Jeremías 48:9 - Bible in Tzotzil de Chenalhó with Deuterocanon

⁹ Bat va'anic muc'ta ton ta sventa senyail muquinal te ta Moab, yu'un ta xbat avulesic, yu'un ta xich' yavnaijesel scotol li lumetic yu'une, mu'yuc xa boch'o te nacal chcom o”, xi.

Bible in Tzotzil de Chamula

⁹ Caj va'anbeic jbejuc ton ti Moabe, j'ech'el ta stsutsesat. Lilijem ta xcom ti steclumale, mi junuc ti jnaclejetic une.”

Jeremías 48:9 Iomraidhean Croise

Salmos 11:1

Ja' no'ox jpatoj o co'nton ta stojol li Muc'ul Diose, Altic ti jech chiyalbicune: “Jatovan batel ta anil ta vitsetic, jech chac c'u cha'al mutetic.

Salmos 55:6

Jech la jnop ta co'nton: “Oyuc c'uxi x'ayin jxic' jech chac c'u cha'al stsumute, xu' chivil batel ti jechuque, jech xu' ta jcux co'nton.

Isaías 16:2

Li jnaclumetic ta Moabe ja' jech te no'ox xjoyetic ta taqui bevo' Arnón jech chac c'u cha'al mut ti sibtasbil loq'uel ta stase.

Jeremías 44:22

Yu'un muc xa sts'ic yu'un laj ya'ay ti toj chopol c'usi chapasique, ja' yu'un li avosilalique la syavnaijes. Toj xi'bal sba ta q'uelel, chopol sc'oplal o; mu'yuc yajval icom o jech chac c'u cha'al li' ta orae.

Jeremías 46:19

Chapano me abaic ta sventa chavich'ic chuquel batel, jnaclumetic ta Egipto, yu'un li lum Menfise ta xc'ataj ta xocol banamil; ta xyavnaij o, mu'yuc yajval chcom o.

Jeremías 48:28

Jnaclumetic ta Moab, comtsanic li alumalique; bat naclanic ta ch'entic jech chac c'u cha'al stsumut ti te tspas stasic ta c'alch'entique.

Sofonías 2:9

Ja' yu'un chcal ta jamal ta sventa jbi jtuc, vu'un li Cuxul Diosun yu'un Israele: Li Moabe ja' jech ta xcom jech chac c'u cha'al Sodoma; li Amone ja' jech ta xcom jech chac c'u cha'al Gomorra. Yavil ch'ixtic ta xcom, sloq'uem ats'am ta xcom; jeche' xch'ijan ta xcom o. Li scomelal jteclumale ja' ta xlic spojic scotol; li scomelal jteclumale ja' ta xu'uninic o”, xi li Diose.

Apocalipsis 12:14

Pero li antse i'ac'bat chib xic' jech chac c'u cha'al xic' jun muc'ta xic, yu'un ac'o viluc loq'uel te ta stojol li chone. Ac'o batuc ta yavil ta xocol banamil ti bu chmac'linat o'lol xchanibal jabile.