Jeremías 5:2 - Bible in Tzotzil de Chenalhó with Deuterocanon

² Oy boch'otic chalic ta jamal ta jbi ti chiyich'icun ta muc' vu'un li Muc'ul Diosune, pero altic chalic”, xi li Diose.

Bible in Tzotzil de Chamula

² Oy buch'u ta xal ti nijil chimil ta yich'el ta muc' ti Diose, naca sba no'ox ye.”

Jeremías 5:2 Iomraidhean Croise

Isaías 48:1

“Yalab xnich'nab Jacob, a'yo ava'yic, vo'oxuc ti abiinojic Israele, vo'oxuc li sts'unubaloxuc Judae, vo'oxuc ti oy c'usi chavalic ta jamal ta sbi Muc'ul Diose, ti chana'ilanic to li Dios yu'un Israele, ac'o me mu jechuc smelol, me mu jechuc stuq'uil li c'usi chapasique.

Jeremías 4:2

xu' chaval ta jamal ta sventa jbi. Tsc'an melel, lec cuxul avo'nton, lec oy stuq'uil li c'usi chavale. Vu'un ta jventa tstaic bendición li muc'tic lumetique, xchi'uc vu'un ta jventa ta xmuq'uib lec sc'oplalic”, xi li Muc'ul Diose.

Jeremías 44:26

Judaetic, vo'oxuc ti te xa nacaloxuc ta Egiptoe, a'yo ava'yic c'usi chcal vu'un li Muc'ul Diosune: Oy c'usi jamal chcal ec ta sventa smuc'ul li jbie. Me junuc judaetic mu'yuc xa chiyalbicun o jbi te ta Egipto: Ich'biluc ta muc' Muc'ul Dios, ja' li Ajvalile, mu'yuc xa boch'o xi.

Jeremías 7:9

Ja' no'ox cha'elc'ajic, chamilvanic, chamulivajic; oy c'usi chavalic ta jtojol ti mu meleluque. Chachic'beic pom li Baale; ja' chbat avich'ic ta muc' li yantic diosetic ti mu xavotquinique.

Jeremías 9:2

¡Oyuc boch'o yac'bun cavil te ta xocol banamil, yu'un te chbat naquicun, yu'un jech xu' ta jvoc' jba batel ta stojol li jchi'iltaque! Yu'un scotolic puru jmulaviletic; yu'un puru chopol stalelic o.

Oseas 10:4

Yu'un ja' no'ox chalilanic ti ep c'usi tspasique; ep c'usi chalic ta stojol li Diose. Ep c'usi chchapanic, pero mu xc'ot ta pasel yu'unic. Ja' yu'un li chapanel chtal ta stojolique xojoban no'ox ta nich jech chac c'u cha'al ch'ail vomol ti ch'iemic bu lec locbil li banamile”, xiic.

Oseas 4:15

“Me chamulivaj li vo'ote, Israel, jechuc, pero mu me sa' smul ec li Judae. Mu me xabatic ta Gilgal xchi'uc ta Bet-avén; mu me xloc' ta aveic jbi: ‘Yiloj Dios’, mu me xachiic.

Levítico 19:12

“Mu me xat'abic jbi ta sventa li c'usi chavalique, yu'un xu' jech chasoquesbicun o jc'oplal, vu'un li Muc'ul Diosune.

Sofonías 1:5

Ta xculesic noxtoc li boch'otic chmuyic ta yamaq'uil jol na tsquejan sbaic batel ta stojol li c'usitic oy ta vinajele, xchi'uc li boch'otic tst'abbicun jbi c'alal oy c'usi chalique, xchi'uc ti tst'abbeic sbi noxtoc li sdiosic Milcome.

Malaquías 3:5

Li Muc'ul Dios ti tspas ta mantal scotol te ta vinajele jech chal: “Vu'un chtal jchapanoxuc. Vu'un ta jva'an jba ta testigo ta scontrainel li j'ac'chameletique, li jmulaviletique, li boch'otic tst'abbeic sbi Dios c'alal ch-epalc'opojique, xchi'uc li boch'otic tslo'laic j'abtel yu'unique, xchi'uc li boch'otic abul sba yu'unic me'on antsetic, xchi'uc me'on ololetique, xchi'uc li boch'o mu'yuc tuc' c'usi tspasbeic yanlumetique, ti solel mu'yuc jxi'elal cha'yic oe”, xi li Muc'ul Diose.

1 Timoteo 1:10

xchi'uc li boch'o ta xmulivajique, xchi'uc ti chmulivajic ta xchi'il no'ox sbaic ta vinicale, xchi'uc li boch'o ta xchonvanic ta mozoile, xchi'uc li j'epalc'opetique, xchi'uc li boch'o tst'abbeic sbi Dios ta sventa yepalc'opique, xchi'uc li boch'otic ta scontrainic li lequil chanubtasele.

2 Timoteo 3:5

Jch'unolajel scuyoj sbaic, pero mu xaq'uic ta ilel ti oy stsatsal li Diose. Li boch'otic jech tspasique mu me xachi'in.

SUN TITO 1:16

Chalic ti xotquinic Diose pero ta sventa c'usitic tspasic chvinaj ti mu meleluque. Solel bolibenic o, jbajmantaletic o; mu'yuc stuic o ta sventa li lequil abtele.