Jeremías 48:7 - Bible in Tzotzil de Chenalhó with Deuterocanon

⁷ “Moab, ta sventa ti ja' laj apat avo'nton yu'un li c'usitic oy avu'un, xchi'uc li ac'ulejale, ja' yu'un cha'och ta c'abal; li adios Quemose chucbil ta xbat, xchi'uc li paleetic xchi'uc li banquilaletic yu'une.

Bible in Tzotzil de Chamula

⁷ “Moab, apatoj avo'nton yu'un ti oy yipal avu'une, ti oy ac'ulejale, le' une, mu q'uelbiluc ta xacom un. Ti adios Quemose, sbajtical banomil sq'ueloj batel un, jmoj xchi'uc ti yajpaletaque, ti buch'u ich'bil ye sti'ique.

Jeremías 48:7 Iomraidhean Croise

2 Samuel 5:21

Li filistaetique te icom yu'unic li sloc'obaltac sdiosique. Li David xchi'uc xchi'iltaque la xchiq'uic.

1 Reyes 11:33

Li Salomone laj xa sbajun comel; ja' xa bat yich' ta muc' li Astorete, ja' li sme' diosic sidonetique, xchi'uc li Quemose, ja' li sdiosic moabetique, xchi'uc li Moloque, ja' li sdiosic amonetique. Toj chopol c'usitic la spas ta jtojol; muc ja'uc la xch'un li mantaletic, li chanubtaseletic cu'un jech chac c'u cha'al la xch'un li Davide, ja' li stote.

1 Reyes 11:7

Ja' yorail noxtoc lic spasbe sc'opanbil li Quemos, ja' li sdios moabetic, xchi'uc Moloc, ja' li sloc'obal sdios amonetic ti toj chopol chil Diose. Ja' te la spas ta vits ta stuq'uil sloq'ueb c'ac'al yu'un Jerusalén.

Salmos 40:4

Xcuxet no'ox yo'nton li boch'o ja' no'ox chch'un ti chcoltaat yu'un Muc'ul Diose, ti mu ja'uc chbat xchi'in li jtoybaetic xchi'uc li boch'o chich'ic ta muc' c'usitic mu ja'uc Diose.

Salmos 52:7

“Q'uelavil li vinic ti muc ja'uc la sc'an coltael yu'un Diose, ti ja' no'ox la spat yo'nton yu'un sc'ulejale, xchi'uc ti ja' la spas o li c'usi chopol oy ta yo'ntone”, xiic.

Jeremías 13:25

Ja' xa amoton o ti jech chajpasbote, yu'un laj ajipun ta avo'nton; ja' laj apat avo'nton yu'un li sloc'obal diosetique.

Jeremías 43:12

Ta xchiq'uic ta c'oc' scotol li ch'ulnaetic sventa sdiosic ta Egiptoe, xchi'uc li diosetique ta xchuquic batel ec. Ta xch'ubaic comel scotol li yosilal Egipto jech chac c'u cha'al biq'uitic tstsacbe sac-uch'al sc'u' li jchabichije, jech jun no'ox yo'nton chloc' batel.

Jeremías 48:13

Li Moabe yalem ta q'uexlal ta xcom ta scoj li sdios Quemose, jech chac c'u cha'al yalem ta q'uexlal icom li Israel ta scoj li c'usi la spasic ta Betele.

Jeremías 48:46

¡Ay, toj abul aba Moab! ¡Xnich'nabtac dios Quemos, lach'ayic o batel! Ichucatic xa batel li viniquetic avu'unique; i'ic'atic xa batel ta yan banamil li antsetic avu'unique.

Jeremías 49:3

“¡Hesbón, ato me avo'nton, yu'un laj xa yich' jinesel li lum Haie! ¡Antsetic ta Rabá, oc'anic me! Lapic c'u'il sventa at-o'nton; joyetanic xa no'ox ta spat xocon anaic. Yu'un li dios Milcome chucbil xa ibat ta yan banamil; chucbil ibat xchi'uc li paleetic xchi'uc li banquilaletic yu'une.

Jeremías 49:4

Jbajmantal cristianoetic, ¿c'u yu'un chatoy aba achi'uquic li yaxal stenlejaltic avu'unique? Yu'un mu'yuc xa c'usi chloc' avu'unic. Vo'oxuc ti ja' no'ox apatoj avo'ntonic yu'un li ac'ulejalique, jech chavalic: ‘¿Me oy boch'o xu' chtal scontrainutic?’, xachiic.

Jeremías 9:23

Jech chal li Muc'ul Diose: “Mu me stoy sba ta sventa sbijil li boch'o lec bije; mu me stoy sba ta sventa lec xu' yu'un li boch'o lec tsotse, xchi'uc mu me stoy sba ta sventa sc'ulejal li boch'o lec jc'uleje.

Oseas 10:13

Ja' to'ox lavabtelanic li c'usi chopole, jech ja' lac'ajic li c'usi chopole. Ja' lalo'beic sat li avepalc'opique. “Ta sventa ti ja' laj apat avo'nton yu'un li c'usi anopoj atuque, xchi'uc li epal soldadoetic oy avu'une,

Números 21:29

Toj abul aba, Moab. Xnich'nabtac dios, Quemós, ch'ayemoxuc xa o. Li Quemose laj yac' ti ac'o jatovicuc batel li avinictaque. Xchi'uc laj yac' ti ac'o ochicuc ta sc'ob ajvalil Sehón li antsetic avu'une.

1 Timoteo 6:17

Li jc'ulejetic li' ta banamile, albo mantal ti mu me stoy sbaique, ti mu me ja'uc spat yo'nton yu'un li sc'ulejalique. Yu'un li c'ulejalile ta xlaj sc'oplal. Ja' ac'o spat yo'ntonic ta stojol li Diose, yu'un ja' chiyac'butic scotol li c'usitic ta xtun cu'untique, yu'un jech xcuxet no'ox co'ntontic.

Apocalipsis 18:7

Ti c'u yepal la stoy sbae xchi'uc ti jayib velta la spas c'usitic lec cha'ay stuque ja' jech yepal vocol, ja' jech yepal at-o'nton chich'. Yu'un jech chal ta yo'nton: ‘Li vu'une chotolun lec ta jchotleb jech chac c'u cha'al jun me' ajvalil. Mu ja'uc jechun jech chac c'u cha'al jun me'on ants; mu'yuc c'usi ora chquil ta jsat chi'oc'’, xi.

Jueces 11:24

Li c'usi chayac'bot ec li Quemós, ja' li dios avu'une, ja' xa avu'un chc'ot o ec. ¿Me mu jechuc? Ja' no'ox jech ec li vu'uncutique, li c'usi laj yac'bun ta jc'obcutic li Muc'ul Diose ja' xa cu'un chca'icutic o ec.