Jeremías 49:3 - Bible in Tzotzil de Chenalhó with Deuterocanon

³ “¡Hesbón, ato me avo'nton, yu'un laj xa yich' jinesel li lum Haie! ¡Antsetic ta Rabá, oc'anic me! Lapic c'u'il sventa at-o'nton; joyetanic xa no'ox ta spat xocon anaic. Yu'un li dios Milcome chucbil xa ibat ta yan banamil; chucbil ibat xchi'uc li paleetic xchi'uc li banquilaletic yu'une.

Bible in Tzotzil de Chamula

³ Me'inal oq'uitao aba, Hesbón, yu'un ti jteclum Haie ta xlilij xa. Me'inajuc banomil ta tuch'etel ti avo'ntonique, antsetic ta jteclum Raba. Lapic xa lajemal c'u'il, majilanic ti sti' avo'ntonique. Bitetanic ta anil jech c'u cha'al junuc me' chuvajetic, yayijeso aba. Yu'un ti dios Milcome ta xpoye batel ec un jmoj ti bec'bil ta xbat xchi'uc ti yajpaletaque, xchi'uc ti buch'utic ich'bil ye sti'ique.

Jeremías 49:3 Iomraidhean Croise

2 Samuel 11:1

Ta yan jabil c'alal ja'o yorail chloq'uic ta pleito li ajvaliletique, li Davide la stac batel li Joabe xchi'uc j'abteletic yu'un, xchi'uc scotol li israeletique. Bat smilic li amonetique; la setuic lec li lum Rabae. Pero li Davide te icom ta Jerusalén.

1 Reyes 11:33

Li Salomone laj xa sbajun comel; ja' xa bat yich' ta muc' li Astorete, ja' li sme' diosic sidonetique, xchi'uc li Quemose, ja' li sdiosic moabetique, xchi'uc li Moloque, ja' li sdiosic amonetique. Toj chopol c'usitic la spas ta jtojol; muc ja'uc la xch'un li mantaletic, li chanubtaseletic cu'un jech chac c'u cha'al la xch'un li Davide, ja' li stote.

1 Reyes 11:5

Li Salomone ja' lic yich'be ta muc' me' dios yu'un sidonetic, Astoret sbie, xchi'uc Milcom, ja' li sdiosic amonetic ti toj chopole.

2 Reyes 23:13

La soques noxtoc li toyol c'opojebal te ta yeloval lum Jerusalén, ta xocon vits olivatic ta stuq'uil bats'ic'obe. Ja' ti spasoj ono'ox ajvalil Salomón ta sventa Astoret, ja' li me' dios yu'un sidonetique, xchi'uc Quemos, ja' li dios yu'un moabetique, xchi'uc Milcom, ja' li dios yu'un amonetic ti toj chopolic chil Diose.

Esdras 2:28

Li smomnich'nabic boch'otic liquemic ta Betel xchi'uc Haie ja' oxib xlajcha'vinic (223) ta scotol.

Isaías 13:6

Me'on-oc'anic, yu'un nopol xa chc'ot sc'ac'alil yu'un li Muc'ul Diose; xco'laj xchi'uc jmoj ta majel chvul li Boch'o ech'em svu'ele.

Isaías 14:31

Vo'oxuc coraltonetic, me'on-oc'anic. Vo'oxuc lumetic, avananic ta oq'uel. Vo'ot Filistea, chapal xa ac'oplal chavich'. Yu'un ta xtal muc'ta ch'ayil ta stuq'uil norte; jmoj xtomet chloc' tal, me junuc mu'yuc bu jeltos ta xtal.

Isaías 15:2

Li jnaclumetic ta Dibone chmuyic ta toyol ta sna sdiosic, chbat oq'uicuc; li moabetique choc'taic li Nebo xchi'uc Medebae, yu'un i'ulesatic xa, yu'un scotolic juxbil sjolic xchi'uc yisimic.

Isaías 16:7

Ja' yu'un ta me xlic yoc'ta sba; scotol li jnaclumetic tee ch-oq'uic, ch-avanic, solel abul sba cha'yic o; xlaj xtu'p yo'ntonic yu'un li lequil ts'usubetic yu'unic te ta Kir-haresete.

Isaías 23:1

Laj yich' albel sc'oplal ti chlaj li Tiroe. Muc'tic barco, vo'oxuc ti pasbiloxuc ta Tarsise, me'on-oc'anic, yu'un ilaj xa li Tiroe, ja' ti bu chvul acotan abaique. Me jbejuc na mu'yuc xa icom, mu'yuc xa boch'o xu' ch-och te; ya'yojic xa c'alal ta Chipre banamil.

Isaías 23:6

Jech chalic: “Batanic ta ora ta Tarsis; oc'tao abaic, jnaclumetic ta ti'ti' nab”, xiic.

Jeremías 4:8

Ja' lec lapic c'u'il sventa at-o'nton; ato avo'ntonic, oc'tao abaic, yu'un te me oy o ta atojolic li sc'ac'al co'ntone.”

Jeremías 46:25

Li Muc'ul Dios ti tspas ta mantal scotol te ta vinajele, ja' li Dios yu'un Israele, jech chal: “Ta xcac'be stoj smul li Amone, li dios ta Tebase, xchi'uc li Egiptoe xchi'uc li diosetic yu'une, li ajvaliletic yu'une, xchi'uc li faraone, xchi'uc li boch'otic ja' spatoj yo'ntonic ta stojole.

Jeremías 48:2

Ilaj xa sc'oplal ti ich'bil ta muc' li Moabe. Te ta Hesbón laj yich' chapanbel sc'oplal yu'un yajcontratac, jech laj yalic: ‘Batic, bat jch'aybetic o sc'oplal ta stojol yantic lum’, xiic. Jech ec li vo'ote, Madmena, ta xavich' ulesel o; ta xtal ta atojol li espadae.

Jeremías 48:20

Li Moabe iyal xa ta q'uexlal, iyich' xa o. ¡Oc'anic, avananic ta stojol! Alic batel ta uc'um Arnón ti ilaj xa o li Moabe”, xi li Muc'ul Diose.

Jeremías 48:37

Scotolic xjuxanoj sjolic xchi'uc yisimic; sbojanoj sbec'talic, xchi'uc slapojic c'u'il sventa at-o'nton.

Jeremías 48:7

“Moab, ta sventa ti ja' laj apat avo'nton yu'un li c'usitic oy avu'un, xchi'uc li ac'ulejale, ja' yu'un cha'och ta c'abal; li adios Quemose chucbil ta xbat, xchi'uc li paleetic xchi'uc li banquilaletic yu'une.

Jeremías 49:1

Li Muc'ul Diose jech chal ta sventa li amonetique: “¿Me yu'un mu'yuc yalab xnich'nab li Israele? ¿Me yu'un mu'yuc boch'o xu' chich'be comel li yosile? ¿C'u yu'un ti ja' yu'uninoj dios Milcom li yosilal Gade, ti ja' xa te nacalic svinictac ta lumetic te ta Gade?

Jeremías 51:8

Pero ta anil no'ox ta xlom li Babiloniae, toj lilijel chc'ot. Oc'anic, avananic ta stojol. Ich'beic tal jutuc xpoxil ti bu tuch'emique; oy yic'al ta to xcol”, xi li Muc'ul Diose.

Jeremías 6:26

Jchi'iltac, lapic c'u'il sventa at-o'nton ti ch'ixlajan ta lapele. Balo abaic ta tan, ato avo'ntonic, oc'tao abaic, jech chac c'u cha'al li boch'o chcham xnich'on ti c'ajumal jun xnich'on oye, yu'un ta xa me xtal li jmilvanej ta jtojoltique.

Amós 1:15

Li ajvalil xchi'uc scotol li jpasmantaletic yu'une ta xich'ic chuquel batel ta yan banamil”, xi li Muc'ul Diose.

Sofonías 1:5

Ta xculesic noxtoc li boch'otic chmuyic ta yamaq'uil jol na tsquejan sbaic batel ta stojol li c'usitic oy ta vinajele, xchi'uc li boch'otic tst'abbicun jbi c'alal oy c'usi chalique, xchi'uc ti tst'abbeic sbi noxtoc li sdiosic Milcome.

Santiago 5:1

A'yo ava'yic, vo'oxuc jc'ulejetic, oc'anic, xchi'uc avananic ta sventa ti tsots avocolic ta xtale.

Josué 7:2

C'alal te oyic ta Jericó li israeletique, li Josuee la stac batel jayibuc viniquetic ta lum Hai te ta sloq'ueb c'ac'al yu'un Betel ta nopol Bet-avén. Jech laj yalbe batel: “Batanic, bat q'uelic tal lec c'u x'elan li banamil tee”, xut. Jech ibat sq'uelic tal c'u x'elan li lum Haie.

Josué 8:1

Li Muc'ul Diose jech laj yalbe li Josuee: “Mu me xaxi'; mu me xchibaj avo'nton. Ic'o batel scotol li viniquetic ti xu' xa yu'unic pleitoe. Muyanic batel ta lum Hai yu'un cac'ojbot xa ta ac'ob li ajvalile, xchi'uc li svinictaque, xchi'uc scotol li slumale, xchi'uc li yosilale.

Josué 8:28

Li Josuee lec la xchiq'uic li lum Haie. Solel yav la scomtsanic o; ja' jech o c'alal to tana.