ora vo'oxuc ti xnich'naboxuc xa li jpasmuliletique, chac'an jech chapasic ec jech chac c'u cha'al la spasic li atotique, yu'un chasa'beic sc'ac'al yo'nton Muc'ul Dios yan velta ta stojol li jchi'iltactique.

Apocalipsis 13:2

Li muc'ta chon laj quile xco'laj xchi'uc jti'vanej bolom. Li yoc sc'obe xco'laj xchi'uc yoc sc'ob oso. Li yee ja' jech chac c'u cha'al ye león. Li dragone laj yac'be svu'el jech chac c'u cha'al svu'el stuc. Laj yac'be spas mantal jech chac c'u cha'al tspas mantal stuc. Tsots yabtel laj yac'be.