Jeremías 48:2 - Bible in Tzotzil de Chenalhó with Deuterocanon

² Ilaj xa sc'oplal ti ich'bil ta muc' li Moabe. Te ta Hesbón laj yich' chapanbel sc'oplal yu'un yajcontratac, jech laj yalic: ‘Batic, bat jch'aybetic o sc'oplal ta stojol yantic lum’, xiic. Jech ec li vo'ote, Madmena, ta xavich' ulesel o; ta xtal ta atojol li espadae.

Bible in Tzotzil de Chamula

² Nom to c'ot yutsilal ma' ti Moab une. Ti yajcontratac Moab ti oyic ta jteclum Hesbone, snopilanic xa ti tubuc sc'oplal Moab ti jech muc' ta lume. Ta xch'ay ac'oplal ec un, Madmén, q'uelel ta atojol ma' ti leto une.

Jeremías 48:2 Iomraidhean Croise

Isaías 15:1

Laj yich' albel sc'oplal c'usi chc'ot ta pasel ta stojol li Moabe: Ta yac'ubalil c'alal chich' jinesel li lum Are, te chich' jinesel o li Moabe; ta yac'ubalil c'alal chich' jinesel li lum Kire, te ch-och yajval o ta ulesel li Moabe.

Isaías 15:5

Li co'ntone toj abul sba cha'ay li Moabe, yu'un li svinictaque chjatovanic batel ta anil c'alal ta Zoar; ch-anilajic batel c'alal Eglat-selisiya; x'oc'oletic chmuyic batel ta Luhit; x'avetic no'ox batel ta at-o'nton ta sbelal Horonaim.

Isaías 16:14

Pero li' ta orae jech chal yan velta li Muc'ul Diose: “Le' ta oxib jabile, jbel sc'oplal chapal chcom ti chlaj sc'oplal o stoyobbail li Moabe, xchi'uc li yepal cristianoetic te nacajtique; jutuc xa no'ox cuxul chcomic, pero j'ech'el mu'yuc stsatsalic o”, xi li Muc'ul Diose.

Isaías 25:10

Li Muc'ul Diose tsmac lec ta sc'ob li vits Sione; yan li Moabe te no'ox chich' pech'el ta teq'uel ta yamac' jech chac c'u cha'al chich' pech'el ta teq'uel jobel ta c'a'eptic.

Jeremías 25:15

Jech laj yalbun noxtoc li Muc'ul Dios, ja' li Dios yu'un Israele: “Tsaco li bis li' jtsacoj ti noj ta sc'ac'al co'ntone; bat ac'bo yuch'ic scotol li muc'tic lumetic ti bu chajtacot batele.

Jeremías 25:17

La jtsac li bis te oy ta sc'ob Muc'ul Diose; bat cac'be yuch'ic li muc'tic lumetic ti bu la stacun batel li Muc'ul Diose.

Jeremías 31:36

“Me oy chc'ot yorail ti mu xc'ot ta pasel c'usi chal li mantaletic laj cal li'i ja'o yorail xu' mu xa xcom ta jteclumal ec li smomnich'nab Israele.

Jeremías 33:24

“¿Me mu ava'yojuc c'u x'elan chlo'ilajic li cristianoetique? Chalic ti jbajoj xa o li cha'chop lum ti jt'ujoj ono'oxe, ja' li Israel xchi'uc Judae. Ja' yu'un mu'yuc xa stu chilic o li jteclumale; mu xa scuyic ta jun muc'ta lum.

Jeremías 46:28

Smomnich'nab cajtunel Jacob, mu xaxi', yu'un li' jchi'inojot. Ta xcules scotol li yantic lum ti bu la jpucoxuc batele; Yan li vo'oxuque mu'yuc chaculesoxuc. Lec tuc' ta jtaq'uioxuc; mu xu' ti colem chacomic, ti mu'yuc chacac'boxuc atoj amulique”, xi li Muc'ul Diose.

Jeremías 48:17

Vo'oxuc ti te oyoxuc ta spat xocon Moabe xchi'uc vo'oxuc ti ava'yojbeic sc'oplale oc'anic ta stojol, jech xavalic: ‘¿C'u x'elan ic'as li tsatsal vastone, li vara ti toj lec c'upil sbae?’, chianic.

Jeremías 48:42

Li Moabe ta xich' jinesel o, mu xa lumuc chcom o, yu'un la stoy sba ta jtojol vu'un li Muc'ul Diosune.

Jeremías 48:45

“Li boch'otic chjatovic batele, ch-alubic, te chlic snac' sbaic ta xyaxinal lum Hesbón. Pero chloc' c'oc' noxtoc te ta Hesbón, natic yat c'oc' chloc' te ta slumal li ajvalil Sehone, jech ta xchic' scotol li vitsetic yu'un Moab, ja' li jsa'c'op lume.

Jeremías 49:3

“¡Hesbón, ato me avo'nton, yu'un laj xa yich' jinesel li lum Haie! ¡Antsetic ta Rabá, oc'anic me! Lapic c'u'il sventa at-o'nton; joyetanic xa no'ox ta spat xocon anaic. Yu'un li dios Milcome chucbil xa ibat ta yan banamil; chucbil ibat xchi'uc li paleetic xchi'uc li banquilaletic yu'une.

Jeremías 49:37

Li lum Elame ta xcac' nicuc ta xi'el ta stojol li yajcontrae; ta xcac'be tsots svocol. Ta xcac'be ta stojol scotol li sc'ac'al co'ntone, xchi'uc ta jtacbe tal muc'ta pleito ta stojol, ja' to me i'ul o scotole. Vu'un chcal jtuc, vu'un li Muc'ul Diosune.

Números 32:37

Yan li jchop liquemic ta Rubene ja' la xcha'meltsanic li lum Hesbone, li Eleale, li Quiriataime,