Jeremías 47:4 - Bible in Tzotzil de Chenalhó with Deuterocanon

⁴ Yu'un ta xa sta sc'ac'alil ta xich'ic ulesel li filistaetique, xchi'uc li lum Tiro, xchi'uc Sidone, xchi'uc li boch'o cuxul to chcomic ti co'ol yo'ntonic xchi'uque. Yu'un li Muc'ul Diose ta xules o li filistaetic ti te liquemic tal ta banamil Caftor ti cacal ta nabe.

Bible in Tzotzil de Chamula

⁴ C'ot xa yorail ta stsutsesatic ti filisteoetique. C'ot xa yorail ta stsutsesbel sc'oplal ti jteclum Tiroe xchi'uc ti Sidone, ti stsacoj yipic ta xa'iic xchi'uque. Jech un, ti Diose ta stubbe sc'oplal ti filisteoetic ti nacalic ta Creta banomil joyobtabil ta nabe.

Jeremías 47:4 Iomraidhean Croise

Génesis 10:15

Li sba xnich'on Canaane ja' Sidón sbi. Oy yan noxtoc, Het sbi.

1 Crónicas 1:12

Patrusim, xchi'uc Casluhim. Ja' moltotiletic ic'ot yu'unic li filistaetic xchi'uc li caftoretique.

Job 9:13

Me i'ilin li Diose, mu sna' sutes sba; pech'bil ta teq'uel chcom yu'un li boch'o co'ol yo'nton xchi'uc jtoybaetique.,

Salmos 37:13

Pero li Cajvaltique stse'in no'ox ti jech tspasique, yu'un sna'oj ti po'ot xa chlaj yorailique.

Isaías 10:3

¿C'usi chapasic ti c'alal tsta yorail chapanele? ¿Boch'o chaviq'uic yu'un ac'o scoltaoxuc c'alal chavilic chlic tal ta nom li boch'otic chtal yulesoxuque? ¿Bu chavaq'uic comel li ac'ulejalique?

Isaías 14:31

Vo'oxuc coraltonetic, me'on-oc'anic. Vo'oxuc lumetic, avananic ta oq'uel. Vo'ot Filistea, chapal xa ac'oplal chavich'. Yu'un ta xtal muc'ta ch'ayil ta stuq'uil norte; jmoj xtomet chloc' tal, me junuc mu'yuc bu jeltos ta xtal.

Isaías 20:6

C'alal ja'o jech chc'ot ta pasele, jech chalic li boch'otic te nacajtic ta ti'ti' nabe: ‘Q'uelavilic c'usi ic'ot ta pasel ta stojol li boch'otic jpatoj to'ox co'ntontic yu'une, ti laj to'ox scoltautic loq'uel ta sc'ob li ajvalil ta Asiriae. Tana ¿boch'o xa ta jc'anbetic vocol ac'o scoltautic?’, xiic”, xi li Muc'ul Diose.

Isaías 31:8

ja'o yorail chchamic ta espada li asiriaetique, pero muc ta svu'eluc jun cristiano, ma'uc ta yespada boch'o sna' xcham. Ta xjatovic batel ta scoj li espadae; li querem soldadoetic yu'unique ta xcom ta amozoic.

Jeremías 46:10

Li c'ac'al le'e ja' sventa Muc'ul Dios ti tspas ta mantal scotol te ta vinajele; ja' xa sc'ac'alil ta stsal li yajcontrae. Ta stsac lec sve'el li espadae, ta xnoj lec xch'ut; ta xyacub lec yu'un li ch'ich' chuch'e. Li Muc'ul Diose ta spas lec q'uin, chac' lec milbil matanal te ta norte banamil ta nopol uc'um Éufrates.

Ezequiel 21:25

Li vo'ote, banquilal ta Israel, bats'i toj ech'em chopol li avabtele. Laj xa sta sc'ac'alil, ja' xa yorail chavich' li slajeb stojol amule.

Ezequiel 21:29

Li c'usi chil ta xch'ulel scuyojique mu meleluc; li c'usi chalique puru epalc'op, yu'un jech ac'o c'otuc ta stojolic c'ocbel snuq'uic ta espada li boch'otic chopol c'usi tspasic ti sc'oplal ac'o chamicuque. Ista xa yorail ch-ac'bat stoj li c'usi chopol tspasique.

Ezequiel 25:16

Ja' yu'un jech chcal vu'un li Muc'ul Diosune: Ta jye' batel jc'ob ta stojol ec li filistaetique. Ta jch'aybe o sc'oplal li ceretetique; ta xcules o li boch'otic chcomic to te ta ti'ti' nabe.

Ezequiel 30:8

C'alal chcac'be sc'ac'al li Egiptoe, xchi'uc c'alal chlaj scotol li lumetic tspojique, jech tsna'ic o ti vu'un Muc'ul Diosune.

Ezequiel 7:12

Ista xa yorail; ic'ot xa sc'ac'alil. Li boch'o chmanulaje mu'yuc xcuxet yo'nton. Li boch'o ta xchonolaje mu'yuc c'usi choc'ta, yu'un scotol oy ta sbaic li sc'ac'al yo'nton Diose.

Oseas 9:7

¡Ic'ot xa yorail chtal li vocole! ¡Ista xa sc'ac'alil chtal li stojol mulile! Israeletic, ta to xavilic ti ta melel ja' xa yoraile. Ac'o me jech chavalic li' ta orae: “Li j'alc'ope ja' jun bol cristiano. Li vinic ti chc'opanat yu'un Dios yaloje vovijem sjol”, xachiic. Ja' ta scoj ti toj chopoloxuque, ti toj chopol avo'ntonic cu'une.

Amós 9:7

Jech chal li Muc'ul Diose: “Israeletic, co'oloxuc xa no'ox achi'uquic chquil li etiopiaetique. Li vo'oxuque laj quic'oxuc loq'uel tal ta Egipto banamil. Ja' no'ox jech laj quiq'uic loq'uel tal ta Creta ec li filistaetique; jech noxtoc li arametique laj quiq'uic loq'uel tal ta Kir”, xi.

San Lucas 21:22

Yu'un ja' xa sc'ac'alil ta xich'beic stojol jech chac c'u cha'al ts'ibabil comele.

Deuteronomio 2:23

Ja' co'ol jech chac c'u cha'al ic'ot ta pasel ta stojolic noxtoc li hevetic ti te to'ox nacalic ta tsobtsobnaetic ta nopol Gazae. Pero imilatic yu'un li filistaetic ti iliquic tal ta Cretae. Jech te inaquiic o.

Josué 22:30

Li pale Finees xchi'uc li banquilaletic yu'un israeletic ti ich'bilic ta muc' ta jujuchop sbiique c'alal laj ya'yic c'u x'elan itac'ovic li jchop liquemic ta Rubén, ta Gad, xchi'uc li o'lol jchop liquemic ta Manasese lec laj ya'yic.