Jeremías 47:3 - Bible in Tzotzil de Chenalhó with Deuterocanon

³ Li totiletique chlaj stsatsalic ta scoj xi'elal ti xbatatet no'ox tal li svoy ca'etique, ti xchac'lajet no'ox tal caretaetique, ti squits'lajet no'ox tal li yacantaque; jech mu'yuc xa ta stuc'ulanic o li xnich'nabique.

Bible in Tzotzil de Chamula

³ Ti ta xa'iic xc'ojlajet no'ox svoy ti ca'e, ti x'eblajet no'ox ti carretae, ti squits'lajet no'ox ta a'yiel scarosal ti carretae. Mu'yuc xa yipal ta xa'iic ma' ti totiletic une, ta scomtsan stuc ma' ti xnich'nabic une.

Jeremías 47:3 Iomraidhean Croise

Isaías 5:28

Lec ts'ubajtic sni' li flecha yu'unique; lec xa cotajtic li st'ilesubil sflechaique. Li svoy sca'ique lec tsotsic jech chac c'u cha'al ton; c'alal chjoyij li yacan scaretaique, ja' jech chac c'u cha'al sutub ic'.

Jeremías 46:9

“¡Aq'uic persa ca'etic! ¡Jipo abaic batel caretaetic! ¡Loc'anic xa batel soldadoetic! Li soldadoetic ta Etiopía xchi'uc ta Libiae ac'o xa yich' batel li smaquique; li soldadoetic ta Lidiae ac'o xa st'inan batel li st'ilesubil sflechaique.

Jeremías 50:42

Oy lec sflechaic xchi'uc slanzaic; ven simaronic, me jutuc mu'yuc c'uxubinel ta yo'ntonic. Ti c'alal ch-avanique, ja' jech chac c'u cha'al xbac' muc'ta nab. Cajajtic ta ca' chtalic; lec chapalic sventa chtal stsaquic ta pleito li Babiloniae.

Jeremías 8:16

¡Tal xa li cajcontratique! Taj to ta Dan xvinaj xjuch'te-juch'te tal yic'al sni' li sca'ique. Chnic xa scotol banamil yu'unic li yech'al ye sca'ic ti sts'ijlajetic no'ox tale. Ja' xa tal soquesic li banamil xchi'uc scotol li c'usitic oye; tal soquesic li lumetic xchi'uc scotol li boch'otic te nacajtique”, xiic.

Ezequiel 23:24

Ta xtal scontrainicot xchi'uc epal caretaetic xchi'uc epal soldadoetic; ta setuoxuc ta jujujot, chich' tal lec yabtejebic, smac sjolic, xchi'uc smacubbailic. Vu'un ta jmantal chayac'bot atoj li amule; ja' jech chaxchapanot jech chac c'u cha'al chal li mantaletic yu'unique.

Nahúm 2:4

Li caretaetique sjip no'ox sbaic tal ta anil ta xoraltic. Xtal xbatic no'ox ta juretel ta jujujot cuxub o'ntonal ta yut lum. Tstsan yilel jech chac c'u cha'al c'oc'; xjaplajet no'ox jelovel ta anil jech chac c'u cha'al sacsevul.

Nahúm 2:8

Li jnaclumetic ta Ninivee ja' jech chjatovic loq'uel jech chac c'u cha'al vo' ti c'alal chjat bu ts'anale. Jech ta xalic: “Pajanic to, pajanic to”, xiic, pero me junuc mu'yuc xa boch'o tsq'uel sutel sva'lupat.

Apocalipsis 9:9

Oy smac scotol sbec'talic pasbil ta tsatsal taq'uin. C'alal chbac' xiq'uique, ja' jech xbac' jech chac c'u cha'al xbac' epal caretaetic ti nitbil ta anil yu'un ca'etic c'alal chbatic ta paspleitoe.

Jueces 5:22

“Xc'ojlajet no'ox tal svoy li ca'etique; xc'uletic no'ox ta anil li muc'tic ca'etique.