Jeremías 5:5 - Bible in Tzotzil de Chenalhó with Deuterocanon

⁵ Ja' ta xibat quic ta stojol li boch'otic lec bijique. Ja' van cha'ibeic smelol c'usi tsc'an li Muc'ul Diose; ja' van chc'ot ta yo'ntonic smantal li Dios yu'unique”, xichi. Pero scotolic la sbajbeic smantal li Diose; muc sc'an xich'ic o ta muc'.

Bible in Tzotzil de Chamula

⁵ Bat jol ta yalbel sc'oplal ti buch'utic chapalic lec ta yojtiquinele. Lec cac'tic une, mu'yuc macalic c'usi ta sc'an ti Diose, ti c'usi yaloj ta smantal ti Dios yu'unique. Scotolic le'e, c'otemic ta yajcontra ti Diose, ti laj svalopatinic comel ti c'usi yaloj une.

Jeremías 5:5 Iomraidhean Croise

2 Crónicas 36:14

Jech ec li banquilaletic ta Judae, xchi'uc li paleetique, xchi'uc scotol li jteclume ech'em ibat yu'unic li c'usi chopole; ja' la xchanbeic scotol sbol talelic li yantic lume. La sbolibtasbeic o li ch'ulna yu'un Muc'ul Diose, ja' li yavil bu ch-ich'at ta muc' te ta Jerusalene.

Éxodo 32:25

C'alal laj yil Moisés ti ja' xa te batem o yo'ntonic yu'un mulil li israeletic ta scoj ti te no'ox sq'ueloj ec li Aarone, xchi'uc ti chac' sbaic ta labanel yu'un li yajcontraique,

Isaías 1:23

Li banquilaletic avu'une puru jbajmantaletic; ja' xa xchi'ilic j'eleq'uetic. Scotolic lec xa'yic xch'amel taq'uin; ja' tsa'ic c'u x'elan xu' ch-ac'bat smotonic. Mu'yuc tuc' chchapanic li me'on ololetique; tsmaquilanbeic ta be xchapanel li me'on antsetique.

Jeremías 2:20

“Ep xa c'ac'al laj atuch' loq'uel avaq'uil; laj apas aba ta mantal atuc, jech laj aval: ‘Mu jc'an xitun avu'un’, xachi. Jech te labat ta scotol toyol vitsetic, ta yolon muc'tic te'etic; xco'laj xchi'uc jmulavil ants lac'ot ta sventa li c'usi laj apase.

Jeremías 2:31

Vo'oxuc ti cuxuloxuc li' ta orae, a'yo ava'yic c'usi chcal, vu'un li Muc'ul Diosune. ¿Me yu'un ja' jechun jech chac c'u cha'al xocol banamil? ¿Me ja' jechun jech chac c'u cha'al ic'al osil chavilic? Jteclumal, ¿c'u yu'un ti jech chavalique: ‘Mu'yuc boch'o sventauncutic, mu'yuc xa chisutcutic o tal ta atojol?’, ti xachiique.

Jeremías 30:14

Li boch'otic lec ac'anoj aba achi'uquique ta xch'ayoxuc o ta yo'nton, mu'yucoxuc xa o ta yo'nton. Yu'un ep layayij cu'un jech chac c'u cha'al li boch'o lec chac'be yajcontrae; lec laj cac'bot nucul jech chac c'u cha'al chac' nucul li boch'o toj simarone, ja' ta scoj ti toj ep c'usi chopol laj apase, ti mu albaj c'u yepal laj asa' li amule.

Jeremías 6:13

“Yu'un c'alal ta biq'uit ta muc' batem ta yo'ntonic sa'el li c'usi chtun yu'un stuquique. C'alal ta j'alc'opetic ta paleetic, puru lo'lavanej tspasic.

Jeremías 8:7

Li ciguenya mute sna'ojbe lec yorail c'usi ora tsut batel ti bu ono'ox ilic batele; li puruvoc stsue, li grulla mute, xchi'uc li xaval-eq'uenetique sna'oj lec c'usi ora tsutic batel, pero vo'oxuc li jteclumaloxuque mu xana'ic, mu xavotquinic o li mantaletic cu'une.

Jeremías 9:3

Li yoq'uique puru epalc'op tsjip loq'uel jech chac c'u cha'al st'ilesubil flecha. Muc ja'uc laj yac'beic yipal spasel li c'usi melel li' ta cosilaltique; solel isoquic o ta j'ech'el. Ja' yu'un jech chal li Muc'ul Diose: “Solel mu sc'an xiyotquinicun o”, xi.

Ezequiel 11:2

Li Muc'ul Diose jech laj yalbun: “Vo'ot xnich'on cristiano, le'e ja' li viniquetic ti yochelic xchapanel c'usitic toj chopole, xchi'uc ti chalic chopol mantal li' ta lume.

Amós 4:1

A'yo ava'yic antsetic, vo'oxuc ti te nacaloxuc ta Samariae, ti ja' jechoxuc jech chac c'u cha'al juben me' vacaxetic ta Basane, ti chavuts'intaic li me'onetique, ti chavac'beic svocol li boch'otic abul sbaique, ti jech chavalbeic mantal li amalalique: “Ich'o tal pasem ya'lel ts'usub cuch'tic”, ti xavutique.

Amós 6:1

Ay, toj abul sbaic li boch'otic jeche' no'ox chcux yo'ntonic te ta Sione, xchi'uc li boch'otic mu c'u xtal ta yo'ntonic te nacalic ta Samariae, ja' li banquilaletic te ta jun banamil ti muc' sc'oplal ta scotol yantic banamile, ti ja' te yac'oj sbaic scotol li israeletique.

Miqueas 3:11

Yu'un li jchapanvanejetic tee ta puru taq'uin chchapanvanic; li paleetique ta puru tojbil chchanubtasvanic; li j'alc'opetique ta taq'uin chalic li c'usi chc'ot ta pasele. Chalic ti ja' chcoltaatic yu'un Diose, jech chalic: “Li' xchi'inojutic li Muc'ul Diose; mu'yuc c'usi chopol chtal ta jtojoltic”, xiic.

Malaquías 2:7

Yu'un li boch'o la jtiq'uic ta paleale ja' yabtel ac'o yalic, ac'o loc'uc ta yeic li bijubtasele, xchi'uc ac'o xchanubtasic ta xch'unel jmantal li xchi'iltaquique, yu'un ja' cajtuneltac, vu'un li Muc'ul Diosun ti ta jpas ta mantal scotol te ta vinajele.

San Lucas 18:24

C'alal laj yil Jesús ti ep chat yo'ntone, jech laj yal: —Toj vocol chac' sbaic ta ventainel yu'un Dios li jc'ulejetique.

San Lucas 19:14

Pero ibajat yu'un li xchi'iltaque, jech lic staquic batel boch'o chbat yal ti bu batem yich' tal yabtele. Jech c'ot yalic: ‘Mu jc'ancutic ja' ta x'och ta ajvalilal cu'uncutic li jchi'ilcutic le'e’, xiic c'otel.