Jeremías 5:12 - Bible in Tzotzil de Chenalhó with Deuterocanon

¹² Li Israel xchi'uc Judae mu'yuc xa ta yo'ntonic li Muc'ul Diose, jech laj yalic: “Li Diose mu'yuc c'usi tspas. Mu'yuc c'usi chopol chtal ta jtojoltic; mu'yuc chquiltic pleito, mu'yuc chca'itic vi'nal”, xiic.

Bible in Tzotzil de Chamula

¹² Ti Israele xchi'uc ti Judae mu'yuc ta venta c'ot yu'unic ti Diose, yu'un xi ta xalique: “Ti Diose mu'yuc laj sna'. Mu'yuc c'usi ta xc'ot ta jtojoltic. Mu xvul ta loq'uel ti letoe, ti vi'nale.”

Jeremías 5:12 Iomraidhean Croise

2 Crónicas 36:16

Pero ja' no'ox la stse'intaic c'usi i'albatic yu'un li boch'o tacbilic tal yu'un Diose. Mu'yuc stu laj ya'yic; la sna'leic li j'alc'opetic yu'unique. Ja' yu'un li Muc'ul Diose la sloq'ues sc'ac'al yo'nton ta stojol li steclumale; mu xa stac' poxtael o.

Salmos 10:6

Jech tsnop ta yo'ntonic: “Mu'yuc boch'o xu' chistsalun; mu boch'o xu' chiyilbun jbic'tal”, xiic.

Salmos 14:1

Li boch'otic bolique jech tsnopic: “Mu'yuc Dios”, xiic. Yu'un vovijem xa sjolic o, bats'i chopol c'usitic tspasic; me junuc mu'yuc boch'o lec c'usi tspas.

Proverbios 30:9

Yu'un me ep c'usi oy cu'une xu' chlic ch'ayan ta co'nton, xu' chlic cal ti mu xacotquinote; jech noxtoc, me me'onune xu' chlic elc'ajcun, jech chopol chbat ac'oplal cu'un, vo'ot li Diosot cu'une.

Jeremías 14:22

¿Me yu'un xu' chaq'uic tal vo' li yantic diosetique? ¿Me yu'un xu' chac' tal vo' stuc li vinajele? Mu'yuc, vo'ot no'ox atuc chavac' talel vo', vo'ot li Muc'ul Diosot cu'uncutique. Yu'un vo'ot chapas scotol, ja' no'ox ta jmalacutic li c'usi chapase.

Jeremías 2:6

Mu'yuc la sna'icun jutuc, mu'yuc jech laj yalic: ‘¿Bu oy li Muc'ul Dios ti la sloq'uesutic tal ta Egiptoe, ti laj yic'utic tal ta xocol banamil yo' bu mu'yuc c'usi x'ayin tee, ti mu'yuc boch'o naquiem, ti toj taq'uin, ti mu'yuc boch'o xu' chcuxi, xchi'uc ti mu boch'o sc'an xjelov ta xanubal tee?’, mu'yuc bu xiic.

Jeremías 28:4

Jech noxtoc ta xcac' suticuc tal li' ta banamil li Sedequías ajvalil ta Judá xnich'on Joaquime xchi'uc yantic achi'iltaquic ti co'ol chucbil ibatic ta Babiloniae, yu'un vu'un ta jc'asbe li yabtejeb vacax yu'un ajvalil Nabucodonosore’, xi li Muc'ul Diose —xi.

Jeremías 4:10

Jech laj cal: “¡Ay, Muc'ul Dios, toj ech'em laj alo'la li jchi'iltac li'i xchi'uc li jchi'iltac te ta Jerusalene! Yu'un avalojbe ti chavac'be jun yo'ntonique, pero xco'laj xchi'uc tijil xa espada ta sbec'talic”, xcut.

Jeremías 43:1

C'alal ilaj yo'nton ta yalbel xchi'iltac Jeremías li c'usitic laj yal Muc'ul Dios ta sventaique,

Jeremías 5:31

Li j'alc'opetique puru epalc'op c'usitic chalic; li paleetique ja' chaq'uic ta ch'unel li c'usi tsc'an yo'nton stuquique; li jteclumale toj lec cha'yic, jech tsc'an yo'ntonic ec. Pero ¿c'usi chapasic c'alal me la sta yorail ital avocolique?’, uto”, xi li Muc'ul Diose.

Jeremías 6:14

Lec xa chpoxtabeic xtuch'emal yilel li jteclumale, jech chalbeic ‘Lec xa oy, toj lec chbat scotol’, xutic, ac'o me toj chopol chbat yu'unic.

Ezequiel 13:6

Li c'usi laj yil scuyojique altic, li c'usi laj yalic chc'ot ta pasele puru epalc'op. Jech laj yalic: Ja' la sc'opanuncutic li Muc'ul Diose, xiic, pero muc tacbilicuc cu'un. Jun xa yo'nton tsmalaic chc'ot ta pasel yilel li c'usi chalique.

Miqueas 2:11

Me oy boch'o chlic snop epalc'op, me jech chlic yale: ‘Vu'un ta xcal ti lec to chloc' avu'unic pasem ya'lel ts'usub xchi'uc c'usitic lec tsotsic ta uch'el’, me xie, le'e ja' j'alc'op yu'unic li cristianoetic li' ta lume.

Miqueas 3:11

Yu'un li jchapanvanejetic tee ta puru taq'uin chchapanvanic; li paleetique ta puru tojbil chchanubtasvanic; li j'alc'opetique ta taq'uin chalic li c'usi chc'ot ta pasele. Chalic ti ja' chcoltaatic yu'un Diose, jech chalic: “Li' xchi'inojutic li Muc'ul Diose; mu'yuc c'usi chopol chtal ta jtojoltic”, xiic.

Deuteronomio 29:19

“C'alal me laj xa ava'yic scotol li c'usitic albil ono'ox chc'ot ta pasele, me oy boch'o chlic snop avu'unic ti toj lec cha'ay sbae, me jech chlic yale: ‘Li vu'une toj lec chbat cu'un scotol, manchuc me ta jpas li c'usi tsc'an co'ntone’, me xie. Le'e ja' ta scoj me layavnaijic acotolique.

1 Juan 5:10

Li boch'otic ta xch'un li Xnich'on Diose, yu'un oy ta yo'ntonic li sc'oplal albil ti ja' Xnich'on Dios li Jesuse. Li boch'o mu xch'un c'usi yaloj Diose ja' j'epalc'op chc'ot yu'un li Diose, yu'un mu xch'un li c'usi yaloj ta sventa Xnich'one.

1 Samuel 6:9

Q'uelic lec bu chbat. Me te chbat ta Bet-semes ta yosilal stuque, ja' svinajeb ti ja' Dios laj yac' taluc li vocol li'i. Yan me muc tuc'uc chbate, ja' svinajeb ti ma'uc Dios laj yac' taluc li vocole, yu'un no'ox jech ital stuc li vocole —xiic.