Jeremías 5:11 - Bible in Tzotzil de Chenalhó with Deuterocanon

¹¹ Yu'un ta scotol yo'ntonic la sva'lupatinicun o li smomnich'nab Israel xchi'uc smomnich'nab Judae, xichi vu'un li Muc'ul Diosune”, xi.

Bible in Tzotzil de Chamula

¹¹ Ti Israele xchi'uc ti Judae laj syanijes sjol yo'nton ta jtojol. Ti vu'un Diosune, mu stselbuj ti jc'ope.”

Jeremías 5:11 Iomraidhean Croise

Isaías 24:16

Ta jot to sti' banamil laj ca'ay oy boch'o chq'uejinic, jech chalic: “Ich'biluc ta muc' li boch'o tuc' yo'ntone”, xiic. Pero li vu'une jech laj cal: “¡Ay, toj abul jba, toj abul jba! yu'un li j'ac'vanejetic ta c'abale staoj yav te tspasic o li xchopolilique”, xichi.

Isaías 48:8

Li c'usi chacalboxuque mu'yuc ava'yojbeic o sc'oplal; mu xana'ic o, yu'un jna'oj ono'ox ti mu xac'an xava'yique. Jna'oj ono'ox ti mu xach'unique, ja' yu'un jbajmantal ono'ox abiic cu'un ti c'alal lic voc'anique.

Jeremías 12:1

Muc'ul Dios, mu smeloluc ti ta jtsaquilanot ta lo'ile, yu'un tuc' scotol li c'usi chapase, pero oy c'usi ta jc'an ta jac'bot. ¿C'u yu'un ti ja' toj lec c'usi tstaic li boch'otic chopolique? ¿C'u yu'un ti lec chbat yu'unic scotol li jlo'lavanejetique?

Jeremías 3:20

Pero ja' jech laj apas jech chac c'u cha'al jun ants ti mu junuc yo'nton ta stojol smalale. Ja' no'ox jech muc xapas ta jun avo'ntonic ta jtojol ec, xichi chcal vu'un li Muc'ul Diosune”.

Jeremías 5:10

Ac'o tal ochentaatuc yu'un li yajcontrae; ac'o yich' soquesel li ts'usubtic yu'unique, ac'o me mu j'ech'eluc chlaj sc'oplal o. Ac'o slilinic loq'uel li sc'obc'obtac ts'usubtique, yu'un mu xa ja'uc cu'un.

Jeremías 9:2

¡Oyuc boch'o yac'bun cavil te ta xocol banamil, yu'un te chbat naquicun, yu'un jech xu' ta jvoc' jba batel ta stojol li jchi'iltaque! Yu'un scotolic puru jmulaviletic; yu'un puru chopol stalelic o.

Oseas 5:7

Yu'un mu junuc yo'ntonic ta stojol li Muc'ul Diose; i'ayin xnich'onic, pero yan o boch'o la stotin yu'unic. Ta sventa ti jech la spasique, ta anil no'ox chlajic; jech chbat o ta yan li yosil sbanamilique.

Oseas 6:7

“Li cu'untaque ja' co'olic jech chac c'u cha'al li Adane; la soquesic li c'usi jchapanoje jech la sta smulic ta jtojol.