Jeremías 5:3 - Bible in Tzotzil de Chenalhó with Deuterocanon

³ Muc'ul Dios, li c'usi chasa'e, ja' ti oyuc boch'o melel c'usi chale. Laj avac'be nucul, pero mu'yuc c'ux laj ya'yic; laj avac'be tsots svocolic pero muc xbijubic o. Toj tsots la spas sbaic jech chac c'u cha'al ton; me jutuc muc sutes yo'ntonic o.

Bible in Tzotzil de Chamula

³ Cajval, ochemot ta sa'el jnaclejetic ti tuc' sjol yo'ntone. Laj atsits, mi ja'uc laj ya'ibeic xc'uxul un; laj abusanbe ta stojolic ti vocole, mi ja'uc laj yich' o yo'ntonic. Mu'yuc c'usi sc'anic albel. Ti yo'ntonique x'ech' to syijil bat jech c'u cha'al ti tone, laj to ta alel yu'unic ta stamel ti tuq'uil bee.

Jeremías 5:3 Iomraidhean Croise

Génesis 19:34

Ta yoc'omale jech laj yalbe smuc li vixile: —Samele vu'un la jchi'in ta vayel li jtotique. Li' ta ac'ubaltic tanae ta xcac'tic yacubuc noxtoc, vo'ot xa chachi'in ta vayel ec, yu'un jech jchibaltic oy xnich'on cu'untic —xut.

1 Reyes 13:33

Ac'o me jech i'albat, pero li Jeroboame mu'yuc ono'ox la scomtsan li c'usi chopol tspase, yo'to lic st'ujan paleetic yu'unic te ta stojol li israeletique yu'un ac'o tunicuc te ta snail li diosetic yu'unique. Li boch'o jech la sc'anique la sts'u'iltas o sventa paleal.

2 Reyes 1:13

Li ajvalile la stac batel yoxibal velta yan jun banquilal soldado xchi'uc li lajuneb yoxvinic (50) yajsoldadotaque. Li banquilal soldadoe imuy batel yo' bu oy li Eliase; la squejan sba ta stojol jech laj yalbe: —Vo'ot li yaj'alc'opot Diose, ach'ul vocoluc, mu xamilun xchi'uc li lajuneb yoxvinic (50) avajtuneltac li'i.

2 Crónicas 16:9

Yu'un li Muc'ul Diose ja' sq'ueloj scotol li banamile, jech xu' chac' ta ilel svu'el ta stojol li boch'o scotol yo'ntonic tsc'anic coltael yu'une. Ta scoj abolil ti jech laj apase, ja' yu'un li' ta ora xchi'uc le' to batele chlic ep pleito ta atojol”, xut.

2 Crónicas 28:22

La sta ep svocol li Acaze, pero yo'to ech'em la spas c'usi chopol ta stojol li Muc'ul Diose.

Salmos 51:6

Ta melel li vo'ote ja' chac'an li boch'o melel xc'opoje; laj avac'bun jna' ta co'nton c'usi ta jpas.

Salmos 51:8

Ac'bun jun co'nton xchi'uc xcuxetel co'nton; cuxesbun lec co'nton, yu'un toj aluben licom ta scoj li vocol laj avac'bune.

Salmos 55:20

Yu'un chlic yuts'intaic noxtoc li yantic ti co'ol to'ox yo'ntonic xchi'uque; mu xc'ot ta pasel yu'unic ti yalojic lec chil sbaic oe.

Proverbios 21:29

Li boch'o tuc' yo'ntone ta melel lec tsnop li c'usi tspase; yan li boch'o chopole ja' no'ox chac' ta ilel ti lec jun yo'nton yilele.

Proverbios 22:12

Li Muc'ul Diose chchabibe lec c'usi tsnop li boch'o bijique; tsmacbe ta be c'usi tsnopic li jlo'lavanejetique.

Proverbios 23:35

Ts'acal jech chlic aval: “La smajicun pero mu'yuc c'ux xca'ay; laj yac'bicun nucul pero muc xca'ay, pero icux xa co'nton, chbat jsa' yan velta li poxe”, xachi.

Proverbios 27:22

Ac'o me solel chamaj jech chac c'u cha'al trigo li boch'o bole, mu ono'ox xloc' o li sbolil yo'ntone.

Isaías 26:11

Muc'ul Dios, ac'o me aye'oj xa ac'ob, pero mu xilic. C'alal chilic ti ep c'ux ta avo'nton li ateclumale, q'uexlal cha'yic, it'ix yo'ntonic. Ja' lec ti oyuc c'uxi lajicuc ta c'oc' li avajcontrataque.

Isaías 42:25

Ja' yu'un i'ilin ta atojolic, laj yac'boxuc avocolic; laj yac'oxuc ta tsalel ta tsots pleito. Itsan c'oc' ta buyuc no'ox, pero muc xavich' avo'ntonic o; c'an xa ulanic o, pero muc ono'ox xavich'ic ta muc'.

Isaías 48:4

Jna'oj ono'ox ti toj toybaoxuque, ti xco'laj xchi'uc tsatsal taq'uin li avo'ntonique, ti xco'laj xchi'uc bronce taq'uin li ajolique.

Isaías 9:13

Pero li israeletique muc sutic tal ta stojol li Dios ti ja' chac' jtoj jmultique; muc ja'uc la sa'ic li Muc'ul Dios ti ech'em svu'ele.

Jeremías 15:7

Ja' yu'un li jnaclumetique ta jvij batel jech chac c'u cha'al solil trigo, ta jloq'ues o batel ta scotol lumetic ta avosilal; mu'yuc yalab xnich'nab ta jcomtsanic, ta xcules o ta j'ech'el, yu'un mu sc'an scomtsanic li chopol be stamojique.

Jeremías 17:23

Pero li stuquique muc xch'unbicun, muc xchiquintaic; la stsatsubtas yo'ntonic, jech muc stuc'ulanic, muc sc'anic taq'uiel.

Jeremías 19:15

“Li Muc'ul Dios ti tspas ta mantal scotol te ta vinajele, ja' li Dios yu'un Israele, jech ta xal: ‘Ta jtacbe tal tsots vocol li lum li'i xchi'uc li yantic lumetic li' ta spat xocone jech chac c'u cha'al jnopoj ono'oxe, yu'un solel stsatsubtasoj o yo'ntonic, mu sc'an xch'unic o li c'usi chcale’, xi li Muc'ul Diose”, xut.

Jeremías 2:30

Altic no'ox laj cac'be nucul li anich'nabique, yu'un muc xtuq'uibic o, muc xlecubic o. Vo'oxuc laj amilic ta espada j'alc'opetic avu'unic jech chac c'u cha'al chmilvan li leonetique.

Jeremías 3:3

Ja' yu'un muc xtal li vo'e, jech muc xa xac' o c'alal yorail vo'olaltic. Li asate ja' co'ol xchi'uc sat jmulavil ants, jech mu'yuc q'uexlal sba chava'ay o.

Jeremías 32:19

Toj jun yutsil li c'usi anopoje, toj muc'tic li avabtele. Xavotquin scotol c'usi tspasic li cristianoetique, yu'un jech chavac'be stojol jujun ti c'u x'elan yabtelique.

Jeremías 35:13

“Jech chacalbot vu'un li Muc'ul Diosun ti ta jpas ta mantal scotol te ta vinajele, vu'un li Diosun yu'un Israele: Batan, jech xbat avalbe li jnaclumetic ta Judá xchi'uc ta Jerusalene: ‘Ja' me jech xachanic ec; ich'ic me ta muc' li jc'ope.

Jeremías 44:10

Li' ta orae mu'yuc chabic'tajes abaic o; mu'yuc bu chaxi'ic cu'un. Mu ja'uc chapasic c'usi chal li mantaletic, li chanubtaseletic cu'un ti laj cac'boxuc achi'uc li amoltot ayame'ique.

Jeremías 7:26

Pero muc xavich'ic ta muc', muc xach'unbeic li c'usi laj yalboxuque. Solel laj atsatsubtas avo'ntonic; ech'em to labatic jech chac c'u cha'al li amoltotaquique.

Jeremías 7:28

Jech xaval: ‘Li jun banamil li'i mu sc'an xich'beic ta muc' sc'op li Muc'ul Dios yu'unique; muc sc'anic o tojobtasel yu'un. Solel ich'ay o ta yeic li c'usitic leque, li c'usitic melele’, chian”, xiyutun li Muc'ul Diose.

Jeremías 8:5

Pero vo'oxuc ti li' nacaloxuc ta Jerusalene, ¿c'u yu'un ti j'ech'el atoyoj abaic o ta jtojole? ¿C'u yu'un ti chajipilanicun comel ta avo'ntonique? Ja' laj ach'unic o li c'usi mu meleluque; ja' mu xa xac'an xasutic tal o ta jtojol.

Ezequiel 2:4

Ja' yu'un ta jtacot batel ta stojol li jtacchiquinetique, ti toj tsots yo'ntonique. Jech xc'ot avalbe: ‘Jech chal li Muc'ul Diose, ja' li Cajvaltique’, uto.

Ezequiel 24:13

‘Jerusalén, ta jc'an ox ta jpocbot loq'uel li achopolil ta scoj amule, pero muc ono'ox xacom o ta lec. Ja' to xu' chpoc loq'uel scotol c'alal me la jloq'ues scotol li sc'ac'al co'nton ta atojole.

Daniel 9:13

Jech chac c'u cha'al ts'ibabil comel yu'un li Moisese, ja' jech ital ta jtojolcutic li vocole. Pero mu'yuc ta co'nton ta jsa'otcutic, Muc'ul Dios cu'un. Mu'yuc ta co'nton ta jcomtsan li jmulcutique; mu ja'uc ta jt'uncutic batel li c'usi melel avaloje.

Levítico 26:23

“Pero me mu xatuq'uibtas abaic o jeche, me te acontrainojicun oe,

Amós 4:10

“La jtacboxuc tal tsatsal chamel ta atojolic jech chac c'u cha'al la jpas ta stojol li Egiptoe. Laj cac' chamuc ta pleito li queremetic avu'unique, xchi'uc laj cac' batel ta pojel li ca'etic avu'unique. Laj cac' ava'ibeic stuil te ta acarpanaic li boch'otic chamen avu'unique; laj cac' ochuc batel c'alal to ta yut avo'ntonic li stuile, pero muc ono'ox xasutic o tal ta jtojol”, xi li Muc'ul Diose.

Amós 4:11

“Laj cac'boxuc tsots vocol jech chac c'u cha'al la jpasbe li lum Sodoma xchi'uc Gomorrae. Ja' xa jech lacomic jech chac c'u cha'al xupetc'oc' ti loq'uesbil ta c'oq'ue, pero muc ono'ox xasutic o tal ta jtojol”, xi li Muc'ul Diose.

Amós 4:6

“Li vu'une laj cac' taquilevtajuc aveic ta scotol lumetic avu'unic; laj cac' ti ac'o mu'yucuc ave'elic ta scotol ti butic nacaloxuque, pero muc ono'ox xasutic o tal ta jtojol”, xi li Muc'ul Diose.

Amós 4:8

Jech li cristianoetique ibatic ta jujun lum ta sa'el vo' yuch'ic, pero muc staic ti c'u yepal ch-ech' o taqui-o'nal yu'unique. Li vo'oxuque mu'yuc ono'ox xasutic o tal ta jtojol”, xi li Muc'ul Diose.

Amós 4:9

“Jech noxtoc laj cac' tsots avocolic ta scoj muc'ta q'uixin ic' ital ta sloq'ueb c'ac'al, xchi'uc ta scoj ti ital xchanul li c'usitic ats'unojique. Jech ilaj ta c'ulubetic scotol li ts'unubaltic avu'unique, ja' li ts'usubtique, li higotique, li olivatique. Pero muc ono'ox xasutic o tal ta jtojol”, xi li Muc'ul Diose.

Sofonías 3:7

Jech la jnop: ‘Ja' van jech chlic yich'un o ta muc' li Jerusalene; ja' van jech chlic xch'un o li taq'uiel ta xcac'bee, jech mu'yuc ta jyavnaijes o ta sventa li stojol smul laj cac'bee’, xichi. Pero yo'to ech'em laj yac'be yipal spasel li c'usitic chopole.

Romanos 2:2

Li Diose ta jna'tic ti tuc' chapanel chac' ta stojol li boch'otic jech tspasic chac le'e.

Hebreos 12:9

Li jtotic li' ta banamile laj yalbutic mantal, laj yac'butic nucul ti c'alal ololutic toe, pero laj quich'tic ta muc'. ¿C'u yu'un mu ech'emuc to jech chquich'tic ta muc' c'usi chijyalbutic li Jtotic ti ja' laj yac'butic jch'uleltique, yu'un ja' sventa chijcuxiutic?